الأكزوز أنشلخ وأحتاج نصيحة من أهل الخبرة...

[راكب الشفر]

السلام عليكم ورحمته الله وبركاته


اخواني اعضاء مكشات


جتني مشكلة بالأكزوز حيث انه انشلخ من مدة وخليته والحين زاد واخاف ينكسر علي...
والحين مدري اركب هدرز ولا اركب أكزوز من التشليح..؟؟؟
مشكلة الهدرز أنواع الازعاج والقلق
أما الأكزوز تحصله بس غالي
وانا بصراحة لقيت أكزوز بس سعره غالي شوي
وانا بصراحة ماودي اشتريه وابحل به
لأني ما عندي اي خلفية عن ورش تركب الاكزوز
واخاف اطب عند هاليمنية او البنقالية يعدم علي الموتر زيادة فاللي خابر لنا محل يركب الاكزوز ومعروف انه زين يدلنا عليه
وماعندي مشكلة بالرياض او الشرقية او حتى بالقصيم اهم شي يكون تركيبه مضمون




اللي عنده خلفيه يفيدنا وجزاكم الله الف خير

[راكب الشفر]

22 مشاهدة ولا رد...؟؟؟؟

[هوايتي مكشات]

لا علم لنا يالغالي

[1231]

اول شي الموتر وشو.
ثاني شي ليه ماتلحمه.

[فارس العيون]

الهدرز مايشترط يصير صوته قووي...

على حسب الدبة...

تصير عادية او كاتمة للصوت

[رااعي الفزعات]

أنــااا رائيي من رأي أخـــوي الغاالي ( فارس العيوون ) ركـــب هدرز على دبــه الوكاله والورشه الجيده بشغل الهدرزات بالقــصيم ( علي السيف) وان شاء الله اكون افدتك . .

تقـــبل مرووري يالغالي . .

[escape_man]

اذا الاكزوز معدنه زهر فماينفع معه اللحام ومالك الا جديد او تشليح

اذا حديد فممكن يتلحم

اتصل على الصمعاني الي بالقصيم ويعطيك عنوان ورشتهم الي بالرياض بصناعية الدايري

عندهم مكينة خاصة بهالشغلات

[اسير الغضا]

رقم هدرز مع دبه كاتمه للصوت

الا الكزوز وشو

[مواسي الطعوس]

ركب راس هدرز .... ابرد للموتر وانشط واقل صرفية بنزين . ولافيه صوت الراس لحاله .لكن لايصير بجنبه قريب شي يحتمي منه ..الا اذا تبي تحط عليه عازل ((اللي يلف زي الحبل...او صاجه ))

[b.l.z 2007]

ركب له هدرز كاااتم

[b.l.z 2007]

وبالنسبه للورش اللي تركب الاقزوز في واحد بالجبيل شغله تمام انا مركب عنده الهدرز ؟؟

[أبوصقر]

ليش ماتلحمه.. وإذا ودك بالهدرز ماهو شطر يكون الهدرز صوته مزعج على حسب الدبه..