الله لايهينكم ابي الفزعه ومشورتكم .,.

[دبشه سلق]

السلام عليكم



معليش يا اخوان ازعجتكم بالمواضيع



بس انا ابي حل للسلوقي الجفول مايجين ابد اذا ناديته وش الحل ياعيال تكفون

[مدهـوش]

كم عمر السلوقي /

ان كان توه جرو يمكن ان تعامله بلطف ورقاقه وتمسح عليه وتعطيه الاكل من يدك او تقوم بدعوه عند الاكل والوقف معه حتى يرتاح لك

وحينما تقوم بأستدعائه تقوم بالتصفير له واظهار اصوت الولف له والدعوه بخفه صوت حتى يعرف انك تريده ولا تريد اذائه

واهم ماعليك هو ان تقوم بربطه في الشبك او محله ولا تطلق رباطه الا وانت معه

وثانيا تقوم بوضع الحبل في رقبته وتقوم بالمشي معه حتى يمشي معك ويوالفك بالتمام




والباقي عند الاخوان لاني لست الخبر والكافي

[طير بيروت]

عطه الاكل انت شخصياً

ولا تخلي الورعان يقربونه

[الأكيدر]

ماقصر اخوي عبرود سنجر
والي ابي ازيده اذا كان السوقي كبير هو انك تخليه محشور بالشبك واذا طلعته تطلعه وهو
مربوط وتاخذه معك لك بخلا قريب وتمشيه معك وهو مربوط فتره يعني خمس طلعات
على هالحال وماتكون يومين يعني كل يومين ثلاث وبعدين تخليه مربوط بالحبل
وتخلي الحبل بالارض وتخليه يمشي معك وكل ماوقف تمسك الحبل
وتسحبه مع كلمة تعال واهم شي لاتضربه
موفق اخوي ان شاء الله


ومعليش طولتها شوي وهذي الطريقه جربتها ونفعت ولله الحمد


تقبل مرور اخوك ابو دهام

[مودع الخلان]

ماقصروا الاخوان

وازيد علا كلام الاخوان

جوع السلوقي وعطه اكله وحك راسه عشان يولفف معك لانه به وحشه

[الذود العفر]

أهم شي لاأحد يضربه وحاول تخصص وقت يوميا ساعه على الأقل تجلس به مع السلوقي

وطول هالساعه تجلس وتمسح عليه وأنت تمسح عليه تقول أسمه عشان يحفظه وبالبدايه

دقه بالجوع ولا يعطيه الأكل غيرك ولاأستجاب معك أكرمه بالأكل أهم شي الجلسه اليوميه

مع السلوقي وشغلة شهر بالكثير راح تلاحظ ولف غير طبيعي للسلوقي لك أنت بالذات

لدرجة أنك مجرد ماتدخل يجي هو لك من دون ماتنادي له ,,

وأذا أنت مستعجل عليه أعزله لحاله بمكان مايكون به سلق أو أي حيوانات بحيث أنه يمل من

الجلسه لحاله ومافيه أحد يلعب معه ويتشفق جلسة هالساعه اللي تجي أنت به عشان يلعب معك

لأنه مل من الجلسه لحاله وهالطريقه بدل ماتجلس شهر تجلس أسبوعين ,,

الطريقه مجربه وانشالله أنه تنفع معك ,,

وللعلم جفالة السلوقي زينه نوعا ما لأن تصعب سرقة السلوقي لأنه جفول ومايجي ألا لراعيه ,,

أتمنى أني أكون أفتدك ..

[ادهم الطحاوى]

ما قصرو الاخوان وان شاء الله افادوك
تقبل مرورى