ما انسب صتم للفايروخ 80 ؟؟ 4.5 ام 5.5

[مشاري 11]

السلام عليكم ورحمة الله وبركاته
اسعد الله مسائكم / صباحكم بالخير والمسرات

انا ولله الحمد قررت ان اشتري ساكتون هوائية ( فايروخ 80 )

ولكن احترت في اختيار نوع الساكتون ماهو الافضل في نوع الصتم

4.5 ام 5.5

اما نوع الصيد ما يفرق معي اي شي ودي اصيده
يعني مو بس صغير ولا بس كبير
اما المسافه تعرفون مرات بعيد ومرات قريب

انتظر تصويتكم يا اهل الخبره
ولكم مني جزيل الشكر والتقدير

[omar salman]

وعليكم السلام ورحمة الله وبركاته
الصتم 5,5 بلا شك
كتلته وتسارعه أفضل
كيف ؟
فيه في المواقع الأجنبية الخاصة
بالهوائيات شيء اسمه - جول -
تقدر تشيّك كم يعطيك رقماً مع
الحجمين الصتم الصغير تأثيره على
الأجسام أخف حتى لو كان أسرع ودائماً
صيده يقع بعيداً وأحياناً يصيب الطائر
بإعاقة ولا يموت فيُذكى .
وكذلك الصتم الصغير وهو في اتجاهه
للهدف يقل اندفاعه اذا ضعفت سرعته .
الصتم 5.5 وهو منطلق للهدف كتلته
تدفعه للاستمرار وكأنه يدفع نفسه
وإذا وقع على الجسم أحدث فجوة اكبر
وأكثر تحطيماً فيكون تأثيره بذلك أقوى
ونادراً الطير يغادر مكانه .
ولكن للبنادق الهزيلة الصغير أفضل .

[بن نحيته]

4.5 لا تدور غيرة

[قناص الصمان]

4.5 افضل بكثير واكثر القوانيص ما ياخذون الا ذا

[حروووووني]

من واقع تجربه

انا اشتريت فايروخ 80 قبل 5 شهور

مقاس الصتم 5.5

والله اني في البدايه خفت منها لاكن بعد ماجربتها

طلعت افضل من الصتم 4.5

والله اني اصيد بها كل يوم وماشاء الله على طول والصيده ميته

لا تاخذ الا 5.5

[مشاري 11]

الله يعطيكم الف عافيه ( الصياد 90 _ بن نحيته _ قناص الصمان _ حرووووني)
ما قصرتو بردودكم

والله احترت
ولكن الله يكتب اللي فيه الخير
ننتظر التصويت
ومساعدت باقي الاخوان
وانشاء الله بعد 4 ايام راح اشتري
اللي يترجح بمنتداكم الرائع
ولكم مني جزيل الشكر والتقدير

[الهاوي vip]

4.5 حلوو ولا يقطع وصغير وين ما تبي يجي بس اوزنها صح بس

تقبل مروري

[مشاري 11]

الله يعطيك الف عافيه اخوي الهاوي

شكل الكفة والترجيح مايل على الـ 4.5

ننتظر التصويت
وانا يومين واروح للرياض
واشتري
اللي يكتب لي الله
اشكر كل من ساهم وحاول مساعدتي
وننتظر التصويت
ولكم مني جزيل الشكر

[العطاوي2010]

انت توحيني اخذ 4,5متوفر ماينقطع وهي عندي اشوفها احسن واحترم راي الجميع

[rolex_911]

اذا كان صيدك قميري ومافوق خذ 5.5 والحجم من 80 واقوى لان الصتم الكبير لايصلح الى للباتريوت وال 91 وغيرها من الاسلحة الهوائية القوية
واما اذا كان صيدك دخل وسمان ونحوة عليك بال 4.5 وتكون السكتون مااتعدى ال 45
هذا رأيي

[rolex_911]

وعلى فكرة انا عندي نوريكا 91 اسباني ماتصلح ابد للدخل لانة يطيح ناقص بس ريشة واما للقمري فهي علاج

[مطحن]

السلام عليكم

انا عندي الـ 80 من عام 1409
كانت 5.5 وحولتها الى 4.5 من حوالي 6 او 7 سنوات
الـ 5.5 افضل اداء من الخرازة على المسافات القريبة ولكن بعد مدة من الاستخدام تخرب وزنيتها ولا عاد تصلح
الـ 4.5 الى الان بدون مشاكل ولكن تاثيرها بالهدف اقل من الـ 5.5

اخوك عبدالرحمن
الـ 4.5

[عاشق مكشات]

4.5زين ومتوفر في كل محل حتى البقالات

[gamo 85]

٤.٥ وانت مغمض

[مشاري 11]

يعطيكم الف عافيه واشكر كل من ساهم بمساعدتي

وابشركم اشتريت 80 فايروخ 4.5


ولكم مني جزيل الشكر

[بدون عضويه]

هلا اخوي مشاري 11 اسمع انا قبل ما اشتري البندق شفت راي الربع قالو 4.5
واذكر تعليق واحد قال (دامك بتاخذ قامو خذ 5.5لانها بتاع كله )وانت الفايروخ 80 اسمع انها قويه
والله اني محتار ايش اشور عليك لاكن بما ان الصيد عندك كل شي خذ 5.5لاكن انتبه لايخلص الرصاص عليك
ما بتلقاه ابد الا في المحل نفسه او اي محل متخصص (4.5اخذته من البقاله الي بالحي ونوعيه جيده الاحمر)
وارسل رساله ع الخاص للي عندهم 5.5 وبتلقى المعلومات

ارجو ان اكون قد افدتك تقبل مروري

[عصاقيل الدخله]

اذا صيدك طيور كبار مثل القميري وغير انا افضل 5.5
وانا ناوي لي على باتريوت مقاس 5.5 ،،، لان عندي 26 للدخل والباتريوت ابيها للقميري وغيره

[عصاقيل الدخله]

اذا صيدك طيور كبار مثل القميري وغير انا افضل 5.5


وانا ناوي لي على باتريوت مقاس 5.5 ،،، لان عندي 26 حلوه هذي من وين جت اقصد 27 للدخل والباتريوت ابيها للقميري وغيره


تحياتي للجميع

[حلال المشاكل]

يعطيكم العافية
استفدت من الردود كثيرا لاني بصدد شراء بندقية ايضا ووقعت في نفس الحيرة

[sniper-ksa]

مدري معليِش ..

[الصقر الحربي]

يعطيكم الف عافيه واشكر كل من ساهم بمساعدتي

وابشركم اشتريت 80 فايروخ 4.5


ولكم مني جزيل الشكر

مبروك

ماشاء الله تبارك الله فالك الشحم انشاء الله
أخوي مشاري إذا هي جديدة بكم سعرها

[غازي المحمادي]

تم التصويت 4,5

[القناص242]

يعطيكم الف عافيه واشكر كل من ساهم بمساعدتي

وابشركم اشتريت 80 فايروخ 4.5


ولكم مني جزيل الشكر


بالبركه انشالله

عطناا سعرهااا لاهنت

[الصقر الحربي]

ما قلتنا سعرها كم يالحبيب

[أمير الصيد]

الف مبروك الله يعطيك خيرها ويكفيك شرها
بس كم خذتها نبي نشوف هي سعرها زاد وإلا رخصت
اخبرها بحدود 1500 ريال .
بالتوفيق ان شاء الله

[شري97]

انتبه لاتاخذ الا 4.5 لو الفرق دبل بالسعر

[مشرف القيسم]

4,5احسن لك

[bnsniper]

ياغااالي رد علينآ كم خذيتها به ..

وهل معها دربيل او كاتم صوت ؟؟

[bnsniper]

والله اني محتار مثل الأخ مشاري

نشتري صتم صغيرر ولا كبير ؟...!!

[bnsniper]

بأنتظار الريجيل الطيبة 4.5 تقتل القمري ؟

[عمر العصيمي]

على البركه البندق

بس على كم السعر

[مقاصيص]

نفس السؤال بكم اخذتها ..؟ ووش اسم المحل..؟ وتكسره بالعافيه

[vip502vip]

لا تلومون الرجال اذا ما رد خلوه يستانس بها

[أبو سيف]

4,5 اكثر الناس يستخدمونه وانا منهم

[الصامل1]

موفق ومبروك السلاح

[دواس مشاري]

اخي العزيز
انا جربت انواع كثيره
وافضل نوع للمسافات البعيده ما بنحرف وثقيل وقوي جدا في التاثير خاص للبنادق القويه فقط اي سرعتها اكثر من 300 متر / ثانيه
هو هذا النوع
http://www.iraqup.com/up/20110507/2kIeS-H6l8_186955745.jpg (http://www.iraqup.com/)

جربه وادعيلي , وقارن قوته بقوه الانواع الاخرى فهو اكبر تأثر بالهدف

[سدير سديرك]

السلام عليكم

افضل شي طبعا 4.5 فيه رصاص انصح فيه وبشده اللي الحين سنه وانا ما اخذ غيره والله ممتاز مره وتقيل لا ينحرف ولا شي اللي هو هذا هذا 5,5 ماحصلة صوره ل 4,5

بس يجي 4,5

.
.
.
http://hh7.net/May2/hh7.net_13048815321.jpg (http://hh7.net/)



اخ دواس ان شاء الله لي تجربه بالنوع اللي تقوله

تحياتي لكم

[مركز الثقل]

4.5 افضل واكثر توفر في السوق

[ابومي]

للعلم هناك اوزان للرصاص تحسب ب القرين وهي وحده وزن . انا استعمل للبنادق القويه مثل 80 مقاس 4.5 وزن 8 او 10 قرين الالماني وهو انسب اما البنادق الاخرى استعمل الاخضر العادي . الوزن يكتب على العلبه

[بندقيه حساويه]

مبروك الله يعطيك خيرها ويكفيك شرها وفالك الجول

[MNAW89]

السلام خذ 5’5 وخذلك سبطانة 5’4وغير السبطانات على حسب الموسم والصيدة

[المهاجر0011]

4,5 افضللل

[بواردي الروقه]

5.5 سعر رصاصها غالي وعلى الفاضي فهي بنفس قوة 4.4

يعني اخذ 4.4 وانت مغمض

[أمير الصيد]

انا ارى ان 4.5 افضل .

[مكشاتي 33]

انا اقووول ان 5.5 ازين من 4.5 لان حجمها كبير
واعرف واحد في هذا المنتدى يقووول اشكي من 4.5 لانها تدخل بالطير وتطلع
اما 5.5 تطرحه طرح

[كسرا]

هلآلآلآ الله يطعمك من خيرها نتمنا تنزل لنا صورها وصيدها

[nawaf alh]

انا افضل 5.5

[ابو وغش]

انا عندي ال4.5 لكن ناو ي اشري 5.5

[ابو محمد المضياني]

5.5
رغم اني ماني راعي صنف في هالمجال

بالتوفيق للجميع

[مقدام الشهري]

يا اخي صاحب الموضوع أنت رجال تبغا ترمي الصيد ولا يشبر تشبيره خذ 5,5 أما اذا تبغا ترمي الصيد ويطير تعذبه على الفاضي فخذ 4,5
الرصاص الصغير للطيور الصغاار فقط مثل الدخل وما شابهه اما الحمام وما فوق الرصاص الكبير وبس
أنا أتكلم من واقع تجربه وأنت الحكم

[اتحشى الهم]

السلام عليكم اخوي انا كانت عندي 85 المانيه صكم 4.5 والله اني ارمي الحمامه وتطير والقوقسيه وتطير ونا احلف دين اني مارميبها وهديتها لا قوه على الفاضي الى كانك قناص تبي تجيبها براس شي ثاني وشريت ناريه عزالله انها طرب بس اسمع كلام العيال وخذ 5.5 ولى 4.5 مقاس 27 لدخل

[مهاجر الحزيره]

بالتوفيق والصيد الوفير

[بواردي الحفر]

انا والله عندي سكتون 85 فايروخ صجم 4.5
يارجال والله اصيد فيهااا حمام الزاجل الكبير القوي والله مكانه مايتحرك واحطه بي مكان تطيح عجييييبه

[الششو]

ماشاء الله تبارك الله
على البركه والله يعطيك خيرها ويكفيك شرها

[عمر العصيمي]

لكل مقاس ميزه

لو باخذ 80 فايروخ او ديانا 36 اكيد راح اخذ مقاس 4.5 لانها بتكون الطلقه أسرع وتصيب الصيده

اما انا حاليا عندي ديانا ماقنوم350 وقويه ما شاء الله ومقاسها 5.5 تكون قويه والصيده ما تروح

[هيوماكس]

5.5 اقوى وافضل واسرع ومايتأثر بالهوى عكس 4.5

[حروف وحتوف]

انا ناوي على الفايروخ5.5

[سفاري فتك]

الصتم 4.5 افضل استخدام للساكتون واريح لها
واكثر رغبة وشعبيه عند القناصين
واكثر انتشار لان المقاس الصغير تلقاه حتى في البقالات يبيعونه
حسب استخدامي للفايروخ مقاس 80 صتم 4.5 ممتازة جدا في الصيد وتطيب الخاطر
واللي يقول يتأثر مع الهواء ياخوي صيدت في الهواء وبدون الهواء ولله الحمد ماشفت اي تغير
ولا ننسى 4.5 يسوق مسافات افضل من 5.5 ,,, وكل واحد وميوله بس حسب التصويت 4.5 افضل

[تساهيل1]

حجم 4،5
عندي 80 ديانا قديمه بس ماش احسها المسافات البعيده
ماتصلح

ودي اخذ 35 حجم 5،5

[سفاري فتك]

افضل صتم 4.5 ولا تاخذ الا 8.26gr جربه ورايح تدعيلي
ومعروف 4.5 بكثرة توفره حتى في محطات البنزين يعني ماهو لازم تروح محل رمايه

[قلم5]

انا افضل 5.5

[الوسم 1982]

انا اشوف اغلب التصويت ع 5'4 ومن واقع بحث في كثير من المنتديات والمحلات واصحاب البنادق اوافقهمالرأي راصوت ل5'4 واتوقع اختيار الرصاص والفشق له دور في طرح الصيد يختلف مثلآ المدبب عن العادي انت وصيدك حمام خذلك عادي اللي راسة موب حاد ومدبب للدخل وماشابه اتمنى اني وفقت في الطرح٠٠
لكم ودي٠٠

[الاكسجين]

بارك الله فيكم

[abu_anas_h]

رأيي يا غالي إذا عندك ساكتون ثانية 4.5 خذ 5.5
وإذا ما عندك شف صيدك وش هو ( كبير - صغير )
الصغير الـ 5.5 يفرمه لك فرم
الكبير أفضل له ٥.٥ لأنه يذبحه مباشرة

وعموماً حتى لو أخذت وحدة منهم وبعد فترة تبي تغير تقدر تغير ماصورتها بـ ٣٥٠ تقريباً

[عابد-]

تم التصويت ل4.5 غير المدبب هو الانسب

[القناص242]

انا ناوي على الفايروخ5.5

كم اسعارهاااا لاهنت

[ارثمس]

4,5 وما جاك عندي لانه متوفر فشقه بالبقاله اما 5,5 تبلش بالفشق احيانا ما تحصله

[ابوصالح_]

5.5 ممتاز وادق للمسافات

[Sniper 2015]

انت وصيدك اذا كان دخل وسمان خذ ٤.٥ واذا كان قمري وصفار خذ ٥.٥ وانا عندي ساكتونين وحده ٢٤ صينيه صتم صغير ٤.٥ مخليها للسمان والدخل والثانيه هاتسان ١٣٥ صتم كبير٥.٥ للقمري والصفار .

[آآآبو سعود]

يا اخوان ابحث عن فايروخ 80 مستخدمه شراي بشرط نظيفه ومستعجل

[أبو الفهد]

السلام عليكم ورحمة الله وبركاته ..
من واقع تجربتي أفضل شيء خذ لك بندق صغيرة للدخل وما شابهها ،،، والثمانين مقاس 5،5 للطيور الكبيرة قميري وغيرها ،، حتى الضبان يصيدون بها .