ريحة ىالزيت تفوح

[هاوي112]

السلام عليكم ورحمه الله وبركاته
اخواني مشرفي اعضاء زوار المنتدى الشامخ :s

انا عندي مشكله

وهي خروج ريحه زيت من فتحه القير بس اذا انا مسافر
ابي الحل الله لايهينكم

علماً ان السيارة لاندكروزر 2003 جي اكس قير عادي

[قمري قيال]

عليكم السلام ورحمة الله
هذا سلمك الله الربل اللي يغطي عصا القير غيره ويضبط
ولزياده الفائده وتسلم من الحراره حط فوقه العازل الاسفنجي يجي عليه قصدير تلقاه عند اللي ينجدون المراتب

[ساري 111]

فك الديكور

بعده راح تحصل ربله مغطيه عصا القير والدبل جميع مربوطه بـ 6 مسامير

بعده راح تحصل ربله مغطيه عصا القير وربله ثانيه مغطيه عصا الدبل كل وحده مستقله عن الثانيه

شف ايهم اللي مقطوعه وغيرها

وحرص تغسل الربل اللي فوق مغطيه الدبل والقير جميع ببنزين عشان اذا فيها ريحه زيت تطير

سعر الربله عصا القير بحدود 40 ريال وربله عصا الدبل 130 تقريبا بس مااعتقد يحتاج تغيره

لكن الأكيد اللي خربان عندك ربله عصا القير

[أبوصقر]

مثل ما قال أخوي قمري قال..الربل الي يغطي القير وركب العازل..وترا الخروج الي تركب عند القير تأدي بعض الواجب من ناحية الحرارة الي عند القير..اتمنى أكون افدتك..

[_دربيل_999]

ريحة الزيت ناتج عن تهريب زيت ع القزوز...
ويدخل داخل السيارة عن طريق ربلة القير..

وفقك الله

[سوبر VTC]

اذا ريحة الزيت سيئة فهي من زيت القير
و سبق صارت لجيب م2007
غير الربلات اللي فوق القير على العصا
و حط اسفنج عازل
و غسل اللي حول العصا بصابون فيري و بنزين
و الوضع الان تمام

+
تاكد من صوفة القير الخلفية
صوف الدفرنس
الصوفة الخلفية للمكينة بين القير و المكينة
للاحتياط

[ن م ر]

مع خالص تقديري لجميع ردود اخواني الأعضاء ..... اتفق مع كلام اخوي دربيل


قد صارت معي وموترك مثل موتري
وكانت الريحه مزعجه جداً لدرجة أن كل من ركب معي يتضايق من الريحه وكنت أظنها من المكيف
ووجدت السبب تهريب في الصوف ( صوفة الصدر و صوفة القير وصوفة الدبل )
وتهريب الزيوت هذا يصير في كثير من اللاندكروزر بسبب ما تتعرض له من خطوط وبران وكرف

عالجت التهريبات كلها وغسلته بستم كم مره بعنايه فائقه طبعا بعد فك الصاجات اللي تحت
والحمد لله راحت الريحه نهائياً

ولا كنت في حاجة لتغيير ربلة قير ولا ربلة دبل


بالتوفيق اخوي

[سوبر VTC]

اخوي نمر

العطل يختلف من موتر لاخر للتنبيه
العطل الذي عندك قد لا يوجد عندي
و الذي عندي لا يوجد عندك

سبق اني غيرت صوفة عصا القير لهايلوكس
و صوفه عصا القير لجيب
و الوضع تمام

[ن م ر]

اخوي نمر

العطل يختلف من موتر لاخر للتنبيه
العطل الذي عندك قد لا يوجد عندي
و الذي عندي لا يوجد عندك

سبق اني غيرت صوفة عصا القير لهايلوكس
و صوفه عصا القير لجيب
و الوضع تمام


لا يُفتى ومالك في المدينه :D

[هاوي112]

الله لا يهينكم ويبيض وجيهكم ويحرمها :fعن النار