استشارة نيسانية

[الخولاني]

اخواني لقيت لي موتر ددسن 2009 سوبر جي ال اي يعني فل كامل العداد زيرو يعني الموتر جديد بقراطيس الوكالة لقيته ب 73

هل هذا السعر مقبول وهل اقدر احجزه لمدة شهر مثلا ادفع للمعرض عربون 5000 ويخليه عنده حتى تكتمل دراهمي


ارجوكم شيروا علي الموتر ما ودي يفوتني لأنه ياباني وما ودي يضحك علي

[راعي الشبب511]

انا اتوقع انه غالي شوي
لأن قبل شوي واحد من الأقارب مشتري 2009
فيها صدمه بسيطه
ب27الف
شوف الفرق علما ان الموتر ما مشئ
وغمارتين
ما ادري موترك غالي والى موتر الرجال رخيص

[ذيب زلفاوي]

طق هلي ازين لك ويمسك سعره واريح واقوى والددسن لا يطب عليك الا الغماره

[مولع بالطير]

اخوي صبحك الله بالخير الشور ونا خوك كان دراهمك ماهي زاهبه لا كملت باذن الله 73 الف تجيبلك موتر اطيب من الددسن تجيبلك جيب نيسان ولا تويوتا وذا تبي ددسن خذلك 2006 نضيف تلقاه 35000 النضيف وسلامت عمرك اوما عن كلام اخوي الاسكندراني بندر مع احترامي لك 27000 والموتر 2009 بتكون فتحت باب له اذا قيمت الددسن غماره جديد مايقارب ال55000 اذا ماخني ضني يعني اذا مو اكثر وسلام عليكم ورحمة الله وبركاته

[بروق ساق]

حــــــــــــــــــــــرام عليك بــ 73ألف ياأخي الـgl2009بالمعارض 66ألف على الزيرو والمكيف إطار هواء بـ59ألف نصيحه لا تقربها

[ابوريما99]

لا وأزيدك بعد
واحد من الشباب توه جايبه من قطر بقراطيسه
بـ 57000

[مكسر الشوك]

انا اتوقع انه غالي شوي
لأن قبل شوي واحد من الأقارب مشتري 2009
فيها صدمه بسيطه
ب27الف
شوف الفرق علما ان الموتر ما مشئ
وغمارتين
ما ادري موترك غالي والى موتر الرجال رخيص


وين 27 الف الغمارتين تسوى اكثر من 50 الف المستخدمة

[مكسر الشوك]

سعر الجديد مادري عنه
بس تقدر تشتري فل كامل 2008 بــ 50 الف وماشي بسيط والددسن ما يأثر فيه شي يعني 50 الى 60 الف مهب ممشى وتخلي 23 في جيبك هاذا شوري عليك
وان كانك ماتبغا إلا الجديد الله يرزقك شوف المعارض تراها ارخص من الوكالة

[الخولاني]

اشكركم كلكم ما قصرتم وسؤال شرواكم عز الله انه عين العقل

طيب وش رايكم بالنفارا 2010 se سعره ب 74

النفارا كموتر هل هو ممتاز او انه ما يقارن بالددسن