اخيرا حققت حلم الصغر واشتريت طراد => ادخل باركلي :)

[khayyal]

مرحبا شباب واحلى منتدى للناس اللي تبي سعة الصدر والرحلات الحلوه :good2:

المهم شباب .. اخيرا سويتها وشريت طراد مع صاحب لي واثنينا جدد نوعا ما على الشغله :) .. المهم الطراد بطول 25 قدم وعليه محركين ياماها بقوة 115 ماشاء الله ... لا وشرينا اخر موديل قارمن (رقم 221) عشان طلعنا برى الخليج ما نضيع ... (هههه متحمسين الشباب)

المهم ، لا زلنا في تجهيزات الطراد من ادوات السلامه بالكامل وتخليص اوراقه بالتمام (لأنه وارد البحرين) ...طبعا احنا نحب الصيد ورحلات البحر والجزر وغواصين والحمدلله ... اللي محيرنا وين نحطه بالشرقيه؟

احنا من سكان الاحساء واقرب شئ لنا شاطئ العقير بس ما اتوقع في مرسى هناك؟! ... احد يدخل هناك عاده بطراد يعطينا الشوره وياليت رقم جواله ونصايحه

حاليا نفكر في مدينة الملك فهد الساحليه في هافمون؟ شرايكم فيها؟ هل اجراءات الدخول للبحر مسهله؟ ... اسمعكم تقولوا الصيد مو زين في الهافمون فخايف احط الطراد هناك ونقعد كل يوم نسبح ونرجع بس والثلاجات فاضيه ههههه .. بعدين هل المكان امان هناك؟ ... اذا احد عنده طراد هناك تكفي ترسل لي جوالك للنصيحه

شنو خياراتنا الثانيه؟ ... جربنا طبعا الجبيل حلوه بس بعيده شوي يعني لو يحصل قريب يكون افضل .. صراحه ماودي في زحمة الخبر والدمام .. احس الطلعه احلى تكون بعيده عن المدن والزحمه

عطوني ارائكم بسرعه باللذات على المكان عشان نقرر ... واذا في احد خبره في هالاماكن بس ماعنده الحين طراد ممكن ناخذه معنا كم طلعه نتعلم منه بس يكون صدره واسع للأسأله هههههه

تحياتي وشكرا للجميع
الخيـَــال

[ما يهزك الموج]

السلام عليكم ورحمة الله و بركاته

الف الف مبروك وإنشاءالله تاخذ خيره و يكفيك الله شره

[ساموراي]

لله يباركلك فيه ويحفظك من شر البحر

[sa_1899]

مبروك يالغالي

الله يعطيك خيره ويكفيك شره ويحفظك من البحر

ويفيدونك اهل الشرقيه ان شاء الله

تحياتي لك

دمت بخير

[وارث المراجل]

الف مبروك البوت والله يعطيك خيره ويكفيك شره

[راعي البرته]

مبروك اخوي

[@السيف@]

الله يبارك لك فيه

[مهوس صيد]

الف الف مبروك يعطيك خيره ويكفيك شره بنسبه لنك تحطه في المدينه الساحليه انا اويد الموضوع خدماتهم حلوه جدا بس المشكله ان الهافمون مافيه صيد لكن اامن مكان تقدر تحط فيه طرادك وكل ما جيت تطلع عاد الله يعينك تسحبه وتروح الدمام ولا الخبر واي خدامت انا حاضر

[سنوركل]

بالبركة والله
الله يعطيك خيره ويكفيك شره
انا مالي خبره في الشرقية بس ان شاء الله الشباب يفيديوك

[سداح الاول]

امممممممم انا راح اقولك شي خطييييييير

انا صارلي كم يوم وانا حاطه في بحر الدمام عطيت واحد من الشباب 500 ريال عشان يصبغ الطراد من تحت ضد االناوه ويضبطلي موقف بحيث يكون الطراد داخل البحر 24 ساعه يعني ابد شغل سلف وحرك وانا صراحه مرتاح من هذي الشغله واذا تبي اماكن صيد في الدمام انا مستعد

اخوك سداح

[صقر الرويس]

الف مبروك ياخوك الله يعطيك خيره ويكفيك شره الله يبارك لك فيه امين
اخوك ابو فهد
جده

[accentkool]

مبروك يالغالي

الله يعطيك خيره ويكفيك شره
يوجد مرسى صغير بالعقير

[sanad81]

أخوي ألف مبروك وعقبال ال 30 قدم

أخوي بالنسبة للعقير ما أقدر أفيدك من وين تدخلها أو تطلعلها لأني ما دخلت بطراد هناك بس ألي أعرفه أنها مليانة محادق وسمكتها طيبة
أم بالنسبة للمتطلبات طبعاً الطراد لازم تركب فيه أنوار الملاحة ونور الأنكر وبعدين يبيلك ستر نجاه على عدد الركاب المصرح لهم وطفايت حريق
ويبيلك لا طويل العمر مضخة ماي أو بلج بمب رأيسية ويفضل تجيبها صغير لا تاخذ شي كبير ويبيلك وحدة أحتياطية تكون كبيرة شوي
وعلبة الأسعافات الأولية لا تنساها مع طوق النجاة

طبعاً أول شي تاخذ أوراق التصدير وثلاث صور وصورة من بطاقة الأحوال ووشهادة المنشئة والفواتير ووجهك على وزارة المواصلات في الدمام القسم البحري تطلع دفاتر الطراد وتسمي الطراد هناك طبعاً قبل لا تروح لازم تكلم مهندس الفحص يجي يفحص الطراد وتاخذ أوراق الفحص منه
بعدين تاخذ الدفاتر مع صور من بطاقة الأحوال وصور شخصية مع ورقت الفحص الصفرا وتروح لسلاح الحدود تطلع الرخص ولازم تاخذ صورة للطراد وهو مكتوب عليه الأسم والرقم
وسلامتك مبروك عليك البحر

[النائ الحزين]

الف ميرووووووووووووووووووووووووووووووك


وعقبال ما تشترو يخت 125 قدم

المهم سمو البوت على اسمي ( النائ الحزين ) عشان ارسلك بروسي هدية

تقبل مروري

[أخو نجمة]

مبروك يالغالي

الله يعطيك خيره ويكفيك شره ويحفظك من البحر

[صياد07]

ألف ألف ألف ألف مبروك

الله يعطيك خيره ويكفيك شره

[احمدوعبود]

مبروك ويعطيك خيره ويكفيك شره

[محآآآآآآآآآآر]

مبروك ألف مبروك
ويعطيك خيره ويصرف عنك شره
أخوك،،،،،،،،،،،،،
محآآآآآآآآآآآآآآآآآآآر

[العسلي]

مبروك يالغالي

الله يعطيك خيره ويكفيك شره
في العقير (القصار) العقير مرسى حلو وذا يتخليه على طول اجار عند الصيدين
وشكرا

[صيادالشرقيه66]

مبرووووك اخوي على الطراد
الله يعطيك خيره ويكفيك شره
بالنسبه للعقير موجود فيه مرسى للطرادات
والتصريح من مركز القصار وبالتوفيق[/U]="5"]

[سوالف]

مبروووووووووووووووووووووووووووك
والله يعطيك خيره ويكفيك شره

[سراج البحر]

ماشاء الله تبارك الله الله يعطيك خيره ويكفيك شره

ويرزقك من حيث لا تحتسب

بالتوفيق لك .

[شراوي99]

مبروك عليك الطراد وعقبالنا يارب

وتتهنى فيه يارب

[X P]

بالبركه ان شاء الله

يعطيك خيره ويكفيك شره

أهم شي لاتسرع امشي 110 بس :)

[aa_arfaj]

الف مبروك
الله يعطيك خيرة ويكفيك شره
ويجعله عون لك على الطاعة
وحبذا لو تنزل صوره
وتقبل مروري

[metub1404]

مبرووووووووووووووووووووووووووك

[الجنك]

مبروك يجعله مداخيل الرزق

[نبض الحياه]

بالبركه الله يعطيك خيره ويكفيك شره

[سلطان الأحساء]

مبروك عليك الله يطعمك منه

اسمع عن مرسى في العقير اسمه القصار بس ماعندي خبره

وبما اني حساوي

اتوقع ان اهل الحسا معزومين في اول طلعه فيه !؟ هههه

[khayyal]

السلام عليكم ويعطيكم العافيه جميعا ،

صراحه ما قصرتوا في المعلومات والتبريكات ... من جد اعضاء الواحد يأنس فيهم وفي قوة مشاركاتهم

يوم الخميس رحت اخذت جوله من اول شاطئ العقير الى نهاية هافمون عشان اتعرف على كل الاماكن المتاحه وانسب شئ لقيته هو مدينه الملك فهد الساحليه ... مكانهم مناسب جدا بس عيبهم شيئين: اولا يقول ما عندهم سيارة تنزل لك الطراد يعني لازم تجيب معاك سياره فيها القلص المناسب كل مره تروح!! (عندي صديق بحار في البحرين صراحه مو راضي اصبغ قاع الطراد ضد النوه يقول مو زين ولا يحتاج لك انت ما راح تطلع كل يوم حرام جديد وتصبغه) ،،، وثاني مشكله ان اغلب البلغ اللي تدفعه هو للعضويه مو للطراد ... يعني اجار مكان الطراد 500 ريال فقط انا فرحت .. بعدين قال بس لازم لكل شخص عضويه 1100 في السنه يعني احنا اثنين وممكن واحد يجي من غير الثاني معناها ندفع 500 + 1100 + 1100 = 2700 في السنه

الصراحه القيمه معقوله للي بيستخدم الملاعب والنشاطات الثانيه بس احنا اغلب شئ مستأجير مكان الطراد. على كل حال بنجرب معاهم مدة سته شهور نشوف اذا عجبنا المكان ولا لأ .. في احد مشترك هناك من الشباب اللي هنا في المنتدى يقول لنا عن تجربته هناك؟

كثير يقولوا الصيد مو زين في الهافمون ... يعني ما في مكان قريب ولا جزيره؟ شنوع السمك المتوفر وافضل طريقه للصيد في المنطقه؟

شفت مثل ما قلتوا مركز القصار في العقير وفيه مرسى صغير مره بس مافيه مكان تخلي طرادك الا عند الصيادين وهذي بالنسبه لي مو فكره زينه اذا ما تعرف شخص معين تثق فيه وتحب تحطه عنده ... لكن عرفنا الطريقه اللي ممكن نروح المنطقه هناك وننزل الطراد لما نحب.

وشكرا للجميع على مساعدتهم وترحيبهم ... وانشاء الله قريب نحط تصوير للطراد واي رحله حلوه نجربها :)

[كورفيت1993]

عالبركة والله يعطيك خير ويكفيك شره ...
تحيتي ،،،

[هوايتي مكشات]

الله يعطيك من خيرة ويكفيك شرة

[الرحموني]

الله يعطيك من خيره ويكفيك شره ويرزقك منه الرزق الحلال والصيد الوفير