سله جيب جي أكس للي بحاجتها

[الريصي]

السلام عليكم ورحمة الله


ياخوان كما بالموضوع يوجد لدي سلة جيب لاند كروزر تركب على الجيوب من مديل98الى 2007طبعا حقت الوكالة المنيوم ركبتها مره ولا جازتلي أعرضها هديه لاي أحد من الاخوه من اعضاء منتدانا الغالي مكشات علما ان موقعي حائل فالمرجوا ممن يرغب بها مراسلتي على الخاص ويبشر به

[alata_2]

والله انا احتاجها..
بس في الطايف.

[الحركساب]

كثر الله خيرك

[rolze]

كفوووووووو يالريصي والله يبارك فيك

[عاشق الفتك 20]

الله يـــرزقـــــكـ ان شـــاء الله..

[الصمان 2]

بارك الله فيك وفي مالك أخي الريصي


وكثر الله من أمثالك .


ورزق الله من حيث لا تحتسب .



.

[اقحش وانحش]

بيض الله وجهك

الله يكثر من امثاللك

[أحب القمرا]

كفو وبيض الله وجهك ولا هيب غريبة عنكم

[الريصي]

والله انا احتاجها..
بس في الطايف.
هلا بك أخوي أرسلتلك على الخاص رساله واذا عندك طريقه لايصالها زودنا بها وان شاء الله راح تصلك

[الريصي]

كثر الله خيرك
هلا بالحر كساب وخيرك اخي ومشكو لانك خصيتني بدعوتك

[الريصي]

كفوووووووو يالريصي والله يبارك فيك
وفيك أخي ومشكور على المرور

[الريصي]

الله يـــرزقـــــكـ ان شـــاء الله..
أمين وياك وجميع المسلمين يارب ألف شكر لمرورك الكريم

[الريصي]

[quote=الصمان 2;4844179]
بارك الله فيك وفي مالك أخي الريصي





وكثر الله من أمثالك .



ورزق الله من حيث لا تحتسب .
هلا وغلا بأخي الصمان شرف لي مرورك والله اني معجب في مقالاتك وردودك الرائعه بالمنتدى الله لايحرمك الاجر نحن جمعنا مكشات ونعتبر أخوان في الله نحب لاي أخ مانحب لانفسنا دمت أخي وبارك الله بك وبالاخوان جميعا:r

[الريصي]

بيض الله وجهك

الله يكثر من امثاللك
وجهك يابن الاجواد والف شكر لمرورك

[الريصي]

كفو وبيض الله وجهك ولا هيب غريبة عنكم
هلا بك أخوي ومشكور على المرور والكفو والله تونا عليه الله المستعان السله لازالت عندي وعجزت اوصلها لاول من طلبها راعي الطايف

[الكونترولCONTROL]

بارك الله فيك أخي الكريم و بارك في عمرك و مالك و عيالك
و لا شك أن أكثر الناس يتحرج بحكم أنه غير محتاج
فأذكّره أن أخانا جعلها هبة أو (( هدية )) و من حقه علينا قبولها لمن احتاجها

[حرة عويرض]

والله ونعم ونعم والف نعم الحقيقة بادرة اطيب من الطيبه

دائما الواحد منا يصير عنده اغراض ماله حاجه فيها وبعضها ينباع او ماينباع فوش رايكم لو نحط قسم للاشياء هذي .... وتكون سنة سنها اخونا الريصي ( قسم الهدايا)له اجرها واجر من عمل بها ... ... وممكن نضع لها طريقة ماتخلي الاعضاء يحرجون مثلا نسميه قسم المسابقات وزي كذا فاللي عنده شي مايبيه يحط عليه سؤال >> طبعا سهل واللي جاوب عليه ياخذ الهدية

[alata_2]

هلا بك أخوي أرسلتلك على الخاص رساله واذا عندك طريقه لايصالها زودنا بها وان شاء الله راح تصلك
الله يوفقك اخوي الريصي ويكثر امثالك..
حاولت ارسل لك على الخاص بس انت مختار عدم قبول الرسائل الخاصة..
عدل هالخاصية فديتك..

[menjal]

بارك الله فيك وفي مالك أخي الريصي ماهي غريبة على اهل حائل بعد حيي ،،،،،

[سعود الحربي]

جزاك الله خير اخي الكريم

[قناص خلاوي]

بيض الله وجهك
الطيب ماهو غريب على أهله وانتم اهله ومن يقرا
جزاك الله خير وأخلف عليك بخير

[سهم قيادي]

كفو
جزاك الله خير
والله يبارك للاخ الي اخذها ويعطيه خيرها وكفيه شرها

[الريصي]

الله يوفقك اخوي الريصي ويكثر امثالك..
حاولت ارسل لك على الخاص بس انت مختار عدم قبول الرسائل الخاصة..
عدل هالخاصية فديتك..
هلا بك أخوي انا لم احجب الرسائل الخاصة ولا اعرف اضبطها اخي هذا رقمي ارجو ان نتواصل بعد اذن المشرفين0565969405

[( الزاهر )]

كفو من أهلها غيركم
أهل الكرم والجود أهل حائل ( حاتم طي )
أنا لي اكثر من موقف معكم والله انكم نادري الوجود هالايام
مثل السنايدي ابو مها وناصح والسرهيد وكل اخوانا بمكشات
ياليت نكون هكذا في حياتنا العامة قول وفعل
والله يا انكم حببوتوني في حائل وأهلها وندمان أشد الندم اني مازرت هالمنطقة الغاليه علينا
ياخوان من كثر ماشوف من فعايل رجالها عشقتها تقول انها عروس
اسمحوا لي ان خانني التعبير ولكن أعذروني

[ابورايف]

جزاك الله خير

[الريصي]

السلام عليكم ورحمة الله وبركاته

اولا اشكر جميع الاخوان الذين ردوا على الموضوع والذين دخلو ولم يعلقو اشكركم واقول جزاكم الله كل خير ونعم الاخوة انتم والله الذي لااله الاهو اني اتشرف بردودكم التي لها وقع كبير بنفسي وفقكم الله وجمعنا بكم بواسع جنته امين

اما بالنسبه للاخ(الزاهر) ياهلا ومرحبا بك وبكل الطيبين امثالك وتذكر ان لك اخ بحائل يفرح بزيارتك فخصنا بوعد قريب

[alata_2]

أخي الكريم الريصي..
اسمح لي اقول لك..
الله يجمل حالك ويكثر أمثالك يارب العالمين..
كانت لي الرغبة الشديدة في السلة ..
لكن ..
حتى لا اتعبك معي..
فاني متنازل عنها لأي شخص يرغب بها ويسهل أن توصلها له..
انت مجمل ومشكور.. ووجهك ابيض..
جعل الجنة مثواك ورحم الله والدينا ووالديك..
حتى أكون أكثر صراحة معاك..
انا رغبت بالسلة حتى أقدمها للوالد في سيارته جي اكس ار ..
وتكسب بها دعوة من رجل طيب..
وفقك الله لكل خير يا وجه الخير..

[ابوصالح77]

بيض الله وجهك
وكثر الله خيرك

[طير الهقاوي]

الله يرزقك من واسع فضه

[المماتوس]

بيض الله وجهك وزادك من فضله
وهذه ميزة وفق الله فيها مكشات وجمع المعادن النفيسة من الرجال

[بواسامه]

السلام عليكم ورحمة الله





ياخوان كما بالموضوع يوجد لدي سلة جيب لاند كروزر تركب على الجيوب من مديل98الى 2007طبعا حقت الوكالة المنيوم ركبتها مره ولا جازتلي أعرضها هديه لاي أحد من الاخوه من اعضاء منتدانا الغالي مكشات علما ان موقعي حائل فالمرجوا ممن يرغب بها مراسلتي على الخاص ويبشر به

والله ماتنلحقون ياهل حايل
الكرم طبعكم مهوب تطبع:D
الله يكثر خيرك