الطير التواء عليه السبق

[صقار الأسياح]

السلام عليكم ورحمة الله وبركاته
ياشباب عندي احد طيوري واغلاها التواء على جناحه السبق يوم جيته لا هو طايح على الأرض فكيت السبق منه والآن يهدل جناحه وتعبان حركته بسيطه هو مربوط ربط ارضي وش الحل

[skeet]

السلام عليكم ورحمة الله وبراكاته اول شي حطله مع العلف شب وحلبه ومومياء ولاتكثر الشب والمومياء شي بسيط وانشالله خير وتقبل مروري

[الطبشي]

حي الله الشيخ
مثل ماذكر اخويskeet
وازيد علا كلامه الماء الدافي
مرتين في اليوم
وحاول ان محله مايكون حار
وان شاء الله بتشوف الزين
والله لايضره
اخوك
ابومحمد
00000000000000

[راعي غضبان]

الله يستر عليه والله في المقيض مشكله عطه شوي شب على قد راس الكبريت وشوي حلب وخله في البراد والماء خله قريب منه وانشاءالله يعافيه الله ويضف جناحه

[ابوناصر السهلي]

افادوك الاخوان والله يشفيه

[الماهر2000]

فاله العافيه ما يشوف شر وربى يشفيه لك وتاكل من صيده 00000

[راعي جالود]

يا مرحبا يا صقار

ما يشوف شر أن شاء الله , صـواديف الربطه واجـد لله يكفينا شرّها





فيه طريقه أنا مجربها شخصياً وممكن غريبه شوي على البعض لكّن فعاله بـ اذن الله . ؟


1- اول شي جيب شباصه ( بكله) < حقّت البنات الصغار السيـر وتعال من ورا الطير وركب الجناح على الجناح الثاني راح يصيرون الجناحين على شكـل مقص ولف الشباصه ودخلها بـ الجناحيـن

2- لازم تباشرون الطيـر لأنها كل شوي بـ تطيح

3- شرب الطيـر بيض سواء من البيضه نفسها , او بـ الفنجال او بـ قطاره

4- راح يتغير مرش الطير تكرم لكن عادي لا خوف منه

5- لا تعطي الطير لحم صافي عطه لحم مع عظم ولكن أطحن العظم ( الرجلين + الظهر )

بـ شكل دقيق ولا تخلي فيه زوايا حادّهلأنها أحتمال تشـق معلفة الطير

6- عطه شب مع قطعه بسيطه من صافق الحمامه ( الثنداه ) وشرّحها وحط فيها شب وموميان

7- واضـب على العلاجات اللي قلت لك عليها وأهم شي الشباصه والبيض والعظم المطحون لأنه مفيد لـ الطير

والله الله بـ الماء والتكييــف لأن العلاجات حارّه عليــه

غير سبّق طيوورك وحط اللي فيـه مجوّل صغيّر اللي ما يخلي السبق يلّتوي تجنباً لما حدث لـ طيرك

والشفـاء بيد الله سبحانه وتعالى وندعي له بـ الشفاء العاجـل



ملاحضـه : الطريقـه اللي قلت لك عليها سويتها مع طير كان يطرد حمامه وزبنت تحت السياره وحوّل وراها ودعم الصدام وأنملع جناحه ملّعه قويـه زين أنه ما أنكسـر وبـ فضل الله وبـ فضل طريقة العـلاج اللي قلت لك عليها , تشافى بسرعه ورد مثل أول ما كن فيه شي نهائيا

[عابر الموج]

http://www.mekshat.com/vb/showthread.php?t=308274&page=2

هذا رابط لموضوع يفيدك انشا لله

[الشلفان]

يفيدونك الاخوان انشاء الله

[al-ganaas]

وانا خوك كان الطير غالي عندك رحبه للعويدي او المستشفى نصيحة من واقع تجربة بعض الشياء نهملها ونتوقع انها بسيطة وهي تتطور مع الوقت

[قناص الهمله]

افادوك الاخوان

[بحرة حوشان]

انشاء الله مافيه الا العافيه
اول شي تأكد منجرح الطير ولا لا
اذا الطيربه جرح عطه مضاد حيوي
واذا الطير مومنجرح وعضمه مافيه شي
جيب كبسوله فاضيه وحط فيها مره وحلبه
المره كبر راس عود الكبريت اطحنها والباقي حلبه
عطه كبسولتين باليوم
وحده الصبح وحده باليل
والعلف خله هبر بدون عظم
ويستحسن انك تقطعه له قطع صغيره و تدهن الحمه بحليب معزه
والباقي على رب العباد
وسليم انشاء الله

[دلوع الهوى]

ماقصروا الاخوان ورحم اللة والديهم جميع

[راعي سنار]

السلام عليكم :sاخوي انشاء الله طيرك مافيه الا العافيه الاخوان ماقصرو الكل يدلي بمعلومه او تجربه قد تكون سبب في شفا طيرك:rانا حصل معي نفس الموقف ولكن كسر مع ملع استخدمت الشب والموميان والحلب مطحونات مع بعض كل يومين تعطيه مع العلف مع مراعاة عدم كفخ الطير والنتيجه انشاء الله ايجابيه :good:

[((السنياري))]

اول شي اقصرعلى سبوقه او جريره عشان مايفتر عليه مره ثانيه

والربع ماقصرو كلهم وفو برود الطيبه وهذا عدتهم الله يجزاهم خر

[@السيف@]

الله يشفيه ويعافيه ولا تشوف فيه مكروه ودي اعينك لكن ماعندي خبره

[ابو سلطان_2]

بعد التحيه === فيه واحد من الربع هد لطيره حمامه وزبنت الحمامه السياره ودعم الطير بالجام الامامي وتعور الجناح الايمن وعطاه شب وموميان وحلب لمدت 15 يوم مع راحه وطير الطير ولاطار ===== وذكرو حبوب الملوع البنفسجيات عند الدكتور فارس ؟ وجابهن وعطا الطير كوس وطير الطير وبيفضل من الله صار طيب وطارنفس اول...

[طير الهقاوي]

ماقصرو الشباب
وتقبل مروري