حسبي الله على اليمنه حقين الغرابي

[BLAZER91]

السلام عليكم ورحمة الله وبركاته
عندي مشكله وارجو منكم المساعده الاسبوع الماضي كنت في الرياض ورحت عند المسمى بالغرابي لزينة السيارات وشريت شمعات وتجمعوا ابو يمن عند السياره الي يلمع والي يلصق نياكل والي يحط اللصق الاسفنج الي داخل الابواب المانع للهواء المهم انهم كانهم عارفين اني من خارج المنطقه وانا ماطلبت منهم اي شي ويوم خلصوا قلت كل واحد يفك الي ركب انا ماطلبت شي

المهم فكو كل شي الا حق الابواب الي زي الاسفنج المانع للهوا حسبي الله عليهم باقي الغرا حقه مثل اللصق

تكفون وش الطريقه لازالة الغرا حقه لانه يطلع باليد بس بصعوبه مادري احط قاز ولاتنر ولا ملمع وش الحل ؟؟؟؟؟؟

[الستانس]

ولاتنر


حبيبي مدري وش حل المشكلة ولكن شغل مخك شوي وين تحط تنر

والله ان تطير بويتك وبدال ما تشيل لصقة تشيل بويه :d

[BLAZER91]

حبيبي مدري وش حل المشكلة ولكن شغل مخك شوي وين تحط تنر

والله ان تطير بويتك وبدال ما تشيل لصقة تشيل بويه :d


الله يجزاك خير

فيه تنر بارد بس مدري ينفع ولا لا

[قناص خلاوي]

وعليكم السلام ورحمة الله وبركاته
جرب ليفه ناعمة وماء حار وحده بوحده

[VXR.2007]

هههههههههههه اجل ازعجوك ابو يمن الصغير والكبير وبنقالي يجيك تبي شاي و شاي بنعناع و زنجبيل ووو وشغله يمشي في الشتاء والواحد يتخوف منه ماتدري وين مصدر الماء
اذا كان باقي غراء فقط عليك بديزل جرب على جزء بسيط اذا لقيت مفعولة بعد خمس دقايق ابدا فيها كامل بس لازم تغسله بصابون لازم يروح الديزل علشان متيبس الربلاات او مثل ماقال قناص خلاوي

[ن م ر]

وعليكم السلام ورحمة الله وبركاته
جرب ليفه ناعمة وماء حار وحده بوحده



أنا أتفق مع الأخ / قناص خلاوي

الحرارة تطلع الغراء بسهوله وبدون أضرار جانبيه ومضاعفات < لا يكون مضاد :D

بعدين العمالة العشوائية في الغرابي لا تعطيهم وجه لا هم متخصصين ولا يفكونك من غثاهم حتى اقامتهم غير نظامية

[ولد وايل..]

الله فكك من بلاهم يارجل يا أنا منفقع قلبي منهم بعد...

من أشوف حداهم أروح اهوشه وانثرهم الله يقلعهم...


يا هم بعد يحوسون بالموتر ويلعبون به.....

مرة واحد ركب لي عل الكبوت الإسفنج هذا ولا راح الله يحرق الظالم من خلقة....!

[system]

انا والله احسبهم لاعبين بكهربا السياره ولا شيي كايد هذي سهله

بولش خشن اللي لونه برتقالي يجي بعلبه مثل علبه البويه بس صغيره نص كيلو تلقاها بمحلات الزينه ولفه قطن وخلصنا

[عبدالعزيزف]

وعليكم السلام
مثل ماقالو الاخوان وفيه تنر للبوية عند محل بويات السيارات
والا بولش ملمع البوية يمكن ينفع
اما الغرابي الحذر منه مافيه الا خراب السيارات والاسعار الخيالية

[مهداوي]

وش رايك ان له اكثر من 8 شهور عيى يروح بموتري

[BLAZER91]

الله يجزاكم خير جميعا
المشكله سيارتي جيب ثلث فيبر
وهذي السياره يقدرونها ابويمن عندهم ومن شافوها وهم كلهم متجمعين الي يلمع والي يحط لصق نيكل والله اكثر من عشره تجمعو والله انا استغربت من تصرفهم
انا اول مره اشوف شي كذا لاني اول مره ادخل الغرابي من ثمان سنين
والله الغرا في كل الابواب والشنطه والكبوت
والله قهر السياره السياره جديده وخايف احط شي يخرب البويه
لاكن ان شاء الله ابدا بالملمع الخشن وانشاء الله ينفع
اشكركم على المساعده ماقصرتو جميعا

[must302]

الله يجزاكم خير جميعا
المشكله سيارتي جيب ثلث فيبر
وهذي السياره يقدرونها ابويمن عندهم ومن شافوها وهم كلهم متجمعين الي يلمع والي يحط لصق نيكل والله اكثر من عشره تجمعو والله انا استغربت من تصرفهم
انا اول مره اشوف شي كذا لاني اول مره ادخل الغرابي من ثمان سنين
والله الغرا في كل الابواب والشنطه والكبوت
والله قهر السياره السياره جديده وخايف احط شي يخرب البويه
لاكن ان شاء الله ابدا بالملمع الخشن وانشاء الله ينفع
اشكركم على المساعده ماقصرتو جميعا
بدي بالملمع الناعم خد لك قطن او سفنجه حط اشوي منه على القطن وانت تحرك بحركه دائريه في المكان الي فيه الغرا

[أبو محمد 3113]

بنزين 91 وحده بوحدة ولا يضر ولا شي انا مجرب

[ابونبيل]

يمكن كاروكس طيب حط نقيطه وشف

[a1Ruwais]

الله يعينك ...

[أبو محمد 3113]

بنزين 91 وحده بوحدة

[تميمي]

ياخي مدامك خايف على السيارة رح للتلميع وريح عمرك

هم أبخص بها الشغلات

[BLAZER91]

الله يجزاكم خير جميعا

[راكب الشفر]

مهب بس انت
انا مرة دخلت بصلح مسجل الموتر ويجونك يطامرون
والمشكلة انهم مايفهمون شي واذا سألتهم يقول انا اعرف وانا افهم وشغله يبين انه دلخ

[cci]

يالغالي سار لي نفس القصة في عندك حلين الأول منظف أي سي ديلكو إلي هو هذا ونصيحة ألبس قفزات للحماية
http://www.mekshat.com/pix/upload02/images81/mk50658_26092008242.jpg

الحل الثاني لو واحد حك سيارتك نفس العلة هاذي بس ترى قوي إلي هو زيت الفرامل العلبة بسبعة ريال

بالتوفيق وماتشوف شر

[ذئب الدهناء]

لاتلعب بالموتر رح لحقين التلميع المتخصصين هم ابخص

[ابوصالح3]

عليك بالديزل حطه بااسفنج ناعمه وامسح حبه حبه -----والله يسامح لجان السعوده ---وينهم نايمين عن ذولي المتسترين -والعماله الغير نظاميه ---والله انا ماكولين ومجحودين --
مستحيل نتقدم وحنا نعتمد على الايدي العامله الخارجيه----الله يرحم ايام الجوازات وحملاتها على البطحاء واصلا مشكلة الزحمه بالرياض سببها امتلاك 800الف عامل اجنبي سيارات خاصه من اعمالهم وتجارتهم عندنا وليت عندهم ذمه ياكلون خير ديرتنا ويغشونا ويسرقونا عينك عينك

[صعصعه]

يااااااقلبي .. جرررب الاستشوار << وحده بوحده للغراء

بالتوفيق

[سهم قيادي]

اذا جيت الغرابي ابعد عن السيارة شوي وانظر عمال المحل وهم يشتغلون في السيارة من بعيد شوي

[بندر.]

الله يكون بعونك اخوي

عليك بالماء الحار

والا حط زيت المكينه مشه عليه وخله من خمس الى عشر دقايق ثمن امسح

هذي مجربها انا في طبلون السياره ولا منها ضرر

[كريم الطباع]

انا مع تركي الجريسي

[ابو طلال8666]

هلا بك اخوي
ما على الاخوان تعدي ونا اضم صوتي cci واحد من العيال مركب قارمن يوم فك القاعدة بلش بلصاق الي على الطبلون وزيت فرامل وغدالك طبلون جديد
تقبل مروري00

[ابوحسن ...]

اي محل تلميع

[escape_man]

تكفى كانه البليزر فانصابه حقين التلميع ولو على حسابي :)

لوكان غيره فعادي تنحرق بويته

[sarab88]

اي تنر واي قاز وووووووووووووين تراه يلعب بالبويه حط فيه ملمع قوووي ويروح ان شاء الله وتقبلووووووا مرووري

[عريدان]

العماله الاجنبية خطر إغتال البلاد ونشرت الفساد وخربت العتاد ونحن من فتح لهم كل الابواب وبإجتهاد فلن ترجع بلدكم كما كانت إلا تعود عاد... انت تركتهم يلعبون بسيارتك ثم قلت لكل واحد منهم يشيل ما وضعه ؟!... زين إنهم ما سوو فيك بلا وإلا خربوا شي ثاني بسيارتك..

[عاشق الغضا]

بنزين هو الحل الممتاز

[مشرفكم]

اخوي انا لعب علي مثلك تماما ابو يمن الله لا يوفقه وبلشت بالغراء بالبيبان والكبوت ورحت للتلميع وشالوها لي تماما ولله الحمد ،،،،،،،،،،،،،
لا تلعب بسيارتك بالمنظفات رح للتلميع يشيلوها بسعر رخيص

[ابو امتنان]

الحل هو ان تذهب الى مجمع التلميع عندهم ماده توخر هذا الغراء اذا كنت في القصيم بريدة يوجد التلميع الي بجوار المحكمة وامحطه الرواف .