وش الحل ؟؟؟؟

[وائل الهذلي]

السلام عليكم:
اخواني الكرااام عندي سلقه عمرها حوالي سنة وعليها وكل ما اطلع بها واصيد ما تطرد والصغيرة هيا اللي رايحه وجايه والجربوع يجري قدامها وتتركه واذا مسكته احطه عند خشمها تبعد عنه ما تبيه اما الصغيرة تاكله وانا صراحة تعبت معها وانا احاول ادربها اللي يعرف المشكلة او يعرف لها حل لا يبخل علينا وتقبلوا تحيتي

[ابوحمد 2009]

ان شاء الله يفيدوونك الاخوان

[فيصل الدريويش]

.
لا تطلعها للمقناص الا وهي جوعانه

[الذود العفر]

دقه بالجوع دق وتعال لك يوم وعطه جربوع ميت وخلة تاكله وخله من دون اكل لك يومين ثانيه

وبعد هاليومين طلعه مقناص بأذن الله انه تلحق ,,

بس أنتبه لاتعوده تأكله تخرب طبعه بعدين بس مره مرتين تعلوم بس وبعدين خذ منه

الجربوع ,, أتمنى أني أفدتك ..

[قناص الوسطى]

اول شي يطيب شب لك نار او جب دافوروجبلك كم جربوع حي وامسك السلقه واربطها ثم اخذ واحد من الجرابيع واربطه بخيط خفيف مرة او انك تمسكه بذنبه وتخليه يناقز قدامها واذا مسكته خلها تاكله لاتسحبه من فمها ثم هات الجربوع الثاني ونفس الطريقه بس اذا مسكته اسحبه من فهما وذكه وشممها دمه وحطه في النار وحاول انك تناضر فيك وانت تشويه لها ثم طلعه وبردة وعطها تاكله وكرر العمليه ثاني مرة بعدها فك لها جربوع وراح تشوفها تمسكه ومتاكله
وذا اكلته اسحبه منها واليوم الثاني كرر معها العمليه واليوم الثالث ونشا الله بعدها مراح ثاكله ابد لانه راح يعجبها طعم المشوي اكرث من الدم

[خالدالذيب]

يفيدووونك الاخوان..........
جرب الارنب شفها بتلحق و لا,,,,,,,,,,,,,,,,,,,,

[star22]

الصبر ثم الصبر ثم الصبر

خلك شمالي طال عمرك مع الوقت تضبط الامور

[ابو الذهب511]

اخوي وائل السلق الطيب يطرد الجربوع من يوم عمره شهرين وهاذي غريزهـ في السلق وانت متاكد ان الي عندك سلق!!! وانصحك ترجع الى ورا وتدربها بطريقة الجربوع بالحبل او طريقة الارانب الصغيره ...وتحياتي لك

[@قرناص@]

يابعدي فكلها الجرابيع ليل نهار الا ان تفسق وتتولع بالطرررررررد هاذي نصيحتي ،،

ولآتنسانا من الصور

[abo shagran]

ماااااقصرو الاخوان ..]

[فخر عتيبه]

امسك الجربوع وذكه وشرب السلقه دم الجربوع

والجربوع الثاني اكسر رجله وفكه ولعب مع الجربوع ونشاللله تطرد معك

[بدوي.]

انا اقول طلعهاالوقت مع 3 سلق ومع الوقت انشا الله تصيد

[المقناص ولعه.]

طلعها مع سلق اكبر منها بالعمر وخلها تتفرج عليهم وهم يطردون الجربوع
ولا مثل ماقالو الاخوان جوعها وخلها تشرب دم الجربوع لكن
نصيحتي لا تطلع الجروه معها مره ثانيـه على شان ماتبرد اذا شافت السلقه الثانيه ماتطرد

[liwaboy]

الربع يفيدونك

[liwaboy]

الربع يفيدونكك

[الــحـاكــمــ]

أنا لو منك والله لأسرحها مع الباب
ياخي عمرها سنه ولا تطرد ؟
متى تطرد ؟ إذا صارت عجوز !!
اللي ما منه فايدهـ فرقاهـ أبرك

[عاشق الكمب]

طلعها مع سلق كبار