.. لخبـــــراء ... اللاند كروزر ... وين الشيبان :)

[كشتة عزاب]

السلام عليكم

حي الله المكشاتيه ..

يالذيابة انا عندي لاند كروزر 2001 قير تماتيك VXR

السالفة ومافيها ..

اذا صار الموتر بارد وشغلته ودقيت ريوس ... يقعد حوالي 4 ثواني او حوله او اكثر

همن يلقم .. بس مهوب اي لقمه ... يضرب ضرب موب صاحي توجع قلبك

طبعا كلما صار الموتر بارد كلما طق اكثر

وذا اخذته ومشيت واحتمى الموتر .. ادق ريوس عادي طبيعي مافيه شي ..

مع العلم اني مغير زيت وفلتر قريب .. يمكن مامشى ال15 الف



ثاني شي ... ودي بورشة مظبوطة فاهمه للاندات ..

ودي اغير مساعداتها وكم شغله وفيه اصوات ودي يشوفه

فا ابيلي واحدن على ماقيل .. خبررررره ..

مهوب يمطرررس ..



وسلامتكم ..

[صافي القلب]

حبيبي غير زيت وفلت قير ر مره ثانيه انا كان موتري توه طالع من الوكالة ما مشي الا 8000 كلم بس وسواها معي بعد ما غيرت الزيت والفلتر ظبط معي الموتر
وسلامتك

[سهم قيادي]

افحص حساسات القير

[كشتة عزاب]

مشكورين حبايبي على مروركم ...

ونسمع باقي الاخوان ..

[كريم الطباع]

س- يوم تغير زيت القير كم كانت ماشيه السيارة؟ ومتى غيرته قبلها؟

[العبقري 2008]

يا الغالي شي عادي انا كذا بس اذا صار حامي الموتر يروح ..

سخن سيارتك قبل ما تعشق ولا تسوي شي ..

[ALAMIR]

يا الغالي شي عادي انا كذا بس اذا صار حامي الموتر يروح ..

سخن سيارتك قبل ما تعشق ولا تسوي شي ..

وانا معك شئ عااااادي :good2:

لان صارت معي

[ابن عكاش]

وين مكانك في الرياض ولا وين
فيه ورشة الضحيان على طريق الخرج في الصناعيه القديمه في الرياض بعد شارع العنوز وانت رايح شمال يجيك محل قطع غيار الضحيان تويوتا جمبه على طول الورشه تبعهم عندهم باكستاني اسمه افضل شغله جيد تخصصهم تويوتا واكثر المواتر اللي عندهم لاندكروز
رحله وشف وش يقول لك طبعاً المدير سوداني اسمه عبد الرحمن قله ابي افضل يشوف الموتر وكانك بتصلح عندهم يسوون لك خصم في قطع الغيار اللي جمبهم 32% انا توي مطلع موتري من عندهم مسوي له صيانه كامله