المساعد الشخصي الرقمي

مشاهدة النسخة كاملة : انا بالصين واريد المساعده في البحث عن محلات مستلزمات الرحلات والثلاجات


الخفاره
09/07/2010, 08:49 AM
السلام عليكم اخواني اعضاء منتدانا الرائع انا حاليا بالصين وابحث عن محلات الثلاجات مثل الطمره وانجل وكل مايفيد المقناص بشكل عام ولم اجد شي جميل والشي اللذي اذهلني ان الصين غاليه وليست برخيصه مثل مانسمع وكل ماجيت مصنع ابي اسوي اي فكره يقولي اقل شي 1000 حبه وسعر مبالغ فيه والسوق مايتسع لل 1000 حبه-المهم ماأطول عليكم- فيه شي ينفعنا انجيبه من هذي الديره ووين مكانه بالضبط -وانا ماجيت وتخسرت وقت ومال اللا ابي ماينفعنا ويخدمنا بشكل عام وانا حاضر للجميع
هاوي الفلة
09/07/2010, 11:09 AM
تسلم الله يبيض وجهك
لك رسالة على الخاص
أبو مها
09/07/2010, 01:20 PM
اخي الخفاره
الثلاجات والادوات الالكترونية عموما
ستجدها رخيصة ومصانعها في مدينة شنزن
أخوك أبو مها
web
09/07/2010, 04:46 PM
سبق ان خرج لى معارف إلى هناك ... والشغل مثل شغل الي يبيعون ساعات او دهن عود في المحطات يقولك ب150 وتاخذه من عنده ب15 ريال او 10 ريال وهو كسبان بعد فلاتخجل من المكاسر والإلحاح

بلا مبالغة اذا قالك 300 ريال لاتاخذه باكثر من 120 ريال
الخفاره
09/07/2010, 05:47 PM
والله يا اخوان كاسرت ومافيه تنزيل اللا بالجمله والجمله لاتتسع اللا لكنتينر والكنتينر بالصيف سعره 11 الف ريال والشتاء4 الاف ريال واذا منتو مصدقين ادخلوا على موقع علي بابا هو الموزع الوحيد على الجمله وشوفو الاسعار واسعار الثلاجات بدون كمبريسر بس مروحه تتراوح من 1000 ريال الى 2000 ريال
جبل احد88
10/07/2010, 09:24 PM
ياليت تجيب معاك ادوات غوص وتسوقها عبر مكشات مر عليهم وجيبلنا الاسعار ممكن احد يعجبه السعر ويشتري منك ان شاء الله تستفيد كثير..... تقبل مروري
rolze
10/07/2010, 11:52 PM
الله يرزقك من واسع فضله
naif2010
11/07/2010, 05:23 PM
بارك الله فيك

لكن ياعزيزي نصيحة أذا بغيت تجيب أي شي أشرط عليهم مطابق للمواصفات السعوديه

و بالتوفيق لك ،،
الخفاره
11/07/2010, 06:45 PM
الله يجزاكم خير ويرحم والديكم ويوفقنا لما يحب ويرضا
أبو رداد
11/07/2010, 06:54 PM
حياك الله أخوي
يوجد مركز تجاري كبير جدا في منطقه (أيوا) يبغى لك اسبوع لين تلفه كامل
هذا المركز مايبيع الا جمله فيه بعض الادوات تصلح للبر مثل الكشافات والمصابيح والدواربيل وماشابه
واسعار هذه المواد مناسبه .......وهذه المنطقه تحصل فيها مطاعم عربيه وايجار الفنادق مناسبه
والله يرزقك ويرزقنا من واسع فضله
escape_man
11/07/2010, 07:34 PM
المشكلة انك جيت الصين بوقت غلاء واحتمالية رفع العملة

قبل كم سنة نصرف الريال باربعة رمبي والعام صرفته بـ 2 رمبي

على العموم .. شنزن اذا منت راعي جملة زينه بالحين وجوها خيال

رح لمنطقة اسمها قواشنباي شمالي شنزن فيها اسواق تقدر تفاصل معهم بكميال

قليلة .. ثم اطلع للدومين .. هذي زي البطحاء عندنا .. زرتها عدة مرات وعجزت

احلص طرف السوق

قوانزو زينة لكن غالية لانهم متعودين على العرب وحتى بعض الباعة يرطنون عربي