ابي حل تكفون لحرارة سيارتي

[الرايه]

السلام عليكم
باختصار عندي سياره كراون فكتوريا موديل 2002
تحتر إذا تعديت سرعة 120 وأما وهي واقفه ماتحتر
حتى مع تشغيل المكيف
طبعا كل شي قالو لي الميكانيكيين سويته بدون فايده
والاشياء اللي غيرتها هي
الاديتر والمروحه والبلف والحساس اللي بالمكينه اللي
يقيس الحراره وطرمبة الماء وشيكت على الخراطيش
بدون أي فايده علما بأن الماء حق الرديتر ما ينقص ابد
وآخر شي سويت المكينه وحصلو الراس سليم
وبدون فايده
تكفون اللي يعرف حل لايبخل علي وجزاكم الله خير

[رفيع المقآم]

شيكت على زيت القير وهل سويت غسيل كامل للسرندل مع المكينه والرديتر

[الرايه]

لاوالله ماسويت غسيل كامل للسرندل ولا زيت القير
والرديتر مغيره لكن اسوي وأشوف
الله يعافيكك على اطلالتك بمعاناتي

[مركز حراره]

ان شاء الله عندنا حل لها

[moooj]

اذا الرديتر اصلي المونيوم
شيك الشكمان
الدبة الصغيرة

[مركز حراره]

تاكد من الخرطــــــــوش اللي تحت احتمال انه ضعيف ينسفط ولايدخل الماء00واذا اشكل عليك شي مالك هم ارسل على الخاص

[الرايه]

مشكورين على المشاركه وأخوي موج شيكت على الشكمان وبدون فايده
ويا مركز حراره راح اشيك على الخرطوش اللي تحت

[aljanah]

ركب مراوح اضافية في المقدمة

[ابومعاذالنجدي]

مشكلتك بسيطه شيك على غطاء الرديتر ترى اكثر المشاكل الحراره في الممشاء هو الغطاء وتراه ما يكلف كلها ستين ريال اصلى على ما اعتقد

[كريم الطباع]

انا اقول 90 بالمية والله اعلم انه من الخراطيش
لان سيارتك عمرها تقريبا 10 سنوات اتوقع انها كافية في ان يعطب الخرطوش
على فكرة ترى ما يبين معك اذا فحصته لأنك اذا اسرعت ينسفط مع السرعة ولا يدخل الماء للمكينة والدليل ان الماء ما ينقص
آسف على الاطالة

[المساجدي]

والله مشكلتك مشكله ماشاء الله عليك كل الاحتمالات حصرتها وشيكتها !!!
طيب هل شيكت كلتش المروحه تراه عله ولاينصاد بسرعه ويسبب حرارة
ودبه الشكمان شيكها مره ثانيه مازات شاك فيها الى هي دبة البيئه او الكربون الى يركب فيها حساس في بعض المواتر

[الرايه]

اشكر الجميع على المداخلات
والسياره وديتها لورشه عندهم فحص كمبيوتر
المهم قال لي ان الكمبيوتر يقول ان الحراره
في المكينه صحيحه يعني مو من الانبير اللي بالطبلون
وقالو لي الراس فيه مشكله أو السرندل لأن المكينه تعبي هواء
وش رايكم وش الحل

[مركز حراره]

خلهم يشيكو ضعظ البسلتم أذ فيه واحد ظعيف لتاكد من الراس
الثلاجه المنيوم ؟؟؟؟؟؟؟؟؟؟؟؟؟؟
الماء ينقص؟؟؟؟؟؟؟؟؟؟؟؟؟
رد

[الرايه]

مافهمت قصدك يامركز حراره
الثلاجه فيبر
والماء ماينقص

[رفيع المقآم]

الرايه سويت غسيل اولا اذا لا سو غسيل يابعدي وبعدين اذا تبي تكفش الخرطوش اللي تحت خل واحد يدعس للموتر دعس مو صاحي كنك تمشي 120 او اكثر المهم انت ناظر وتفقد الخراطيش اذا تسفط حديهن فان المشكله منه وخاصه اللي تحت لان الماء يدخل المكينه من تحت ع طرنبه الماء ع السرندل فهمت يعني حط عيونك بالخراطيش اللي تحت

[الرايه]

مشكور يالشاص على المداخله وراح اشوف

[ابوفواز1000]

شف اخوي انا اقول لك حاجه واحد من الزملاء معه فورد نفس قصتك ما خلا شيء ما غيره واخر شيء لقى الدبات الصغيره الي تجي بعد القزوز مباشره فيها ضيق او مسكره وماهو بين يعني ما تقدر تلاحظ ذلك والحل طال عمرك رح يم محلات الشكمانات وقله ابي دبات مستعمله مفرغه من الداخل قل ابي اجربها فقط واشوف الحراره ولا تعمل شيء في دبات موترك يمكن ما فيها شيء خلها زي ماهي فكها وخلها على جنب وجرب اذا احترت السياره اعرف ان المشكله في حاجه ثانيه واذا ما احترت اعرف انه من الدبات
اذا طلعت المشكله من الدبات فيه دبات سعوديه سعر الثنتين 150 فيها شخال داخل مايطلع للموتر صوت ممتازه

[الرايه]

الله يعطيك العافيه ياأبو فواز

[dr.mekshat]

راس المكينه فيه مشكله

[قمة افرست]

اخوي الاخوان ماقصروا
والحرارة عندك من
1- الدبة حقت التلوث ممكن تكون مسكرة ولابد من التاكد منها قبل الدخول في موضوع السرندل وغيرة
2- الخراطيش حقت الماء كشف ونتاكد
3- لو كان هناك نقص في ماء الاديتر
نكشف عن اي تهريب بالثلاجة احيانا غير مواضح
وانا ارجح الخراب لدبة التلوث الله يعينك على الصوت او تبديلها باخرى مع ملاحظت قص مكان الحساس وتلحيمه عشان لمبة المكينة ماتولع
لورحت لمحل شكمانات فاهم بيزبطها بدون ماتولع اللمبة
ولواني ضد شيل دبة التلوث ولاكن اذا وصلت الى انسداد ماينفع الاتغيييرها

[مركز حراره]

اذا الخــــرطوش العلوي ينتفخ00بشكل غير طبيعي00وا1ا فتحتنه تلقى هواء يبربرفالله العالم انه الــــــــراس المكينه

[سوبر VTC]

هل الموتر احتمى فجاة ؟

المفروض ما تركب اديتر جديد حتى تغسل السلندر و تنظفه 100 % من الطين و الترسبات
لانه يحتمل ان كل اللي بالسلندر طلع للاديتر

وين توصل الحرارة ؟؟؟
تاكد من رقم البلف اللي انت مركب
تاكد ان مركب صح
تاكد من ان حساس نفس حق البلد
تاكد لا يكون الانبير ملتمس و يعطي معلومة خاطئة
تاكد من كلتش المروحة حتى لو هو جديد
حركه بيدك اذا كان مهب خفيف و لا ثقيل يعني وسط فهو تمام
اذا كان خفيف مرة فهو خربان
اذا كان ثقيل مرة فهو مجيم

امش على سرعة 130 لمسافة 20 او 30 كيلو
و شف وين توصل الحرارة ؟

تاكد لا يكون هناك سدد امام الاديتر طين شجر قراطيس حشرات

المفروض ان الموتر على سرعة 100 و طالع تنزل الحرارة
لان الهواء اللي يضرب الموتر اقوى من مروحة المكينة
بمعنى تقدر تمشي على الموتر بسرعة 140
بدون مروحة مكينة او مروحة كهرب

تاكد من عدم رخاوة السير و تاكد من الشداد

هنا جميع مواضيع الحرارة
من الاخ اسير الغضا جزاه الله خير

موضوع متكامل و رائع من العضو فني الشيروكيات :good::good::good:


1- هل تعاني من ارتفاع حرارة سيارتك هنا تجد الحل بإذن الله (http://www.mekshat.com/vb/showthread.php?t=146840) للعضوا فني شروكيات

2-حرارة السياره بهذلتني وبالنهايه اعانني الله عليها (http://www.mekshat.com/vb/showthread.php?t=161939) للعضواكبسوله2

3-اسباب ارتفاع درجة الحراره بالسياره (http://www.mekshat.com/vb/showthread.php?t=146306) للعضواشامخ الهيلا

4- نركب جرس بحيث يرن اذا وصلت الحراره للنص (http://www.mekshat.com/vb/showthread.php?t=221329) للعضوا اصيل حجازي

5- مروحة بلد مراوح كهرب حراره (http://www.mekshat.com/vb/showthread.php?t=196275) للعضوا بحر القصيد

6- كيف تتصرف اذا ارتفعت درجة حرارة محرك سيارتك (http://www.mekshat.com/vb/showthread.php?p=61351) للعضوا كاتم اللهب

7-اسباب الحراره في محرك السياره (http://www.mekshat.com/vb/showthread.php?t=4468) للعضواالمكنيكي

8-الحل الجذري لحرارة اليوكن والمكيف (http://www.mekshat.com/vb/showthread.php?t=213086) للعضوا هانتر

9- بالصور تركيب مروحة كهربائية لليوكن Yukon Denali 2004 - منتديات مكشات (http://www.mekshat.com/vb/showthread.php?t=224958)

[الرايه]

تكفون مليت أنا وهالسياره دلوني على احد يصلحها بالرياض او القصيم
ورقم تلفون الورشه واللي راح يكون السبب في اصلاح السياره ابدعيله بالحرم

[MjNo0oN]

شف يا اخوي الرايه انا مالي خبره في الامريكي ولا اسباب الحراره فيه وكل الاعضاء ماقصرو معك

لاكن باكر انشاء الله بأذن الله بعطيك رقم ورشه في صناعية الشفا وهو عامل تركي انا كل السيارات المستعمله افحصها عنده هو صحيح غالي بـ200 ريال لاكن انشاء الله بأذن الله يطلع لك كل عيوبها

لاكن الرقم مايحضرني بمره باكر وباخذ منه رقمه واكتبه لك هنا

[الرايه]

الله يعافيك يا MjNo0oN

[مركز حراره]

حصل عندنا مع واحد مع انه مركب اديتر جديد صار فيه عيب مصنعي الاديتر متسكر
ما رديت عن ضغط البساتم

[أبوحمييد]

غير غطاء الرديتر اذا كانك ماغيرته وان شاء الله يظبط معك وتراه مهم والواحد مايفكر فيه...
والله يعينك ويظبط موترك...

[MjNo0oN]

اخوي مريت الورشه اليوم لاكن للأسف الي اتعامل معه مهوب موجود ((مسافر ويقولون مهوب راجع الا بعد الصيف))

وما انصحك انك تفحص عندهم في الوقت الحالي لانهم اغلبهم يتعلمون

[A B D U L L A H]

والله يا اخوان نفس المشكله


كل شي جديد بالسياره الرديتر وعلبه المويه والمراوح والخراطيش مابقى شي


ومع ذلك ترتفع الحراره ( نهارا فقط ) ومع تشغيل المكيف بدون مكيف توصل للنص وزياده شوي بس


مع المكيف تقب للآخر إلآ تكه بسيطه


والمويه ( مادري فيها جن والا وش السالفه )


قبل التشغيل اعبيها فل ... وامشي واوقف اشيك إلآ وهي للنص


واحيان اعبيها فل .. وامشي وانساها وبعدين اتذكر واشيك عليها ( مليانه 100% )


يعني احيان تنقص واحيان لا ( وش السبب ؟؟ )


والآن ظهرت مشكله جديده بعداد ( الحراره ) فصل ومايشتغل ابدآ


من كثر التصليح والخرابات ( صرت امشي في عز الظهر بدون مكيف وعلى الله )

[سوبر VTC]

عبدالله و لجميع الاخوان

تفضل الروابط خصوصا الاول
الفورد الامريكي طبيعي جدا الحرارة على النص

مشكلة حرارة الفورد بالصور ... من يجدل لي الحل واكون له من الشاكرين (http://www.mekshat.com/vb/showthread.php?t=305850)


الحرارة الحرارة الحرارة في الفورد ( وش العمل ) نريد حل قطعي (http://www.mekshat.com/vb/showthread.php?t=207208)


أريد حلاً لمشكلة حرارة الفورد........ (http://www.mekshat.com/vb/showthread.php?t=224430)

[مركز حراره]

فك البلف وعب الموتر ماء ودق سلف شف الماء يتحرك بسرعه ولالا