جهاز الطيور الجديد اللي على الأقمار الصناعية !!!

[المري]

السلام عليكم


اخواني الاعزاء اشوف المنتدى راكد قلت خلنى انزل هالموضوع


وان شاء الله ينال على اعجابكم ..


وهو بيفيد اصحاب الفروخ اللي يسون لها هك ..


اخليكم اولا مع صورة الجهاز:


http://www.mekshat.com/pix/upload04/images172/mk1168_gps.jpg



هالجهاز هذا الله يسلمك يدلك على الطير ويعطيك المسافة بالكيلو

واذا كان الطير في حوالي 20 كيلو يشتغل جهاز عاادي واذا تعدى

ال 60 كيلو يتحول الى جهاز على الاقمار الصناعية (( هذا اللي فهمته

من الشخص ))

ايضا تقدر تتابع طريقك من عن طريق النت , تدخل على الكمبيوتر وتشوف

طيرك وين في الخريطة !!



http://www.mekshat.com/pix/upload04/images172/mk1168_falcon.jpg



بخصوص الريشة هي المشكلة الان, لان الريشة جربوها في الخليج

وطلعت ثقيله اشوي , وهم الان على تطوير تقليل وزن الريشه.

الجهاز صناعة أسبانية

وفي انتظار نزوله قريبا بعد تخفيف وزن الريشة..

ارجو اني طرحت موضوع يفيد الاخوان

اخوكم - المري

[منصور بن محمد]

عليكم السلام ورحمة الله وبركاته
حياك الله يابو معيض

جهاز عجيب وممتاز
عاد بعد الله ثم هالجهاز انسى ان طيرك يغدي منك :)
تجيبه مسير مهوب مخير
سؤال : البطاريه تشحن بالطاقه الشمسيه ؟

ابو معيض
لاهنت يابعدي موضوع راقي ومفيد .

أخـوك
أبـو عـقـاب

[المري]

مرحبا اخوي ابو عقاب وحياك الله

الريشة تاخذ بتري يشغلها 12 يوم وعقب تطفي

شاكر لك مرورك

اخوك - بومعيض

[SNGAAR]

بيض الله وجهك يبو معيض اعلومك زينه دايما
لاكن عندي استفسار الريشه لها صفره ولا شلون طريقتهاا
وهل هو يشتغل على جميع الترددات ولا له تردد معين
واذا بغيته شلون اجيبه
وسامحني على الايطاله

[ودي تشوف الهم]

بيض الله وجهك
جهاز طيب
وان شاء الله ينزل قبل النقل

[مساعد بن منير]

الله يجزاك خير

[المري]

مرحبا بالجميع

بخصوص تردد ريشة الجهاز هو 150 بدل 216

اما كيف تركب الريشة فأليك الطريقة يابعدي:

http://www.falconryworld.com/wp-content/uploads/2009/02/transmitter-bird.jpg


توضع مثل السبته تبدا من عند سابعة الطير وتلتقي في ثندوه الطير

ولا يحس فيها الطير بس تحصله يتفلى دايم الظاهر انها تضايقه

[عوق الخريش]

بسم الله الرحمن الرحيم ,,
السلام عليكم ورحمة الله وبركاتة :
حيااك الله أخوي: أبومعيض ,,
يعطيك العاافيه والله يبيض وجهك ياكحيلان على ذا الموضوع والصور........... لآهنتــ ,,,
والله التكنلوجيا تطورت يابومعيض والجهااز فعلاّ سمعت فيه من زمااان ولاكن لارااحت موضته عند الغرب جابوة عندنا لا وبسعر خياالي ,,,


*



تحياتي لكـ ....وشكراّ,,


*

أخوكـ


*




( عوق الخريش )

[منصور بن محمد]

ابـو مـعـيـض

اسـتـأذنـك بإظـافـة سـؤال آخـر :

هـل وزن الريشه المتواجد الان مع الجهاز يـأثـر على الـطـير ؟

مارأيك بالجهاز ، وهل تنصح بإقتناءه ؟
عندك علم بـسـعر الجهاز ؟

مـحـبـك
أبـو عـقـاب

[قصاف123]

وعليكم السلام ورحمة الله وبركاته
والله شي التكنلوجيا
ادعوالله انه يطيح بيدين وكيل (يرضا باالقليل)
ماقصرت ياالمري

[بحرة حوشان]

تسلم ابومعيض
على هالمعلومات

[المري]

مرحبا بالاخوان عوق الخريش وقصاف وثامر العنزي

تسلمون على المرور وماقصرتو

اخوكم - المري

[ذيب الظفير]

وين احصل الجهاز ممكن تعطينه رابط موقع الجهاز وجم سعره بدولار

[المري]

مرحبا اخوي ذيب الضفير وحياك الله

ونعم وسبعة انعام بالظفير من غير اقصور في القبايل الاخرى

اذا انت بالكويت عندكم وكيله بدر محارب اتصل به

الله يحفظك

اخوك - بومعيض

[راعي غضبان]

الف شكر لك اخوي المري على هذه المعلومه الطيبه ومشكور والله انه جهاز طيب وعلى الاقمار طيب بالحيل بس سعره معقول والا لا اخوي ابومعيض ولو نحطه على العموديه مايكفي والله يجزاك خير دائما سباق في الشي الجديد والمفيد والله يعطيك العافيه ويرحم والديك

[المري]

مرحبا ومسهلا براعي غضبان

يالله حيه , مااتوقع انها تشيلها العمودية لانها ثقيله اشوي

سعره تقريبا 6300 ريال

وسعر ريشته 2800 ريال تقريبا


شاكر لمرورك اخوي راعي غضبان

اخوك - بومعيض

[أخو المري]

مـشــكــور اخوي الـمـري

ولاهنت على المعلومات القيمة صراحةً

بأنتظاره ان شاء الله

تقبل مروري
اخــو الـمـــري

[فيصل الدشاش]

يعطيك العافيه

[شواهين]

هاذي روابط موقع الشركة
http://www.tinyloc.com/us/r2traceravalon.php

http://www.tinyloc.com/us/avalongps.php

يعطيك العافيه على الموضوع

[راع الطيب]

اخوي اشكرك على الطرح المميز والرائع

مما يسعدنا ويفرحنا انها تطور الاجهزة ونفتك من هالريش
اللي يالله يالله بس خل عينك على طيرك ولا يستغر عليها
ولا ينوثق فيها ياما طيور غدت بسبب الاعتماد على الريش

الله يجعله بس يطورونه ويصغرون حجم الريشه

[راعي جالود]

وعليكم السـلام ورحمة الله وبركاته

عزالله هذي البشـاره يا المرّه

الله يبيض وجهـك على خـ الموضوع المفرّح أهم شي نبي نعرف كم مدّة بطاريتها

عشـان أطلقه بـ الربطه وأطرحـه بـ أول المقناص :p

[ابوناصر السهلي]

الله يعطيك العافيه

[صاحب نوماس]

والله فكرة جيدة

[الزاجل الازرق]

الله يبيض وجهك ياابو معيض ما تجيب الى شي يسر الخاطر

انشاء الله ايام وراح نحصله بالاسواق عندنا والليله بشوف اذا كان اقدر اطلبه من الخارج واشحنه للسعودية

سعر الجهاز 1499$ Usd * يساوي بالريال = 5622

وبعطيكم الخبر

جزاك الله الف خير

اخوك ابودغيم

[جير دبي]

الله يعطيك العافيه 000

[نمر الصحراء]

السلام عليكم ورحمة الله وبركاته
حياك الله اخي المري جهازممتازمشكوراخوي على المعلومات الله يجزاك خير

[طير الهقاوي]

والله الجهاز بيكون ناجح جدااا
بس على كلامك انه ثقيل شوي الثقل يعوق الطير في طياره
اكيد بلقون حل
ونشاء الله نستخدمه ولا عاد تضيع طيورنا
تقبل مروري

[سلطان 1]

لا هنت اخوي ابو معيض والله يبيض وجهك على الموضوع

[سلطان 1]

لا هنت اخوي ابو معيض والله يبيض وجهك على الموضوع المهم \

لكن الموت الاحمر اليا صرت هاااااااااااااد طيرك وصاااااااار تشويش على القمر ؟حلها عااااااااد هههههههههههههههههههههههههههههههههه 0

[م العمعوم]

الله يبيض وجهك يابو معيض على الخبر اللي يسر
بس على قولت اخوي عوق الخريش لاراحة موضته
جابوه لنا بسعر خيالي

[الطبشي]

هلا والله حي الله ابو معيض 000ودنا بزياده معلومه عن سعره 0000

[قرناس ارامكو]

الله يبيض وجهك يابومعيض ما تجيب الى شي الطيب والمعلومة الجديدة

[مراد منصور]

حياك الله يا بومعيض وجزاك الله ألف خير عالموضوع المهم و القيم. بس فيه ملاحظة عند قراءتي للمعلومات الخاصة بالجهاز الموجودة في موقع الشركة عالانترنت لاحظة انهم يقولون ان أقصى مدى للجهاز و الريشة هو 60 كم عند استخدام اشارات الراديو و20 كم عند استخدام جي بي اس.... وهدا طال عمرك أمر محير حيت أن مدى الجهاز عند استعماله كجهاز تتبع على موجات الراديو العادية كاي جهاز أخر مثل المارشال يكون 3 أضعاف المدى عند استعماله كجهاز تتبع بالاقمار الصناعية.... وفي الحالتين ترى المدى عادي جدا وليس مميز فكثير من الشركات و الاجهزة الاخرى الموجودة في السوق كلها تدكر نفس المدى و أحيانا أكثر عندما تكون ظروف التضاريس {طبيعة الارض} ملائمة و هدا الكلام المكتوب في الموقع و أسف عالاطالة وتقبل مروري.

[سم الحباره]

لاهنت يا الغالي على الموضوع

[ذراع الذيب]

السلام عليكم ورحمة الله وبركاته,,
مسيت بالخير يابومعيض,

تسلم على هالموضوع الطيب والله يعطيك العافيه ويبارك فيك,,
تحياتي لك,,

[سد الوعر]

ماشالله علي الجهاز والله يعطيك العافيه اذا ممكن الموقع الجهاز بنعرف جم سعره
ومشكور

[حمدان502]

السلام عليكم ورحمة الله وبركاته ،،،
اخوي بومعيض يعطيك العافية على هالموضوع المهم والجديد في نفس الوقت ،،
والصراحة انا قريت كل المعلومات المذكورة عن الجهاز والريشة في موقع الشركة ،، واللي حيبت اوضحه لكم انه الريشة تعمل على الاقمار الصناعية على مدى 20 كيلومتر فقط ،، وبعدها يتحول الجهاز على الموجات الكهرومغناطيسية العادية والتي تستخدم في الريشة العادية زي ريشة المارشل
ويبلغ مداها بعد ذلك 60 كيلومتر ،،، واللي ابغى اوضحه انه فكرة الجهاز حسب ماقريتها في الموقع انه في حالة كون الطير على مسافة
اكثر من 20 كيلومتر واقل من 60 كيلومتر تستقبل الطير على النغمة فقط
(مثل المارشل) ومن دون مؤشر الاتجاهات وعداد المدى اللي يذكر لك كم المسافة بينك وبين الطير ،،، ولكن في حال وصولك وفقا للوضع الاول لمدى 20 كيلومتر بينك وبين الطير تقدر تحول الاستقبال على الاقمار الصناعية
( الجي بي اس) ويطلع عندك بعدها كم المسافة بينك وبين الطير بالاضافة الى مؤشر الاتجاهات ، وهاذي هي فكرةالجهاز وريشته حسب مافهمت ، وقد يستغرب عليه انه يشتغل على الاقمار الصناعية ولكن مداه 20 كيلومتر فقط!!!
المفروض مداه الى ما لا نهاية !!! :mad: ماادري هل صغر حجم جهاز الارسال (الريشة) هو السبب في كون مدى الجهاز مايتعدى ال20 كيلومتر على الاقمار ؟؟؟ شي غريب ومتناقض مع الفكرة ،،، على العموم الشركة توضح ان وزن الريشة 25 غرام ومافي ذاك الثقل على الطير لانهم يقولون انه الطير يقدر يشيل الى 5 % من وزنه فالريشة مناسبة للطيور اللي يزيد وزنها عن 500 غرام
هذا حسب مافهمت وتقلوا تحياتي .

[501]

السلام عليكم ورحمة الله وبركـــــــــــــــــــــاته

ما قصرت يا ابو معيض على الموضوع الطيب

501

[شواهين]

السلام عليكم ورحمة الله وبركاته ،،،
اخوي بومعيض يعطيك العافية على هالموضوع المهم والجديد في نفس الوقت ،،
والصراحة انا قريت كل المعلومات المذكورة عن الجهاز والريشة في موقع الشركة ،، واللي حيبت اوضحه لكم انه الريشة تعمل على الاقمار الصناعية على مدى 20 كيلومتر فقط ،، وبعدها يتحول الجهاز على الموجات الكهرومغناطيسية العادية والتي تستخدم في الريشة العادية زي ريشة المارشل
ويبلغ مداها بعد ذلك 60 كيلومتر ،،، واللي ابغى اوضحه انه فكرة الجهاز حسب ماقريتها في الموقع انه في حالة كون الطير على مسافة
اكثر من 20 كيلومتر واقل من 60 كيلومتر تستقبل الطير على النغمة فقط
(مثل المارشل) ومن دون مؤشر الاتجاهات وعداد المدى اللي يذكر لك كم المسافة بينك وبين الطير ،،، ولكن في حال وصولك وفقا للوضع الاول لمدى 20 كيلومتر بينك وبين الطير تقدر تحول الاستقبال على الاقمار الصناعية
( الجي بي اس) ويطلع عندك بعدها كم المسافة بينك وبين الطير بالاضافة الى مؤشر الاتجاهات ، وهاذي هي فكرةالجهاز وريشته حسب مافهمت ، وقد يستغرب عليه انه يشتغل على الاقمار الصناعية ولكن مداه 20 كيلومتر فقط!!!
المفروض مداه الى ما لا نهاية !!! :mad: ماادري هل صغر حجم جهاز الارسال (الريشة) هو السبب في كون مدى الجهاز مايتعدى ال20 كيلومتر على الاقمار ؟؟؟ شي غريب ومتناقض مع الفكرة ،،، على العموم الشركة توضح ان وزن الريشة 25 غرام ومافي ذاك الثقل على الطير لانهم يقولون انه الطير يقدر يشيل الى 5 % من وزنه فالريشة مناسبة للطيور اللي يزيد وزنها عن 500 غرام
هذا حسب مافهمت وتقلوا تحياتي .
الله يهديك ويصلح بالك
لا غرابة ولاتناقض
بالعكس تطور وانجاز
اول شي حجم الجهاز اعتبرة انجاز وعساة يصغر
وبعدين العشرين كيلو لتحديد موقع الطير على الجي بي اس اشوفها زينة
النقطة الي اعتقد انك مافهمتها كالتالي
الجهاز يرسل اشارة عادية من بعد العشرين الى الستين
تحت العشرين يرسل لك اشارة و(احداثيات) وهذا الفرق
وانت تقول ان المفروض يكون مداة الى مالا نهاية على اي اساس
الجهاز الي على الطير بيكون متصل بالاقمار على طول بس المشكله كيف يرسلها لك
وعشرين كيلو هذا الي اقدرو علية معا تصغير حجم الجهاز
والسموحه على الاطالة
والله الموفق

[الفيتو]

بسم الله الرحمن الرحيم
السلام عليكم ورحمة الله وبركاته
مسا الخير ياخوي / المري

مرحبا بالعلوم الزينه وراعيها
نباه بعذا ريبه تكفى
انشد عنه وعن قيمته ورد الخبر
يابو معيض
مشكور
*
والسلام
AL Khapt Brother Naif
الحجاز
28-7-1431هـ

[المري]

مرحبا بالجميع وجزاكم الله خير وتسلمون على المرور

***********

مراد منصور وحمدان 502

بيض الله وجهيكم وكفيتو ووفيتو, ورايتكم بيضاء

وتسلمون واسعدني تعليقكم

ااخوكم - المري

[((السنياري))]

وعليكم السلام

دوم مميز يابو معيض

شفت الجهاز العام عند واحد من الربع ولا جازلي

الريشه كبيره حيل

[ماسوم]

بارك الله فيك

موضوع جميل وخبر زين

[حمدان502]

الله يهديك ويصلح بالك
لا غرابة ولاتناقض
بالعكس تطور وانجاز
اول شي حجم الجهاز اعتبرة انجاز وعساة يصغر
وبعدين العشرين كيلو لتحديد موقع الطير على الجي بي اس اشوفها زينة
النقطة الي اعتقد انك مافهمتها كالتالي
الجهاز يرسل اشارة عادية من بعد العشرين الى الستين
تحت العشرين يرسل لك اشارة و(احداثيات) وهذا الفرق
وانت تقول ان المفروض يكون مداة الى مالا نهاية على اي اساس
الجهاز الي على الطير بيكون متصل بالاقمار على طول بس المشكله كيف يرسلها لك
وعشرين كيلو هذا الي اقدرو علية معا تصغير حجم الجهاز
والسموحه على الاطالة
والله الموفق

السلام عليكم ورحمة الله وبركاته
اخوي شواهين شكرا على دعواتك الطيبة
وترى ما انكرنا عليه انه يعتبر تطور وانجاز
انا عرفت كيف الية الجهاز وشرحتها للاخوان حسب ماذكره موقع الشركة ،
ولكن انا طرحت تساؤل اذا احد فاهم في الجهاز ممكن يجيب عليه اكون له شاكر ويصحح المعلومة اذا كنت مخطئ،،انت تقول الريشة متصلة مع الاقمار دائما ، لكن اذا قرب الجهازمن الريشة في مدى 20 كيلومتر ممكن تستقبله على الاقمار ، سؤالي هو لماذا مدى 20 كيلومتر ؟؟ المفروض انه غير محدد المدى طالما ان ارسال الريشة يكون للقمر الصناعي ،، والقمر الصناعي يرجع يرسلها لجهاز الاستقبال . ؟؟ هل هاذي هي طريقة عمل الجهاز؟ اذا كانت هاذي طريقة عمله فالمدى المفروض يكون غير محدد (مفتوح) طالما ان القمر الصناعي موجود. وطالما ان الريشة متصلة معاه باستمرار . فالمدى يتناقض مع الفكرة.
اسف على الاطالة وتقبلوا تحياتي .

[حمدان502]

مرحبا بالجميع وجزاكم الله خير وتسلمون على المرور

***********

مراد منصور وحمدان 502

بيض الله وجهيكم وكفيتو ووفيتو, ورايتكم بيضاء

وتسلمون واسعدني تعليقكم

ااخوكم - المري

ووجهك ابيض يابومعيض وانت عودتنا على كل ماهو جديد فماهي غريبة عليك طرح المواضيع الجديدة والمتميزة ، تسلم و الله يعطيك العافية.
وتحياتي لك .

[ولد الذيد1]

مشــكـور يـالـمـري عـالـجـهــاز الـطيـــب
وانــشـاء الله ايــكون ســعره فــي المعــقول
وتــــسـلم
تــقـبـل مــــروريـــــ
اخــوك ولد الذيد1

[شاهين ليبيا]

مشكورأخونا،،،وبارك الله فيك

[دعاس]

يعطيك العافيه على النقل المميز
واظن قديمك نديمك
الريشه القديمه وبس

[قنيص غير]

مـشــكــور اخوي الـمـري والله يبيض وجهك على الموضوع

[الوايلي100]

الله يعطيك العافيه اخي عز الله انه جهاز جداً طيب وهو والله الي يقضي الحاجه

[قناص الهمله]

ماشاء الله

[ولـد الدوادمي]

ياعصابة راسي يبو معيض

عل هالموضوع الطيب منك

وجهاز بالفعل جيد لاكن تعيبة ثقل الريشة

ولاهنت يا الغالي

[VXR2000]

اللة يجزك خير يابومعيض
والاهنت علي الموضوع الجديد

[شقردي الجبيل]

بيض الله وجهك يابو معيض على موضوع المميز

[غازي الذيابي]

بيض الله وجهك
جهاز طيب

[راعي أنقره]

مشكور والله يعطيك العافيه

[راعي طلاع]

موضوع طيب وكلامك صحيح يا ابو معيض الجهاز طيب ولكن عيبه ثقل ريشته
وانا قد سمعت انهم الى الان يحاولون تخفيف وزن الريشه وشكرا