سؤال عن طير

[جاسم الوسمي]

السلام عليكم ورحمة الله وبركاته اخواني اعضاء مكشات شلونكم مع الجو
والله عندنا بالكويت رطوبه
المهم .....
بطرح عليكم موضوع كان عند واحد من الربع طير
مغتر حر اصلي
الوصف الراس انمش ولا فيه لادعوج ولا لواحظ
والظهر حمر محوف في شقار ونثر في القواطي وثلاث دقات في ظهره
ومشدد السبع والشليل مودع والعمد صافي ومافيه ولا دقه
اخوانـــــــــــــــــــــــــــــــي وين يروح الطير هذا وشنو ينقاله وشنو وصفه
هل هو فارسي او شامي او شنو
ابي رايكم اخواني بالموضوع وتوضيح فيه

[ودي تشوف الهم]

يفيدونك الاخوان

[SNGAAR]

اي ولله الله يعينا على الرطوبه في الكويت اخوي جاسم

الطير وصفه وصف فارسي بس الي محيرني ممسوح العمد والله يخووك اقرب ماله الشامي هذا الي عندي

تقبل مرووري

[فيصل الدشاش]

والله ليت فيه صـوره يابعدي ،
لكن الاخـوان يفيدونك

[سعود السهلي]

والله يابو محمد يمكن فامي يعني مكس امه شاميه وابوه فارسي ويختصرونها بفامي هههههههههههههههههه

والله يابو محمد مدري

وسامحني على المداعبه

ولاهنت على كل حال

[طير الهقاوي]

ماله صوره يا الحبيب
كان يسهل علينا شوي القول فيه

[صاحب نوماس]

ياليت الصور يالغالي

[جاسم الوسمي]

ولاوالله مفي صوره

[شنقاري]

السلام عليكم ورحمة الله وبركاته


اقرب ماله على وصفك فارسي

لان مابقاء الا العمد ويصير فارسي رسمي

لو مافيه شدود يصير اقرب ماله شامي

اخوك ابو عبدالله

[راعي جالود]

يا مرحبا يا جاسم

سؤألك هذا يودي بـ داهيه !

ناس طال عمرك يقولون أنه فارسي بـ النسبه لـ الشدود اللي فيه

وناس يودونه لـ الشامي لـ الهوادي اللي فيـه وأنه ممسوح العمد

وأنا والله مدري وش أقول ! الشدود دايم على الفارسي وهذا يحيّر

أنت وين ماودك تحطّه حطّه

لكّن أنا أقول أنه شامي

والله أعلم

[skeet]

الطير الظاهر يابو محمد جاي من منغوليا لاكن الريشه الي وصفتها ما انوديه الا فارسي وتقبل مروري

[جير دبي]

ياليت الصور

[دلوع الهوى]

يالبت الصورة علشان توضح اكثر

[جاسم الوسمي]

اخواني مافي صوره انا اقول كان عند واحد من الربع
وانا من ناحيتي اقول فارسي

[بحرة حوشان]

اخوي جاسم
كم مقاس الطير؟
ومنسر الطير(بوزه) تقدر توصفه
وانجاوبك انشاء الله

[جاسم الوسمي]

هلا اخوي ثامر ابرك الساعات انشوف مشاركتك
بالنسبه للطير منسره منسر الوافي والطير وافي 17ب17وكف وافي

[بحرة حوشان]

اخوي جاسم ساعتك ابرك يالغالي
الطير منغولي والله اعلم
بالسنين التاليه قامت تجينا طيور خربت البرمجه عندنا
تشوفه على الشبه مبرقع تحلف انه فارسي تفرعه تنصدم مدعج
وانا خوك الفارسيات على عرفي المتواضع نادر تجيك 17ب17
اغلبهن 16.5طول والعرض من 16,5 الى 17,5
والله اعلم وتبقى الشوفه هي الفيصل
الي شافه مو مثل الي عالوصف
وتقبل مروري

[جاسم الوسمي]

صح كلامك اخوي ثامر الطير منقولي والله انا معك في راي

[راعي طلاع]

الصوره هي القاطع لكن الفارسي مثل ما قال اخوي ثامر اكثرها 16ونص ب 16
ويمكن منغولي لان اقرب الطيور اللي جات قريبه من الفارسيات هي المنغوليات ولك كل الشكر

[النمران]

السلام عليكم

احترامى للجميع ورايه والموضوع موضوع جميل وشيق فيه النقاش مبطين عن المعايا

انا اقول رايى الله يوفق راعيه ويستر عليه

الطير يربع فارسى مافيه كلام النثر اللى فى الغواطى والشدود مشدد السبع ومافيه لواحض والشليل مودع وين تحطه لشامى

الشامى والفارسى فرقهم الشدود على حسب الخبره والله اعلم


وتقبلو مرورى

[قنيص غير]

يفيدونك الاخوان

[مهبااش]

انا قول جير شاهين هههههههههههههههههههههههههه

[راعي شيشان]

الطير الى تقول عنه فارسي لانه الفارسي الى عليه الاسم

لازم ينطبق عليها ثلاث شغلات وهي
1- الشلشل مودع
2- مشدد السبع
3 الراس كاشف
هذا الى مايختلف عليه اثنين

والطير الى تقول عنه لابد من ثلاث اصناااف يا فارسي ولا شامي ولا صافي
والسبب هو صفااات الوجه والراس انمش

والاكيد 100 في 100 ماهو صافي

والاختلاف بين شامي وفارسي وعن وجهت نظري انه فارسي لانه مشدد السبع والوجه صافي والشليل لاهو فارسي ولا شامي
بس في 2 الى هو الشد والصفات الوجه صار فارسي

بس حاب ادخل في موضوع اخوي العزيزالنمران الغالى في المعاايات الى يقول فارسي لانه مشدد السبع

انزين اذا كان الراس ابيض والظهر صافي والشليل امووودع اثريه من غير شد شنو هذا انا اقول فارسي

وتحياتي لكم

[وقاااااد]

صباح الخير يابو محمد
الطير على وصفك فارسي مافيه كلام
والصور تقطع الشك باليقين

[الطبشي]

حي الله الشيخ نزل صوره افضل عشان يتفصل الشرح000000000

[دعاس]

اتوقع انه شامي’’وياشباب قامت تجي طيور وخاصه الفروخ تجي بها شدود تشبه للشدود الفارسيه وناس تقول عنها شدود فارس

[الجراح11]

90 % من الوصف اللي وصفته وصف الفارسي لكن الصوره تبين اكثر