موضوع ، لـ الطواريح .. والي يفيدنا بتعليق /

[فيصل الدشاش]

السلام عليكم ورحمه الله وبركاته ،

صباح الخيـر .. وكيف حالكم يا اعضاء مكشات ،

طبعا هالموضوع يتكلم عن ، المواقف او المشاكل الي تواجه الطواريح ،

وهالمقطع يتكلم عن الموضوع بشكل عام ، والمطلوب هل حصل لك موقف مشابه ،

وادري جميع الطواريح الا ما ندر ، مرت عليه أمتعونا في السواليف ونبي نشوف ونستفيد ،

http://www.youtube.com/watch?v=osO6NQpdzLc (http://www.youtube.com/watch?v=osO6NQpdzLc)

ونبي نشوف تفاعل اعضاء هالخيمـه ،
اخوكم / فيصل الدشـ~ـاش ..

[بحرة حوشان]

تسلم يافيصل
والله يرحم الحال
هذول طارحين الشيهانه ومختلفين عليها كلن يقول شريك
ونسمع من الاخوان بعض القصص

[سعود السهلي]

ناطر القصص

ولاهنتو

[فيصل الدشاش]

بيض الله وجهـك يا ثامر ،
اي والله نشـوف تفاعل الموجودين

[البتان]

سمعت قصة قديمه كان فيه واحد من الطواريح عنده شيهانه بحريه تامه واخذ شوي الا والمثلوثه جات ووقعت عندها على السيف وراعيها يطردها والطيور كلها قرانيس وبعدها جاك الكلام راع المثلوثه يقول التامة طيرتي وانا اطردها والكل يقول هذي طيرتي ولا ادري وش اللي صار فيها طرحت الطيور والا راحت ياليت اذا فيه احد من الاعضاء يعرفها ويعطينا قصتها

[ابوناصر السهلي]

الله يعطيك العافيه

[راعي جالود]

يا مرحبا يا فيصل

والله أمرهم غريب اللي ناقلها ماله علاقه بـ طرحتها ويدخّل شـريك

لا صار الحمامه لي والشبكّه شبكتي وأنا شايفها ومحد فزّعني عليها ولا أحد ذكرها وجيت وشفتها ومحد حولها

والله ما يدخل فيها شركا الا خوياي اللي معي

والله ما ينقلها أحد على كفّـه , ويدخل ويطلع شركا

اما اذا الرجال الاول مفزعهم عليـها , لا والله رزقـه والله يبارك له

أما

[صاحب نوماس]

تلقاة يبي يدخل معهم شريك اما انة هاد حمامة او مسوي شي معهم


وننتظر القصة

[طير الهقاوي]

نسمع من القصص ماتسمعون
لاكن ولله الحمد والمنه ماواجهت شين يكدر الخاطر
ونسمع للي اعمسوهم الطماميع الله يكفينا شرهم

[سم الحباره]

لا هنت على الموضوع

انا الحمد لله ما حصلي هذا الموقف

[501]

السلام عليكم ورحمة الله وبركــــــــــــــــــاته

المواقف كثيره يا خوي فيصل بس يبي لبعض المواقف ناس عندها فكر وحكمه

501

[صقار مبتدئ]

الولد الشباب فازعله الشايب اللي و اقف يمين الصقار بدر و حاذف حمامه و علقة فيها الشيهانه و الصقار بدر يقول ان الشايب ذا شريك بالنصيفة و الولد رافض الشراكة
الله يصلح الحال

[elsayad]

والله حصل موقف مثل هذا عندنا بمحافظة الشرقية وكنت مع أصدقائي من الطحاوية فى موسم الطرح وفوجئنا بشيهانة مارة علينا تحمل طير وهي تطير على ارتفاع بسيط عن الأرض وتابعناها بالدرابيل حتى حطت على كوم تراب عالى وأخذت تأكل فريستها والتى اكتشفنا بعد ذلك أنها بطة طيارة . ففكرنا بسرعة وقررنا الذهاب بالسيارة قريباً منه وحذف قميرية وكنا نتمنى أن يكون هذا هو القرار الصائب وأثناء ذهابنا إليه فوجئنا بسيارة أخرى جاءت إليه من الخلف وحذفوا له حمامة فترك الطير فريسته وانقض على الحمامة وأخذها فى الهواء واتجه بها نحونا ونحن قادمين من امامه ،،، كانت الأعصاب مشدوده جداً وكانت أيدينا على قلوبنا ، وبقدرة قادر تسقط الحمامة منه فحذفنا له القميرية من سيارتنا بسرعة فإذا بالطير ينقد على القميرية ونشبكه نحن . . . سبحان الله . بطة ومن ثم حمامة وينتهي بالقميرية والحمد لله تم بيع الطير بـ 43000 جنيه مصري ، وحدث خلاف مع الطواريح الآخرين واتضح أنهم من الطحاوية أيضاً وتشاركنا فى الطير وتم توزيع المبلغ على إثنى عشر شخصاً والكل تراضى وكانت فرحة ما بعدها فرحة .

[ذراع الذيب]

السلام عليكم وحرمة الله وبركاته,,
مسيت بالخير يافيصل الدشاش,,

والله هالمشاكل نادرا ماتحصل وان حصلت فيه حلفان على اليمين وويل لمن يحلف ,,
على القران كاذب ويل له وعقابها بالدنيا وفيه رجال حلف على طير ماهوب له واخذه,,
وله الحين فوق عشرين سنه ماشف الطير بعيونه عبره لمن يعتبر ولاهنت على هالموضوع,,
تحياتي لك,,

[الطبشي]

الله يكون في عون الصادق لاكن مثل ماقال ذراع الذيب الحلف والله يعين من حلف با الكذب0000000000

[دعاس]

القصص واجد’’حصل قبل حوالي خمس سنوات وبالحماد الشمالي من حزم الجلاميد ان اشخاص من قبيلة... منقلين باشك الساعه السابعه والنصف صباحا وهذه مخالفه شرعيه معترف بها عند اهل الصنف لان النقل وقته بعد ارتفاع الروش يعني من بعد الساعه العاشره والى قبل النزل بساع يعني اقصاها للساعه اربعه العصر ,,وحدث ان شباكه من قبيله ثانيه.... شاهدت النقل وقامت بمتابعة النقل ومن ثم طخ الباشك,,وبعدها بدأت المعركه وتشوف المصارعه وضرب العقل والقني مالها والي’’والبعض سحب السلاح وحصل فلقات بعد فك المشاجره من قبل مجموعه كبيره’’’وايضا انا كنت هاد طيري على حمامه العصر وفجئه طلعت المواتر علي تقل موكب وكل واحد يقول تكفى شريك شريك قلت ابشروا بالخير وبعدها اخبرتهم بان الطير لي وهاده لغرض الجرد والبعض لم يقتنع الا بمشاهدة سبوق الطير’’وننتظر الاحداث المتبقيه

[قنيص غير]

الله يعطيك العافيه