قرناس الشياهين

[لهاب]

السلام عليكم ورحمة الله وبركاته ،،،،،،،،،

يا أعضاء ومشرفين مكشات الأعزاء لكم مني كل تحيه وتقدير وأرجو منكم مساعدتي في موضوعي

وأنا واثق فيكم بإيجاد حل لموضوعي :

وهو : أنا عندي شيهانه بحريه وافيه وحلوه وهدادها ثبات عندي لكن مشكلتي في قرناس

هالشيهانه ( ماقطت ولا ريشه ) مع العلم انها العام كان قرناسها حلو بالحيل يعني تقريبا بنصف شهر

عشره ميلادي كانت مصفيه او باقي على الامواس شي بسيط ويلحق ،والحين أحس انها تأخرت وتاريخ

اليوم 11/6/2005 ميلادي ، ولا ريشه حتى من الصغير ياشباب تكفون اذا فيه حل لا تبخلون عليه .



ولكم مني كل الشكر والتقدير .

[أخو المري]

الأخ


لهاب


فيه حل عساه
يفيدك إنشاء الله





اللي هو





ان تدعو الله ان تحذف




هذا ما اصتطعت اقوله




تحياتي

[طيرحوران]

الأخ لهاب ماذكرت عمر الشيهانه العام يوم حذفت وألحين .
لكن أنت تأخرت في طرح المشكله ولكن يوجد هناك بودره شبيهه بحبوب كورس قرناس الربع يمدحونها والصراحه أنا ماجربتها لأني لاأقني شياهين البحر.
وكذلك شيك على الطير من حيث مدهنته ومن حيث مربط الطير والجو لأن القرنسه تعتمد على الحاله النفسيه التي يعيشها الطير.تحياتي

[فارس العجمي]

السلام عليكم
اخوي
انا مع اخوي طير حوران بس البودرا لها اعيوبه وزينها زينها ان الطير يصف ابسرعه ويمكن بعد مع الحرار لو مستخدمها من زمان
واعيوبها تخلي ريش الشاهين خفيف وبسرعه ينكسر ويمكن يتغير ريشها ويصير قريب للابيض
وانا عطيتك ميزاتها وعيوبها وانت وكيفك
بس انا عندي راي وهو انك تقصر يوم وتكرم يوم مدت خمس ايام وتخلي القدح الي فيه الماء شوي عريض وتخليه علي طرف وطول المرسل اشويه
وان شاء الله يكون خير لك والشيهانه وفيه اهنيه صققاقير احسن مني وعندهم خبره اكثر مني وان شاء الله يجاوبن علي السؤال

[اعقاب]

الاخ العزيز
لقد ادلى الاخوه بدلوهم وانا معهم عليك بالبودره وتلاحق الوقت
وبعض الطيور مايستجيب
وانشاء الله نسمع منك اعلوم طيبه

[Al shameri]

بسم الله الرحمن الرحيم
السلام عليكم ورحمة الله وبركاته
اخي العزيز اريد من ان تقول كم عمر ذا الشيهانه و كفيت ربطها هل هي مطلوقه في غرفه ام لا
قل اول انشالله اعطيك العلم
وك محمد الشمري

[المري]

مرحبا اخوي لهاب

الظاهر الشاهين اللي يخذف في هذا الوقت انه زين بس اكثر الشواهين مابعد شي منها حذف

يعنى لا تخاف ويمكن العام يوم قرنست يمكن سنها بكر

[لهاب]

بسم الله الرحمن الرحيم،،،،،،،

أولا.... أحب أن اشكر أخواني الأعضاء والمشرفين ولهم مني كل احترام وتقدير ولمشاركتهم مشكلتي وأنا اطمع في الكثير من المساعده لأنكم تعرفون ولع الصقار وخوفه على طيره .


ثانيا .... أسمحولي ان ارد على كل شخص شاركني ،،،،،،

1- أخو المري ....أقولك كلام جميل وأبرك من العلاج.
2- طير حوران ....عمر الشيهانه كان رابع وبالنسبه للمدهنه سليمه ميه بالميه والمربط في البر يعني قرناس هوى.
3- قرناس الجزيره.... لا تعليق لكن بعد أذنك إسأل عن هالموضوع من حواليك اذا تكرمت .
4- عقاب .... وين أحصل على البودره ولك مني كل الشكر.
5- Al shameri .... عمرها رابع ورابطها بالبر وعلى الوكر وليس طلق (غرفتها من حديد ملبسه من فوق بطربال وتحت من خياش ينزل عليها الماء وقت الظهر بأستمرار .
6- المري .... والله انك ونستني بهالمعلومه لكن الشيهانه معها طير فرخ وقرنس مابقا فيه غير الموس وأتمنى يالمري انك ماتنسانا بالسؤال عن المشكله.

مع كل تقديري للجميع ،،،،،،،

[Al shameri]

السلام عليكم ورحمة الله وبركاته
وشكرا على جوابك انت تقول ان عمرها رابع هذا والطير الي معاها في الغرفه هو mail شاهين يعي تبع شاهين اذا كن كذلك فهي الان في حيره من امرها تبي تهجن لكن لاتستطيع وكل للطيور اعني الصقور ما تيح إلا لا تخلص من التبييض اذا كان كلامي صحيح فارجو منك ان تشيل التبع هو الي مسبب لها قلق .انا طيوري من الشاهين الي مابعد بييض ما تاحت لين الحين هذا امر طبيعي لطير عمره اربع
والله اعلم
اخوك محمد الشمري

[reavaldo2000]

انا رائي انك تنقلها ولا تخليها تحذف

لانه مافي وقت

[المري]

أخوي لهاب

هل الفرخ اللي معها هو فرخ بحري!!!!!!!!!!!!!! ماأتوقع

رد بأسرع وقت بارك الله فيك..

اخوي محمد الشمري أتوقع ماهو تبع شاهين لان التبع الشاهين البحري مايمديله معه موس !!!!!!!!!!!

وفي الانتظار اخونا لهاب.

اخوك المري

[لهاب]

بسم الله الرحمن الرحيم،،،،،،،

شكرا على مروركم أخوي المري و Al shameri وreavaldo2000 وعلى أهتمامكم بموضوعي وعسىالله يقدرني وأردلكم معروفكمك.

1- بالنسبه لأخوي Al shameri أسمحلي لأني ماقدرت افهم على الكتابه ولكن مع الشاهين في المربط طيرين ( واحد فرخ شمالي والثاني قرناس خلوي أيضا شمالي ،،الفرخ فيه الأمواس والخلوي باقي فيه ثلاثxثلاث هذي صقور).

وأيضا في المربط شاهين بحري وافيه أخت الشاهين اللي عندي وأيضا الشياهين الثنتين الوافيات مشكلتهن وحدهه وهي ((ولا وحده من الشياهين قطت ولا ريشه )) ،،،،،يعني في المربط طيرين وشيهانتين.

2- اما أخوي reavaldo2000 شاكر مرورك وأقولك ماني مستعجل عليها لأني أبيها في شهر 11 وشهر 12 ميلادي للحباري المخاريش وبنفس الوقت يكون الجو بارد على الشياهين.

3-أخوي المر ي الفرخ الي معها هو صقر شمالي وليس شاهين وانشاء الله اني وضحت الأمور للجميع . ( لاتخلونا بمعلوماتكم ).


،،،،،،، مع خاص الشكر للجميع ،،،،،،،،

[ابو عايد]

السلام عليكم ورحمة الله وبركاته

كلام المري صحيح .... ولكن انصحك بفتامين د

وتقبيل خالص تحياتي // العاشق الولهان