جي اكس ار 2004 فيه حراره تكفون وش الحل ؟؟؟؟؟؟ التفاصيل

[الساري01]

بسم الله الرحمن الرحيم

يعطيكم العافيه شباب انا عندي مشكله في الحراره علي طول ثابته النص في النهار ولليل تنزل الربع ولا ادري وش المشكله:

غسلت الرديتر وصيخته
غيرت السيور لانه كان مرتخيه شوي ولافاد
ركبت البلف وصار الموتر علي طول النصف لليل ونهار ورجعت اشيله وصارت الحراره في النهار النصف ولليل الربع

بس المروحه حقت المكيف ضغطها وسط ورحت وركبت مروحت لكزس اضافيه ولا تغير شي

(هل) تنصحوني اشتري مروحه حقت مكيف جديده سعره600 في الوكاله وركب البلف ولا اركب البلف وغير الحساس
والله انا محتار وتكفون ياهل الخبره الفزعه مع العلم انا المروحه الاساسيه شغاله والتماتيك شغل والموتر في الخط علي طول النصف الا في الليل علي الخظ الربع

ويعطيكم العافيه وش الحال تراني بسافر علي الموتر انشاء الله بعد اسبوعين والله محتر فيه وفي حرارته وهل لو مشيت والحراره النصف لها تاثير علي المكينه مع الخط الطويل



ارجو الفائده
واسفين علي الطاله وبيض الله وجيهكم وجعل ولديكم في الجنه وجميع المسلمين.... امين

[ساري 111]

ياليت تصور الأمبير عشان نشوف وضعه طبيعي او لا ؟؟

الوضع الطبيعي فوق الربع شوي اذا الجو زين
لكن الصيف بالنهار يوصل تحت النص بشعره وهذا طبيعي ومايحتاج قلق وخساير

طبعاً اللي اشوفه انا اقصى شي يوصله تحت النص بشرطه وماعمره تعداه مهما جلدته بنفود او خط اووقفه مع المكيف ماشاءالله تبارك الله

فإذا موترك مايتعدى النص لاتقلق الوضع طبيعي

[الساري01]

ساري 111
يعطيك العافيه علي المرو وبيض الله وجهك
بس ازيدك من الشعر بيت
الحراره اذا وصلت النصف الضغط علي خرطوش الرديتر وينظغط مايكون قاسي ورحت للمكانيكي وقل الحراره الخرطوش طبيعيه غير الحراره الي في النبير الداخلي والله مدري وش الحل

[عاشق الغضا]

شف يمكن قربة الماء مليانه ماء ثم مايشفط واتوقع ان حرارته طبيعية ,,وهل سبق وان احتمى يعني تعدى النصف؟

[مركز حراره]

ركب بـــــلف باترول 76،5

وبتلاحظ الفـــــــرق000بس ترى طبيعي تاصل النص وللتــاكد من الحساس عندنا جهاز يفحص حـــرارة الموتر مجانا علشان ماتخسر000
للمفاهمه 0544550918

[ابوملاك 2008]

الساري 1
انا نفس مشكلتك معي ربع 2008 تويوتا توقع ايش طلع عندي البلا هو راس المكينه لاني قبل شهرين وانا جاي من الرياض انفرط سير المروحه ولما وقفت عند المحطة النزين وصلت الحراره عندي H
لاكن قول امين انه مايطلع راس

[أبوحمييد]

تاكد من غطاء الرديتر وغيره باصلي وان شاء الله يظبط معك..
وتراه تحت النص بشوي طبيعي...
والله يعينك...

[الساري01]

ياشباب ركبت البلف امس وصارت الحراره النصف لليل ونهار وشكلي بفك البلف علي الاقل النهار النصف ولليل الربع احسن من الليل والنهار النصف والله اني اتوقع انه من راعي التلميع الله لايجزاه خير شكله وهو يلمع الطبلون حرك الساعه والله اعلم

[اخوخالد]

اتوقع إنه طبيعي في هذا الجو شديد الحراره..

[ابوصالح77]

شيك على ماء الإديتر يمكن تجاري حط بداله ماء تايوتا الأحمر

[سوبر VTC]

انصحك تركب البلف لانه يحجز بين ماء المكينة و ماء الاديتر
ينظم دورة الماء
موترك طبيعي مابه الا العافيه
الحر اللي جانا العام و العام الاول
مواتر جديدة الحرارة على النص

للتاكيد موتر عمي جيكسار م2001 الحرارة بعز الحر الظهر على النص و تحت النص بشعرة
و مرة كان ماسك طريق الرياض الظهر سرعة 160 الحرارة تحت النص بشعرة
و حتى لو تتعدا الحرارة النص بقليل ما يضر
عندنا ماتت الاوادم من الحر عاد مهب السيارات

انصحك تصبر شهرين الى ان تخلص جمرة القيظ
بنهاية اوغسطس
اساسا موترك لو به مشكلة كان وصلت الحرارة الاتش و انت واقف
و لو به مشكلة كان و انت تمشي توصل الحرارة الاتش

بلف لاندكروزر الديزل :: استفسار :: - منتديات مكشات (http://www.mekshat.com/vb/showthread.php?p=4750089)

هل حرارة ال gxr طبيعيه ~~~ يوجد صور ~~~ - الصفحة 2 - منتديات مكشات (http://www.mekshat.com/vb/showthread.php?p=2863345)



رابط رائع جدا بالصور للمشرف القدير بدوي جنوبي

بلف الحرارة Thermostat معلومات + استبدله بنفسك للمبتدئين خطوه بخطوه ب 54صوره (http://www.mekshat.com/vb/showthread.php?t=305944)


هنا جميع مواضيع الحرارة
من الاخ اسير الغضا جزاه الله خير

موضوع متكامل و رائع من العضو فني الشيروكيات :good::good::good:


1- هل تعاني من ارتفاع حرارة سيارتك هنا تجد الحل بإذن الله (http://www.mekshat.com/vb/showthread.php?t=146840) للعضوا فني شروكيات

2-حرارة السياره بهذلتني وبالنهايه اعانني الله عليها (http://www.mekshat.com/vb/showthread.php?t=161939) للعضواكبسوله2

3-اسباب ارتفاع درجة الحراره بالسياره (http://www.mekshat.com/vb/showthread.php?t=146306) للعضواشامخ الهيلا

4- نركب جرس بحيث يرن اذا وصلت الحراره للنص (http://www.mekshat.com/vb/showthread.php?t=221329) للعضوا اصيل حجازي

5- مروحة بلد مراوح كهرب حراره (http://www.mekshat.com/vb/showthread.php?t=196275) للعضوا بحر القصيد

6- كيف تتصرف اذا ارتفعت درجة حرارة محرك سيارتك (http://www.mekshat.com/vb/showthread.php?p=61351) للعضوا كاتم اللهب

7-اسباب الحراره في محرك السياره (http://www.mekshat.com/vb/showthread.php?t=4468) للعضواالمكنيكي

8-الحل الجذري لحرارة اليوكن والمكيف (http://www.mekshat.com/vb/showthread.php?t=213086) للعضوا هانتر


9- بالصور تركيب مروحة كهربائية لليوكن Yukon Denali 2004 - منتديات مكشات (http://www.mekshat.com/vb/showthread.php?t=224958)

[adil33]

غير الردتير من الوكالة او من اي فرع وكيل لتويوتا يكون المنيوم طبقتين وركب بلف حرارة جديد وخل مروحه السيارة حقت بلده اذا انها موجوده وتعمل وتاكد ان الحرارة مع البلف ما تتغير ابدا ان كان ليل او نهار ثابته

[الساري01]

صباح الخير

ابشركم بعد شيل وحط وركب وفك واغسل وصيخ وركب مروحه اضافيه طلعت المشكله من النبير يعطي زياده والسبب محل تلميع السياره طحت في واحد الله لايطيحكم فيه يفرك الطبلون ويفرار في الساعات والله لايجزاه خير ولا الي حطه في المحل يتعلم في سيارات الناس والحمدلله كلش تمام ويعطيم العافيه علي التفاعل مع الموضوع وشكر خاص من اخوكم الساري01

[سوبر VTC]

الحمدلله الله يبشرك بالخير




طحت في واحد الله لايطيحكم فيه يفرك الطبلون ويفرار في الساعات والله لايجزاه خير
هههههههه زين اللي مادقيته
عاد يارجال لا تدعي عليه :)
خلك كريم و مسامح :good: و اطلب اللي عند الله خير
على الاجر تكفير ذنوب ودرس لك :)

موفق

[ahmad4799]

انا معي مثل موترك وتقريبا الحراره نفس الشي تاصل للنص يعني طبيعيه ان شاءالله ولاتغير شي ولاتبدل شي

[مركز حراره]

لو شيكت على الامبير (مجــــــــــــانآ)
ماتخسرت ولاريال

[راعي الهدد 7]

ياخيلا الحراره العاديه تحت النص بشووي موترك مابه الا كل خير انشالله لاتوسوس بس

[أبو علي حائل]

ركب بلف ديزل لاند كروزر وراح تلاحض الفرق بالحرارة