مشكله في الباترول الله يعله

[مشموش]

السلاام عليكم ورحمه الله وبركاته

كيف حالكم جميعا

عندي مشكله في الباترول م92 الا وهي

حراره موتري طبيعيه على الربع او تزيد شوي لكن المكيف اشغله ماقام يبرد مثل اول
فتحت الكبوت لكن احسه محتمي العصا حق اللي يثبت الكبوت نار
لو تحط شاهي جوا الكبوت كان ضبط مع العلم اني مغير رديتر اردني ابو رصتين ومغير غطاء رديتر ومغير مروحه < لكن يوم فتحت الكبوت شفت المروحه فيها شطوووب مع انها جديده

وش العله بالظبط مع اني احس ان المكيف مايبرد بسبب الحراره داخل الكبوت الزايده


ياليت تفيدووني الله يجزاكم خير ويفرج عنكم

[عرق الأرطى]

الله يعينك اخوي

[عاافك الخاطر]

اخوي المشموش ابي اقول لك نصيحه اذا ان موترك يحتر (فيه حراره ) انصحك بتغيير الكنداسه ممكن انه يكوون شخالاتها متكسره ومسكره مجرى الهواء... وعلى الله كل شى...

[عميد سامودة]

المروحه غيرها ,, من يجي فيها لو شطب بسيط ما تعمل مثل اول ,, ركب مروحه اصلي ,, وتأكد من تماتيك المروحه ...

[الوسيطاء]

اخوي الجو له دور كبير وجرب بعد منتصف الليل وشغل المكيف اذا الوضع كماهو شخص المشكله

[برايدوي عنيد]

هلابك اخوووي....

انت تقوول ان الموتر حرارته زينه ماعندك مشكله بس نقدت على المكيف مااعاد يبرد زي اوول .

شيك عليه يمكن يبي تعبيه فريون او شد سير المكيف او ..

واما حراره عصا اللي يثبت الكبوت عااديه لانك لو توقفه بالشمس دون ان يشتغل يبي يكون حار .

تقبل مروري........

[مركز حراره]

كم حرارة الموتر
رد لي

[مشموش]

جزاكم الله خير

كم حرارة الموتر
رد لي

بالنسبه لحرارته الربع توي جاي من مشوار بالعليا ماتعدت الربع مع العلم ان البلف مفكوك

[مشموش]

اخوي المشموش ابي اقول لك نصيحه اذا ان موترك يحتر (فيه حراره ) انصحك بتغيير الكنداسه ممكن انه يكوون شخالاتها متكسره ومسكره مجرى الهواء... وعلى الله كل شى...

اخوي طيب لو فكيت الشخاله وغيرتها ؟

[قرم العيال]

المروحه به شطوب غيره نصيحه لوجه الله

انا مثلك موديل 92 منشعره وقالي راعي المراوح غيره تراه تبي تنكسر وتطير وتعدم كل شي

فعلا بعد اسبوعين ومن دون سابق انذار ..

الا يوم انطعج الكبوت والمياه تخر واصوات وعلى طول صفط على جنب

وافتح الكبوت

واثره معركه صايره

طايره الريش ومقطعه الليات و الرديتر والكبوت منطعج الله لايخسرنا بس

[adil33]

غير المروحة والاوتوماتيك حق المروحه وبالنسبة للمكيف خله على الدرجه 2 بعدين بعد ما يمسك تبريده زيده الى 3

[أبوصقر]

ركب مراوح للمكيف الي قدام الأديتر..ولاتنسى تشيك على عموم الأشياء المتوقعه..

[ابن عكاش]

الله يبارك لك في موترك ويوفقك آمين
عندي ملاحظه بسيطه اولاً الجو هالأيام حار جداً والله الموتر اللي يصمد مع هالأجواء كثر خيره
ثانياً لا تطلب من الموتر اكبر من طاقته بصراحه موترك ماقصر على موديله يعني حاول انك تحنه عشان يعيش اكثر بدون مشاكل
ومن خلال كلامك تقول البلف مفكوك يعني لو ركبتع وين يتوصل الحراره
اتمنى تقبل ملاحظتي بصدر رحب

[مركز حراره]

اذا كان على الشرطه الثانيه طبيعي تبيه يبرد زود سكر اللي الي تحت الكوع والغ اللي الي جاي من الكوع للرديتر

[سوبر VTC]

اذا مسكت خط و كان تبريده تعبان
فالفريون عندك ناقص او مشكلة ببلف الثلاجة او من حساس الترموستات
او سدد سواء بالمواصير او بالاديتر تحتاج تنظيف و وضع فريون اصلي
او ان الكمبرسور اساسا ضعيف
و لا يتم الحكم على ضعفه حتى يتم تنظيف و غسل كل شي فان لم يفد كل هذا العمل
فمعنى هذا ان الكمبرسور ضعيف و يجب تبديله
و معروف عن الباترول و الددسن بقوة تثليج المكيف و الفخر يعود الى قوة الكمبرسور
اذا بغيت تبريد ثلوج عن تجربة
غسل اديتر المكيف + المواصير اللي بين المكيف و الثلاجة + غسيل الثلاجة
بواسطة تنر ايطالي ثم نفخه بالهواء
ثم الغسل مرة اخرى بواسطة غسيل مكيف خاص دبة برتقالية رقم 11
و بعد الغسل تركيب سيل جديدة وجيه
و فحص الليات بهواء مضغوط و استخدام صابون
ثم تعبئة فريون امريكي 134
و باذن الله مكيف مايحتاج
بشرط ان بساتم الكمبرسور قوية و ليست ضعيفة سابقا

اضافة
الليات الكبيرة اللي تركب على الكمبرسور
و اللي تركب على الدبة
و حساس الدبة الترموستات
يفضل وضع سليكون شفاف على الوجه او السيلة لضمان عدم تهريب الفريون مستقبلا

السيل او الوجيهه اذا كانت تعبانه تبدل بسيل كورية لونه اخضر ممتازة جدا
و احسن من اللي يجي لونه اسود لانه صينيه لينة و تلين مستقبلا و تسبب تهريب

[مشموش]

اذا كان على الشرطه الثانيه طبيعي تبيه يبرد زود سكر اللي الي تحت الكوع والغ اللي الي جاي من الكوع للرديتر
مافهمت عليك اخوي!

[بدر الواثق]

اذا مسكت خط و كان تبريده تعبان
فالفريون عندك ناقص او مشكلة ببلف الثلاجة او من حساس الترموستات
او سدد سواء بالمواصير او بالاديتر تحتاج تنظيف و وضع فريون اصلي
او ان الكمبرسور اساسا ضعيف
و لا يتم الحكم على ضعفه حتى يتم تنظيف و غسل كل شي فان لم يفد كل هذا العمل
فمعنى هذا ان الكمبرسور ضعيف و يجب تبديله
و معروف عن الباترول و الددسن بقوة تثليج المكيف و الفخر يعود الى قوة الكمبرسور
اذا بغيت تبريد ثلوج عن تجربة
غسل اديتر المكيف + المواصير اللي بين المكيف و الثلاجة + غسيل الثلاجة
بواسطة تنر ايطالي ثم نفخه بالهواء
ثم الغسل مرة اخرى بواسطة غسيل مكيف خاص دبة برتقالية رقم 11
و بعد الغسل تركيب سيل جديدة وجيه
و فحص الليات بهواء مضغوط و استخدام صابون
ثم تعبئة فريون امريكي 134
و باذن الله مكيف مايحتاج
بشرط ان بساتم الكمبرسور قوية و ليست ضعيفة سابقا

ماشاء الله على المعلومات القيمة
التي تدل على خبرة كبيره وممارسة مميزة
لخبيرنا الغالي:good::good::good:

[سوبر152]

الكنداسة مثل ما قال أخوي
أنا ركبت هدرز كامل ونزلت الحرارة على الخط الثاني ولله الحمد

[مشموش]

الله يجزاكم خير جمعيا
انا اشهد انكم ماقصرتو

[مركز حراره]

يعطيك العافيه يا vTc