موووتري يرج وطاحت سنوني من الرجه

[شمووس]

السلام عليكم


موتري باترول 2005 سفاري 2 تماتيك الحقيقة الموتر اذا الطريق استوا زي
المسطرة ما تسمع صوووت ولاهمس ولا رجه , اما اذا الطريق الشركة الله بالخير
شغل مشي حالك يعني فيها نتوءات ولو شيء بسيط الموتر يرج واحس الرجه بالدركسون
وبقرقعه فناجيل القهوه الحقيقة وما فيه سرعه محددة ما ادري احترت هل هو طبيعي والا
اعدل فيه شيء بالرغم ان السيارة متماسكه شد بلدها تكففففون افيدوووني
مشكووورين

[بحار صغير]

وعليكم السلام ورحمة الله وبركاته

ركب ممتص الصدمات اللي هو المساعدات على ما اعتقد

يكون من شركة ممتازه

[audais]

وعليكم السلام

ياخوي موترك مافيه شي ولا توسوس دام البلا بالزفلت وسلامتك

[adil33]

غير المساعدات واذا الكفرات قديمه غيرها ولا تدور شيء غير هذين الامرين وتتعب حالك وتجرك لامور اكبر من كذا في العضلات

[برق الشفاء]

اخوي انا معي باترول 2007 وركبت كفرات بوالين ماكسس وبدت ترج بالدركسون والله واروح لصناعيه واركب مساعد دركسون اضافي ومن ذاك اليوم وأنا ماعاد ادري وش الرجه وللعلم زادت رسوت الموتر في الزفلت والبر

[][ســهم][]

تأكد من ذراع الدركسون الأمامي
اتوقع يحتاج الى كبس
احتمال كبير ان المشكلة منه

[عاشق الغضا]

ادبل مساعد وتمتع بالامان

[الوسيطاء]

اخوي لا تدبل مساعد وبعدين ماتروح الرجه اول شي اكبس الذراع لان تدبيل المساعد يتعب الدوده

[ولد وايل..]

مساعد الدركسون....


غير شد البلد وجرب إن شاء الله ما يحتاج تدبيل

[برايدوي عنيد]

هلابك اخووي .......

الرجه اذا كانت من 70 الى 110 غالبا تكون من الترصيص .

اما اذا كانت مستمره او وقت الطريق يكون لك عليه فهذا لابد تشيك على امور منها .
مساعد الدركسون , جلد عمود التوازن ومسامير التوازن كذلك , الاذرعه , وزن رمان

تقبل مروري ......

[بو خليفه]

اهل الخبرة ما خلو شئ اضيفه