حساس الحراره للباترول

[ابوفواز1000]

اللي عنده معلومه عن حساس الحراره للباترول 90 يعطيني رقم الحساس لاني يا أخوان انكسر عندي الحساس الاول وفكيته ولم انظر الى رقمه اوشكله حتى ورحت لمحلات قطع الغيار وطلبت جديد ويوم ركبه العامل صارت الحراره ترتفع عن c حتى تصل الخط الاول او تكون عليه بس على الرغم من انه فيه بلف ماهي معقوله تكون الحراره كذا حرارته الطبيعيه بين الخطين حسب علمي رجعت الحساس وجبت ثاني من الوكاله ونفس السالفه الظاهر انه له رقم معين اللي يعرف يرد ضروري امبير الحراره سليم

[العتيبي 88]

يابعد روحي اذا انك شريت من الحمراني وطلع نفس الحكايه معنى أن الحساسات الي شريتها سليمه 100% واذا الموتر حرارته الشرط الثاني ولا فوقه بشوي ولاتتعداه مع المكيف والحر طبيعي على ماأظن لان وأنا أخوك انت تشووف جونا كيف الحرارح تاصل 50 مهي معقوله تبي حرارة تحت الشرطه الثانيه الددسن ماتصير حرارتها كذااا

أن شاء الله أني أفدتك والله يوفقك وننتظر أهل الخبرهـ

[قناص خلاوي]

اخوي ماكل اصلي سليم
كان معي 95 باترول وقلبته ديزل
غيرت حساس الحرارة اصلي على ما اذكر قيمته 50 ريال من الحمراني نفسه
والحرارة ما تتعدى الخط الاول ابد بعز الصيف
ماهي معقولة ديزل وحرارته على الخط الاول
حتى بعز القايله ضربت عليه طريق يجي 20 كيلو ولا تحرك الامبير الا شعره وحده ؟؟!!!
يوم شريت حساس ياباني بـ 10 أو 20 ريال وركبته ضبطت عندي الحرارة ورجعت طبيعية
على الربع والثلث ومع الجور تاصل النصف لأنه ديزل ..

تأكد من موترك اذا شديت عليه لك مسافة انزل وشف الكبوت كان الحرارة موافقة للامبير اتركه وان حسيت انه حار بزيادة وقراية العداد ماهي زينة غير الحساس ..

[أبوصقر]

تأكد من أن الحساس حق موديل موترك..لأن حساس الموديل الجديد يركب على الموديلات القديمة لاكن مايطلع الحرارة الصحيحة للموتر..
وتأكد من جلبةالحساس إذا كانت الجلبة الموجودة في الحساس لونها أزرق فهي للموديلات الجديدة..بس أنت إذا رحت لمحل قطع الغيار عطه رقم الشاصية..وقل له عطني حساس لهذا الموديل..أتمنى أكون أفدتك..

[مركز حراره]

ممكن التاكد عن طريق جهاز ليزريعطيك الحراره بالربع درجه
(الحساس القديم جلبته سودا)

[أبوصقر]

والله كفو يا ابو صقر
الله يسلمك..

[ابوفواز1000]

الله يعطيكم العافيه على الردود الطيبه لقيت المشكله يأخوان من نوع الحساس ما هو حق نفس الموديل والخطا من قطع الغيار اللي اعطاني اياه وسوف ارجعه لهم باكر ان شاء الله
العتيبي88
قناص خلاوي
ابوصقر
مركزحراره
الله يوفقكم ما قصرتوا

[سوبر VTC]

للمعلومية
العام و العام الاول بعز الحر مواتر جديدة خصوصا الفتك الباترول الحرارة فوق الخط الثاني بواجد
و الجيوب جيكسار الحرارة فوق الثلث و تحت النص بشعره
بسبب الحر الشديد
انا ارى ان حرارة موترك طبيعية

اخبر احد الربع ركب غطاء اديتر استكر برتقالي اخذه من الوكيل و ركبه لسلقه باترول م91
اذا وصل سرعه 120 يحتمي و تعدا الحرارة فوق الخطين
رجع للوكيل وبدله و اخذ غطاء لكن بدون استكر
و نامت الحرارة :good: بين الخطين و هذا الكلام قبل الحر الشديد قبل جمرة القيظ