ماهي وظيفة كتاوت الدينمو وكيف أعرف إنه خربان

[سليمان الصقر]

مساء - صباح - الخير ، ياجماعة الخير عقدني الدينمو فجبت لي واحد مستعمل ونثرته نثر وطلعت بنتايج حلوة بس مخي هنّق عند الكتاوت والمحول ماني عارف وش فايدتهن وكيف أعرف إذا الخراب منهن وشلون أفحصن وأتأكد منهن من غير ما أفك الدينمو
ودمت سالمين

[زعفراني]

سلام اخوي
اولا ويش هي المشكله اللي عندك؟؟
ثانيا الكتاوت مهمته انه يوصل عمليه الشحن للبطاريه من الدينمو حتى تتعبا واذا تعبت قام فصل عمليه الشحن ... وهكذا عمله مستمر
وتعرف اذا الخراب منه اذا كان احد امرين اما انه فاصل ومايعبي البطاريه ابد او انه موصل ومايفصل ابد
و تقدر تعرف اذا الخراب منه او لا بدون ما تفكه
اولا اذا كان فاصل مايعبي فمعناه ان البطاريه تفضي على طول وتقدرت تتاكد من ذلك بفصل اصبع البطاريه الموجب والسياره وهي شغاله واذا طفت السياره فمعناه انه مايعبي وفي هذه الحاله يمكن يكون الخراب منه او من الفحمات والفحمات ماتقدر تتاكد منها الا بفك الدينمو
ثانيا اذا كان موصل على طول وما يفصل بتلاحظ ان النور صاير قوي مرره وامبير الكهرب يكون على الحد الاخير اول ماتشغل السياره

[سليمان الصقر]

يا سلام عليك يالزعفراني والله كلامك واضح ولا يعقّب عليه بيض الله وجهك وجزاك الله ألف خير وكلامك يدل على إنك فاهم بالسيارات ما شاء الله عليك وشكرا جزيلا لك

[زعفراني]

العفو اخوي الامر سهل انا برضه مثلك تعلمتها من اغيري

[سليمان الصقر]

بيض الله وجهك يالزعفراني والله انك ماقصرت