فك وركب دربيل خرازتك بدون وزن

[عاشق الجبل]

السلام عليكم

قطعة لقيتها عند شركة الهدف بالرياض بقيمة 50 ريال تريحك من وزن دربيل الخرازة كل مافكيته


هي قطعة تثبت في نهاية مجرى البندق من الأمام ( خاصة الخرازة ) بحيث ترد قاعدة الدربيل وتوقفه

عند حد معين يمكن بعدها وزن الدربيل وفكه وتركيبه مرة ثانيه بدون وزن

يعني كل ماركبت الدربيل ( دقرت ) القاعدة الأمامية في هذه القطعة وأصبح الدربيل في نفس مكانه

الأول ولم يتغير .

هذا من واقع تجربتي

[صفوان]

وعليكم السلام ورحمة الله وبركاته

أخي عاشق الجبل الله يحفظك ويرعاك

في نظري هذا مستحيل أبدا.. الا إذا كنت تبي ترمي لك قوطي بيبسي.. في هذه الحالة أنا معك ما يفرق معاك ان كانت الطلقة في الوسط ولا فوق ولا تحت..
لاكن اذا تبي تحط الطلقة في الطلقة.. هذا مستحيل اذا فكيت الدربيل ورجعته ما يحتاج وزنية! لا بد من الوزن مرة ثانية ألا اذا كان صدفة هذا شيء مهو محسوبله حساب..
طبعا.. هذا ليس قدح في مصداقيتك! :rolleyes: ولكن من واقع تجربة وهي انك حتى لو ما فكيت الدربيل لاكن تبي تربط عليه.. تجد ان الوزنية يبيلها شوي (لك عليها شوي) هذا وهو ما تحرك من مكانه.. اشلون لو تبي تفكه :hot:
لكني أطلب منك انك تجرب.. ولكن مهو تطرح القوطي وخلاص.. أبي تطلق طلقة وحدة على أي مسافة تحددها لكن مهي أقل من 30 متر.. ثم تفك الدربيل وترده مع القطعة اللي تقول عنها! وجرب ورد علينا الخبر :( إن كان ضبطت العملية وصارت الطلقة في الطلقة حتى ولو كانت حوله بسنتي ماشي مافيه مشكلة! :good:
تراني زبونك أول من يشريه

أخوك
صفوان

[عاشق الجبل]

الأخ صفوان

أنا ماقلت وضمنت أن الطلقة تدخل محل الطلقة :no2:

أضمن لك رأس الضب ورأس الوبر :)

عمومآ يالحبيب هالطريقة أزين من ركب الدريبل وأوزنه ثم فك وركب وأوزن من جديد وإلا حط لك خط على حد معين علشان

ترجعه محله الأول

صح طال عمرك :)

[صفوان]

اترك عنك الطلقة في الطلقة! وعلمني وش ها السومة اللي الله فكك منها 1550 :eek:

كان تقعد بحرقتها ها.. :p

على العموم ردك أضحكني كثير :D وكان بودي يبقى الموضوع لكن حسوفة طار :mad:

مع خالص التحية لك

صفوان

[عاشق الجبل]

والله أنك صادق :D

أخوك ماصدق خبر بس سمع بدربيل مدمج مدري مخلوط مع كاميرا وقام يتخيل وهو يصور الوبران والوعول

يعني فقيت ثمي وماتشوف إلا اللويزات توايق والحمدلله اللي فكني من الغمته اللي بــ 1550 ريال

عاد دور اللي باعني أياه

عمومآ الله لايهينك تابع مواضيعي وكل ماشفتني أبشتري شي وأنا مطفي النور .... أقبصني :D

من هالحين أقضب يدي تكفى :D