يالله انا طالبك

[جرير]

امل ان تنال استحسانكم



قال بن ريفه بدا في مرقب عالـــي
حل المراقيب تومي به هبايــبها

ما يدهله كون صافي الريش والوالــي
ولا الولع يوم يفنك في عجايبــها
هيضني الرجم وأنا من اول سالــي
هيض على القلب ديران شطـيت بها

يا مرقب جاك من الأمطار همالـــي
نصوب صيف من المنشي يهـل بها

لهم علينا شدوق الثفن لا سالـي
وعطفة طريب الي زافت جوانــبها
لما غدا الفيض كنه زرع عمالــي
سيله من القدم للبطنان ناهــبها
كم مرة قد نزلنا عشبه المالــي
بمحول صلفات عطيبات ضرايبــها

يا راكب من على اللي مشيها ارمالـي
مأمونة يرفع الهلان غــاربها

تزها السفايف وتزها الخرج وحبالـي
ومجرب لا سري في الليل صالبها

حي الطويلة وحي اللي شراهالـي
من واحد جابها في السوق جالــبها

شريتها في الدهر يوم ارخص الغالـــي
بمية وخمسين ما يمهل يغايــبها

حديدها واذكر الله كنه ريالــي
وكن الحيايا تطارد في مقاضــبها

واضرب بها الوعل يامنه تهيا لــي
أبو حنية كبير الراس شــايبها

لا ثار بارودها اليا العود متالــي
منها الريايا مقطعة نشــايبها

واطمر بها عند ربعي وامنع التالـــــي
لا هاب ولد الردي معاد يزهـــبها
والي لفونا من المقناص زعالـــي
أحد مدح بندقه واحد يعــذر بها
بشرتهم بالعشي من عقب مقيالــي
والفايدة مع مرد الكوع ضـــاربها

واسرح بها في السحر مانيب كسالـــي
وكم سرحة فرقت منها ربايـــبها

يا الله وأنا طالبك عطني هو بالــي
حمراء من الجيش طفاح جنايــبها
لا روح الجيش حاديها اشــهب اللالي
وماهي تورد وسيع صدر راكبـــها

اللي على كورها ولي بالحبالـــي
واحد على كورها والي بغاربهــا
لروحت مع تخاتيخ الخلا الخالـي
كن الذيابة تنهش من جــنايبها
فاستغفر الله اللي فوقنا عالــي
حطيت في حفرة رزونصــايبها

[ريف النشاما]

مشكور أخي جرير على (نقل)هذه اللقصيده الرائعه



ومشكور على جهودك

[الحضري]

الله الله الله



يالله وانا طالبك عطني هوا بالي
000000 حمرا من الجيش طفاح ٍ جنايبهاااااااااااااا



بيت بلغت شهرت السماء

لابن ريفه وهو والد شاعر الرد المعروف فلاح القرقاح


صح لسانه وسلمت على نقل القصيدة ..

فمان الله

[اسيزو 4x4]

مشكور أخي جرير وصح لسان الشاعر

[طحنون]

مشكور اخوي على القصيده اللي تهيض
للمقناص والبر

[ابو عايد]

مشكور أخي جرير على (نقل)هذه اللقصيده الرائعه

ومشكور على جهودك

تسلم على هذا الاختيار يا جرير

وتقبل تحياتي // العاشق الولهان

[ابو طنب]

الف شكر اخوي جرير على نقل هذه الرائعة

يا ليتك كنت نزلتها لنا من زمان تعبت ادور عليها كاملة لأنه سبق وأن رديت على احد الشعرا

على نفس هذا الطرق وهو يقول:

يالله انا طالبك جيبٍ هوى بالي /*/*/ لا بين سهيل أبمشي مع مناكبها

واختيارك لها يدل على أنك ممن يتذوقون الشعر ويعرفون طروقه ومعانيه

بارك الله فيك

اصغر اخوانك/*/*/*/ابووووطنب

[قرقاص مع شاهي]

مشكور أخي جرير على (نقل)هذه اللقصيده الرائعه

[النداوي HZ2AF]

الأخ جرير
السلام عليكم ورحمة الله وبركاته
تحية طيبة من الله مباركة وبعد
اسمح لي اخي العزيز ان اضيف القصيدة كامله مع القصه التي هي سبب هذه القصيدة
حيث نجد في هذه القصيدة بعض الأبيات التي لا توجد في كثير من النسخ الأخرى
وعموماً انت يأخي ما قصرت بل كفيت ووفيت وتقبل تحيات اخيك ومحبك ابو عبدالله

وهذا نص القصيدة مع قصتها

قصة فراج بن ريفه القحطاني
من الأبيات المشهوره البيت الذي كنا نسمعه في مضارب الباديه وهو :
يالله وانا طالبك حمرا هوا بالي ........ ليا روح الجيش طفاح جنايبها
والكثير لايعلمون لمن البيت او ماهي القصيده كامله ،
القصيده للشاعر (فراج ابن ريفه القرقاح)
جد الشاعر المعروف فلاح القرقاح ...
كان عليه دم لواحد من جماعته من قبيلة (عبيده) قحطان.
وجلى عن القبيله وانتظر (ابن شفلوت) يحل القضيه
بصفته شيخ قبايل عبيده لكي يعود لقبيلته في (طريب)
وكان قد جلى عند قبيلة (سبيع) وبعد مرور عشر سنوات
ارسل القصيده هذي اللي خلت الجميع يتحرك لها
وعلى راسهم ابن شفلوت وانتهت الدم الي عليه.. ويقول :


قال بن ريفه بدا في مرقـب عالـيXXXXXحل المراقيـب تومـي بـه هبايبهـا
ما يدهله كون صافي الريش والوالـيXXXXXولا الولع يوم يفنـك فـي عجايبهـا
هيضني الرجم وأنا مـن اول سالـيXXXXXلهم على القلب ديارن شطيـت بهـا
يا مرقب جاك من الأمطـار همالـيXXXXXنصوب صيف من المنشي يهل بهـا
لهم علينـا شـدوق الثفـن لا سالـيXXXXXوعطفة طريب الي زافـت جوانبهـا
لما غدا الفيـض كنـه زرع عمالـيXXXXXسيلـه مـن القـدم للبطنـان ناهبهـا
كم مرة قـد نزلنـا عشبـه المالـيXXXXXببيوتنا اللي وزا المجرم يلـوذ بهـا
نبنـي بيـوت بعـراف وجهـالـيXXXXXوأن جاء النذر من حفيف ما نرهبهـا
بعوال مفلـح وهـم حمايـة التالـيXXXXXبمحول صلفات عطيبـات ضرايبهـا
صبيان قومي تحل المنجـم العالـيXXXXXكسابـه المـدح حمايـة ركايبـهـا
ربعي عبيدة وأنا من حربهـم جالـيXXXXXهل صبحه في الضحى تشعى كسايبها
وانشد عبيدة هل الطالات مـن حالـيXXXXXوانشـد الجانيـب يـوم إنـا نقاربهـا
من هو يقلط على فـرش وفنجالـيXXXXXسعد بن عمه الي من جـاء مكاربهـا
لمـا غـدا بيـن نقـاض وفتـالـيXXXXXوصفـوا لاجانيـب واذوه بطلايبهـا
عديتهم ثم نسفت أبهم علـى الجالـيXXXXXنسف الدلي للمعدي صـوب جاذبهـا
عسى هل الشين ما يبقى لهـم تالـيXXXXXوهل اسلوك الردي يـارب تذهبهـا
ولـي جليـل وللشطـات حمـالـيXXXXXأرفع نواصيـه يـا ربـي وقطبهـا
أنا من الخبرة ألـي شورهـم عالـيXXXXXواما هل البخـل بامـر الله نجنبهـا
يا راكب من على اللي مشيها ارماليXXXXXمأمونـة يرفـع الهـلان غاربـهـا
تزها السفايف وتزها الخرج وحباليXXXXXومجرب لا سري في الليل صالبهـا
ملفاك من يلبسـون الجـوخ والشالـيXXXXXربعي ودرعي وضـد اللـي يحاربهـا
ملفـاك شيـخ القبيلـة حامـي التالـيXXXXXعند ( ابن شفلوت ) يالمنجوب قربهـا
قل له على طالت المدة وانا ( جالـي )XXXXXعشر ( سنوات ) مضت بحساب مقطبها
فان كان ربعي نسوني مانيـب غالـيXXXXXباعيش فـي ديـرة قفـرا جوانبهـا !!
في ايدي قرار تكـف الجمـع لاهالـيXXXXXطويلـة ناحـل مقـضـب خشايبـهـا
شريتها بالثمن يـوم ارخـص الغالـيXXXXXإميـه وعشريـن مـا يمهـل بغايبهـا
الله يرحمـك يـا عـود شراهـا لـيXXXXXمـن واحـد جابهـا للسـوق جالبهـا
حديدهـا واذكـر الله كنـه ريالـيXXXXXوكن الحيايا تطـارد فـي مقاضبهـا
بنـة غرهـا زبـاد عنـد دلالــيXXXXXولا طمـوح هواهـا مـن يلاعبهـا
لا ثار بارودها الـي العـود متالـيXXXXXمنهـا الريايـا مقطـعـة نشايبـهـا
واطمر بها عند ربعي ومنـع التالـيXXXXXلا هاب ولد الـردي معـاد يزهبهـا
عط الطويلة عريـب الجـد والخالـيXXXXXولد الردي لا تخلونـه يـزول بهـا !!
والي لفانا مـن المقنـاص زعالـيXXXXXأحد مدح بندقـه والـي يعـذر بهـا
بشرتهم بالعشاء مـن عقـب مقيالـيXXXXXوالقايدة من مـرد الكـوع ضاربهـا
واضرب بها الوعل لمنه تهيـا لـيXXXXXأبـو حنيـة كبيـر الـراس شايبهـا
ذبحت عشرة بهـا والظـل مـا مالـيXXXXXوالحاديـه روحـت تثلـغ مضاربهـا
واسرح بها في السحر مانيب كساليXXXXXوكم سرحـة فرقـت منهـا ربايبهـا
يا الله وأنا طالبك عطني هـو بالـيXXXXXحمراء من الجيـش طفـاح جنايبهـا
لا روح الجيش حادية اشهب اللالـيXXXXXليهي تورد وسيـع صـدر راكبهـا
اللي على كورهـا ولـي بالحبالـيXXXXXواحد على عيزهـا والـي بغاربهـا
لروحت مع سباريت الخـلا الخالـيXXXXXكـن الذيابـة تنهـش مـن جنايبهـا
تمـت وصلـوا عـدد ماهـل همالـيXXXXXعلـى نبـي شـروع الحـق رتبـهـا
اغفـر ذنـوب الفتـى يالله يـاوالـيXXXXXلا جيـت فـي حفـرة رزوا نصايبهـا

[جرير]

ابو طنب قرقاص النداوي

شكرا للاطراء



النداوي ماقصرت جبت العلم وافي .. لاكن تراني يوم شلت بعض الابيات والقصه بهدف الاختصار واخذ ما يخصنا في المنتدي .
لان القصيده مشهوره ومعروفه ومدونه ايضا . ولكم الشكر