مساعده في مسدسات x-FIRE

[hunter -_-]

السلام عليكم

اخواني انا شريت مسدس X-Fire 115 السدس جيت ما جربته لاكن واجهت صعوبه في الربله قويه و غير مريح هل هناك احد جربه او وجد حل للمومضوع و اكون شاكر لكم .

[حياتي البحر]

يفيدوك اهل الغوص

[spearfish]

وعليكم السلام ورحمه الله وبركاته

هلا اخوي الغالي

لسا ليا يومين مشتريه ونازل فيه بكره ان شاء الله والله يحيك معانا ..

والحمد لله قدرت اشده بالمحل

فيه طريقتين الي طبقتها انه تحط قاعده المسدس في العظمه الي بين الردف والفخذ لأنه ما بتحس بألم ان شاء الله بهالمنطقه
وبالنسبه لشده ابو هاجر الله يعطيه العافيه قلي علا طريقه والحمد لله نفعت
تمسك الربل باليد اليمين قبل لا تحط قاعده المسدس يعني تمسك الربل اول شي بعدين تشده شوي وبعدها تحط قاعده المسدس بالمنطقه الي قلت لك عليها وبس بعدين مره وحده شده شده قويه لا تشده بشويش عشان لا يتعبك مره وحده ما بتحس فيها ,,,

وفيه طريقه حلوة برضو تعلمتها من ابو هاجر يعني من بعد اذنك يابو هاجر :)

فيه بمحلات الرياضه حزام يستعملوه لاعبين بناء الاجسام (الحديد) عشان لحمايه ظهرهم بس انت بتلبس هالحزام عشان تتكي قاعده المسدس عليه لأنه معروف قاعده المسدس رفيعه فا تألم ,


ونصيحه اخذتها من ابو هاجر لا تغير ربل المسدس زي ما يسونها الكثير لأنه بيضعف وغير انه ممكن يأثر بوزنيه الطلقه وكذا ,,

اذا تحب تقدر تراسلني بالخاص وبكره ان شاء الله لنا طلعه ,,

[ابوفيصل96]

اخوي hunter بنسبه لقاعدة المسدس تركبلها قاعده من جلد تركب في بنادق الصيد البري سعرها 15ريا ل تنباع في محلات المقناص جربتها طلعة ميه/100 ونشا لله افتك

[hunter -_-]

تسلمو والله ما قصرتو بجرب اليوم و بشوف و مشكورين :)

[السفريF15]

قابلت مره شباب عالبحر يحطون المسدس عالصدر ويشدون الربل بس ماادري طريقتهم صح ولا لا؟

[hunter -_-]

طريقتهم صح بس لازم درع لصدر عشان مؤلم

[spearfish]

اخوي hunter بنسبه لقاعدة المسدس تركبلها قاعده من جلد تركب في بنادق الصيد البري سعرها 15ريا ل تنباع في محلات المقناص جربتها طلعة ميه/100 ونشا لله افتك
هلا اخوي

انت مجرب هالطريقه في مسدس الاكس فاير ؟

لأنه ترا ما سو القاعده كذا الا عشان تقنيصته واذا غطيتها بقطعه جلد اش الفايده ,,
وفيه حل كتبته بالرد الي قبل

[ابوفيصل96]

هلا اخي الطريقه مجربها ومريحتني بالشد مع ذالك المسدس يطفو واتوقع انه مطاط مقوا

[fear - diver]

والله ياليت جايب العده معاي كان نزلنا سوى ياسبير فيش لكن الجايات اكثر ان شاء الله

[sniper112]

السلام عليكم
طريقة ابو هاجر افضل طريقه ونفسها اللي استخدمها
وفرتوا عليه التعليق جزاك الله خير
ومبروك عالاكس فاير

[قناص البحر]

السلام عليكم

كلام ابو هاجر هو الحل لهذه المسدسات


وعسى الله يوفقك بصيد طيب وربي يعطيك خير هذا المسدس ويكفيك شره يارب

[hunter -_-]

تسلمو يا اخوان جربتها لاكن ما فادتني او اني مطبقتها صح الله يعين

[sniper112]

فيه حل
غير السيخ وحط سيخ له شفره فالوسط
علشان تسحب الربل عليها وبعد ذلك حطه ع صدرك وامسك الربل وكمل السحب للشفرات الاخيرة وكرر العملية بعد كل ظربة وهذه أسهل طريقة كم طولك انت

[spearfish]

فيه حل
غير السيخ وحط سيخ له شفره فالوسط
علشان تسحب الربل عليها وبعد ذلك حطه ع صدرك وامسك الربل وكمل السحب للشفرات الاخيرة وكرر العملية بعد كل ظربة وهذه أسهل طريقة كم طولك انت
اخوي سنايبر كذا تعقد الموضوع صدقني

لسا يوم ولا يومين كنت بمحل احط للمسدس حبل رايف
وفيه الي يشتغل فلبيني والرجال طوله تقريبا 160 او 150 يعني توقعت ما بيقدر يشده لأكن ما شاء الله شده بالراحه اول شي قبل ما حط المسدس سحب الربل بعدين حط قاعده المسدس ببطنه اعتقد او جهة اعلى الفخذ وكمل سحب بيدين ,,

عشان بس لتقليل المصاريف اذا بيشتري سيخ جديد بيكلفه 200 اقل شي

[النوخذة]

قابلت مره شباب عالبحر يحطون المسدس عالصدر ويشدون الربل بس ماادري طريقتهم صح ولا لا؟ :good2:

هاذي أقرب طريقة إلى الصح

المفروض تحط المسدس في أعلى البطن علشان تقدر تشد الربلة
وفيه تكنيك بسيط إذا سويته إن شاء الله راح تضبط معك الأمور
لكن تأكد إنك راح تعاني في البداية

روح ل اليوتيوب وأكتب في البحث
LOAD SPEARGUN
وراح تطلع عندك مقاطع واجد تعلمك شد الربلة
بالتوفيق يالغالي

[ss 1400]

بسم الله الرحمن الرحيم

الطريقه مجربه من سنين

أخواني حياكم الله


أكثر الناس يكرهون الأكس فاير عشان قاعدتة حاده وحبله ضعيف ومغاطه قوي

ولكم الحل اخواني الكرام
ركزو معي

1- لازم يتغير الحبل حبل رايف

2-تشتري من محل الرياضه حزام رفع أثقال وتلاقيه تقريبا45ريال وكل ماكان اعرض كان أفضل

المهم
الحزام فايدته أنك تقدر تثبت القاعده الحاده عليه بيدك اليسار وتمسك البندق بليمين

بعد ماتثبت البندق تكون يدك في المغاط
طبعا يدك اليمين

وبعدها تسحب بيديك الثنتين بكل قوتك وتكون السحبه على السيخ لاترفع يدك ونت تسحب

لاتخاف القاعده عند تثبيتها على الحزام ماتزحلق وتضرك مجرد ماتثبتها على الحزام ماتتحرك

وماتدري الا والمغاط في الشده الثانيه

جربها كم مره ونتبه لايزحلق البندق وأن شاء الله تتقنها

وهاذي كل سالفة الأكس فاير

مجربه ومعتمده بتوقيع أبوهاجر

[hunter -_-]

انا اخوي طولي ١٨٣ بس يا اخي الم و يترك على الجسم انا بحاول اسويلي اسفنجه او قطة تيوب تخفف اثر

[mr.lonely]

السلام عليكم
حي الله بالشباب كنت بستفسر عن مسدس xfire
115 سمعت انو طلقتو ضعيفه ممكن ما تتضرب السمك
ابغى واحد يفتيلي فيها قبل ما اشتريها
يكون مجربها نوعها وبقاسها من كل النواحي بالتفصيل الممل شاكرين لكم مجهودكم العظيم
معاكم mr.lonely
جده

[spearfish]

السلام عليكم
حي الله بالشباب كنت بستفسر عن مسدس xfire
115 سمعت انو طلقتو ضعيفه ممكن ما تتضرب السمك
ابغى واحد يفتيلي فيها قبل ما اشتريها
يكون مجربها نوعها وبقاسها من كل النواحي بالتفصيل الممل شاكرين لكم مجهودكم العظيم
معاكم mr.lonely
جده
هلا اخوي 115 نفس الي عندي ومجربه مع ابو هاجر لأكن غلطتي اني مطول حبله يعني هو اذا مطاط واحد بيوصل ممكن 4 او 5 متر اتوقع اذا اكثر لازم تركب مطاط ثاني لأني طلقت علا بوقريه من بعيد بمطاط واحد والسيخ شكله ما اخترقها تمام فا فلتت من السيخ فا ااذا بتاخذ خليه لفه وحده الحبل وقبل لا تركبه راسلني لأنه الحبل له طريقه معلمنا هي ابو هاجر الله يعطيه العافي لأكن هو بعيد عن جده بس ان شاء الله اذا انت بجدة راسلني بالخاص ونحاول نظبطه لك


وعلا فكره ال 115 هو الي عرفت له لأني مبتدا وما اقدر اقرب من السمكه بتشرد مع حركه الزعانف فا اطلق من بعيد وال 115 فادني بهالنقطه

[spearfish]

انا اخوي طولي ١٨٣ بس يا اخي الم و يترك على الجسم انا بحاول اسويلي اسفنجه او قطة تيوب تخفف اثر
اخوي جرب الي قلك عليه ابو هاجر حزام رفع الاثقال تلاقيه باي محل ادوات رياضيه ب 40 او 50 كذا


وكل واحد له طريقته الي يرتاح لها فيه طريقه ثانيه كمان عندك القطعه القماش او الي زي الفلين الي ينحط فوقها الماوس اعتقد انك عرفتها ؟

شفت واحد من شباب المنتدى يطبقها ويحطها جوت البدله ويشد عليها المسدس


لاكن مدري ما قد جربتها ممكن اذا مو متعود عليها تتحرك من مكانها


انت جرب وشوف اش الي ترتاح له ,,

[sea lover]

السلام عليكم ..

شوف يالغالي إذا ما ناسبتك طريقة أخوي أبو هاجر بأعطيك كذا طريقه وإنت شوف الي يناسبك:

- تجيب عوامه صغيره قيمتها خمسه ريال وتقصها بالنص وتحطها في قاعدة المسدس وأغلب الشباب أشوفهم يسوو الطريقه هذي..
-ممكن تخيط قطعة لستك سياره تكون سميكه في البدله من الداخل في المكان الي ترغب شد المسدس عليه..
-كمان ممكن تستخدم زنوبه (أعزك الله والسامعين) تخيطها في البدله من الداخل بوضع قطعة من القماش فوقها وهذي مجربه وفعاله جداً..

أتمنى إني أفدتك أخوي هنتر ..

تحيتي..

[accentkool]

ماشاء الله الاخوان ماقصرووووووووووووو افادووووووووووووووك

[ابو عمار الحربي]

لا تحاول اتشد المسدس الاوانت لابس قفاز ويكون القفاز من الجلد القوي حتى لو انفك الربل اثناء شدك له ما يسبب لك اصابه في اصابعك حاول انك اتشد اربل وتخليه فتره طويله شوي عشان يخف ركب قاعدت المسدس بين الفخذ والبطن واثني جسمك وشد بسرعه شده قويه وهذي المشكله لانك مستجد راح تنتهي معاك مع الوقت ووحاول تتعلم من نفسك اكثر لان المساله بسيطه وزي ماقلتلك هيه مسألت وقت وراح تتغلب علي مشاكلك كلها