كمبرسور مكيف الباترول 2003

[قرم العيال]

بسم الله الرحمن الرحيم

مساكم / صبحكم الله بالخير

يا اخوان عندي باترول 2003 فتك الكمبرسور .. فجاء توقف عن العمل

وهذي السالفه

كان شغال من احسن ما يكون .. يوم طفيت الموتر ونزلت إلا صوت من الكبوت من الجهه اليسار تقول الكفر اليسار به مسمار ..

المهم افتح الكبوت واثره الكمبرسور ضارب .. وينسم بشكل قوي وصوت مسموع ومره وحده وخلال 13 دقيقه تقريبا بح .. كله خلاص

المهم هو سبق وفضى ولكن كان بشكل تدريجي مريت به احد الورش فحص الليات يقول كل شي به سليم .. خل نعبي فريون .. وفعلا عبيت فريون وقعد يومين وصارت السالفه الي قلت ..

المهم رحت لفني اخر بعد حدوث المشكله .

يقول لي نسم فجأه بشكل سريع هذا عندك البلف ضارب ..

قلت ليش !! ضرب . قال يا انه الفريون صيني او الفريون فيه زياده !! :eek:


المهم وهذي الأسئله ..

هل فعلا الخلل من البلف , او وشلون رمع انه من البلف

ليش الكمبرسور تعطل فجأه !! هل كلامه صحيح << ؟؟؟؟؟؟؟؟؟؟؟؟ الفني الاول لانه يحلف لي انه الفريون اصلي ..

الثاني او الحل على كلام الفني الثاني

انه يا اغير لك البلف بـ بلف من الشليح لانه ما يجي قطعه غيار (( يقول رح جب كمبرسور ضارب بس بلفه سليم ))

او يقول رااح ألغي البلف نهائي وبه يعيش سنوات او ايام

البلف هذا وشي فائدت !! ما فهمت عليه يقول يسكر يفتح !!

وهل الغاؤه يظر !!


او مالي إلا كمبرسور جديد !!

اصلي عند الوكاله بـ 3800 قبل الخصم

او اصلي عند الموزع علما انه شك يقول المكينه 4800 ولا 4500 ويقول بـ 2450

او ياباني بـ 1750



مشووورتكم


تم التعديل بواسطة المشرف سوبر VTC

[ساري 111]

والله بعذره جنا حر مااذكر شفناه ..

دور بالتشليح اغديك تلقى حق موتر موديل جديد

[سوبر VTC]

هل مريت ورشة الحسون بصناعية الرواف ؟
هندي اسمه احمد

[بو خليفه]

كلهم حرامية ولاحد طاح على الحل وكل كهربائي يقول الثاني تجاري وخطأ وشغله سلب المال المكيف لا علاج له تتعب معه حتى تبيع السيارة انا بعت سيارة بسبب مكيف

[Rajah]

كلهم حرامية ولاحد طاح على الحل وكل كهربائي يقول الثاني تجاري وخطأ وشغله سلب المال المكيف لا علاج له تتعب معه حتى تبيع السيارة انا بعت سيارة بسبب مكيف
-ايه والله صادق في هذي حتى انا بعت سيارتي الاولى بسبب المكيف خسرني لين بعت السياه وافتكيت

[قرم العيال]

والله بعذره جنا حر مااذكر شفناه ..

دور بالتشليح اغديك تلقى حق موتر موديل جديد

والله انه حرورة يالغالي عسى الله يرحمنا .. لغدين ادور بالتشليح

او ما دامه خاربه خاربه الغي هالبلف الي مدري وشي فايدته وصلحه مع الفريون بحول 250 ريال

[قرم العيال]

هل مريت ورشة الحسون بصناعية الرواف ؟
هندي اسمه احمد

لا تلومن يا مشرفنا على الكلام بعذري طبخ وبدون مكيف !!

وهالورشه ما مريته ما نب حوله

لكن مريت واحد ثالث يقول اكيد انه البلف وقالي نفس الكلام يا اصلاح او جديد

[قرم العيال]

كلهم حرامية ولاحد طاح على الحل وكل كهربائي يقول الثاني تجاري وخطأ وشغله سلب المال المكيف لا علاج له تتعب معه حتى تبيع السيارة انا بعت سيارة بسبب مكيف

يا ابو خليفه عز الله ان بعضهم ما يعطيك الصدق !!

والموتر ما الظاهر ابي ابيعه عشان المكيف اقله كمبروسر تشليح ولا ياباني

[قرم العيال]

-ايه والله صادق في هذي حتى انا بعت سيارتي الاولى بسبب المكيف خسرني لين بعت السياه وافتكيت

الله لا يخسرنا ..

[سوبر VTC]

لا تلومن يا مشرفنا على الكلام بعذري طبخ وبدون مكيف !!

وهالورشه ما مريته ما نب حوله

لكن مريت واحد ثالث يقول اكيد انه البلف وقالي نفس الكلام يا اصلاح او جديد

اعانك الله اخوي قرم
لقيت حل ؟
الافضل عندك الحسون
او العثيم
و بعدهم المقيطيب او السيف

موفق

[قرم العيال]

الحمد لله يا اخوان

طحت لي بواحد فاهم ..

قال خل الموتر عندي ليله .. وادق عليك

والحمد لله .. دق علي وقال عندك البلف (( يسميه الابره )) هذا فيدته إذا زاد الفريون يصرف معه المهم يقول هذي طايحه عندك عشان كذا فرغ الفريون بسرعه ..

المهم يقول هذي دايم الغيه بالامريكي تطيح مثلك والحمه

لكن الحمد لله حصل وحده حقت جمس وركبه يقول ..وعبى فريون والحمد لله زي الحلاوه

لكن الطامه الكبرى !! يقول عندك كلتشات مدري فحمات المكبروسر مطرفات بالحيل يعني زين يكمل معك هالصيف

[سوبر VTC]

ياليت تنزل صورة للبلف ان امكن

الكمبرسور بداخله بساتم تضغط الفريون
اذا كانت ضعيفة مايبرد المكيف 100% يعني ما يثلج
اما البكرة اللي راكب عليه السير فهذه تسمى كلتش الكمبرسور
مثل الدزق و الكلتش للقير العادي
اذا تاكلت مثل فحمات الفرامل اذا خلصت يبدا مايشبك الكمبرسور
يغير الكلتش اذا كان يتغير او يصلح بالمخرطة او يغير الكمبرسور مع البكرة بالكامل