الفزعه ياهل التصاريح افيدونا في هالمشكله

[hhahh]

السلام عليكم ورحمة الله وبركاته

الفزعه ياشباب مكشات

حصل لي واني اشتريت خرازه موديل 96 نضيفه مصرحه ورحنا مع صاحبها وتنازل عنها لي واعطوني الشرطه تصريح مؤقت وقالوا لي في خلال ثلاثة شهور يكون تصريحك جاهز وبعد ثلاثة شهور اتصلوا علي الشرطه وقالوا تعال قلت اكيد التصريح وصل
يوم جيت قالوا جيب صاحب السلاح علشان عليه سوابق جنائيه علشان يروح للجنائيه يبصم التصريح رفضوا ينقلونه
اتصلنا في صحبنا وجواله مفصول وحولنا نتصوصل له الحمدالله وصلنا الا وانه طريح الفراش مريض مع رعشه في جسمه مايقدر يمشي هو شخص كبير في السن

الحين وش الحل هم قالوا عندك ثلاثة خيارات
1- انك ترجع السلاح لصاحبه
2- ترج السلاح لنا
3- تجيبه الجنائيه يبصم
الحين وش الحل في هالمشكله
نبغى مشورتكم الله يعافيكم

[ابونايف2010]

الله يعينك
هذا طبع الدوائر الحكومية عندنا يشغلونك معقب
طيب اذا الشخص مطلوب ليش ماتروحون تمسكونه انتم
ليش اروح انا امسك لكم الرجال
بصراحة مر علي تقريباً نفس الموقف بس في سيارة شريتها وطلع الرجال مطلوب من الادله الجنائية
ونفس الشي قالوا لي جب الرجال ولا رجع له السيارة
الرجال اخذ الدراهم وطار مدري وين ارضة وفي الاخير رحت للادلة الجنائية وبعد شيل وحط رفعوا الايقاف
عن السيارة ونقلتها بعد شهرين مطامر وواسطات
انا اشوف انك تمر الادلة الجنائية واشرح لهم الوضع عل وعسى
وياليت تحرك (و)

[فهد العرجان]

اذا الرجال مارضي يروح معك اخذ دراهمك وانطل البندق في وجهه

ويادار مادخلك شر

[عشقي الصحاري]

الحل برايي انك تسلم امرك للرحمن
وفك نفسك من وجع الراس
الا اذا كان عندك فيتامين [ و]
هاذا شي ثاني ولا تتردد
توكل على الله واستخدم الفيتامين
وتقبل مروري وتحياتي لك
اخوك
[ عشقي الصحاري ]

[مصفق القمري]

الله يعينك والله مصيبه

[القناص ag]

وعليكم السلام ورحمه الله وبركاته
اخوي hhahh مثل ما قال اخوي هتلر ويادار ما دخلك شر وفك عمرك وبلا وجع راس
وتقبل مرور اخوك = ( القناص ag )

[عزيز القصيم]

الحل برايي انك تسلم امرك للرحمن
وفك نفسك من وجع الراس
الا اذا كان عندك فيتامين [ و]
هاذا شي ثاني ولا تتردد
توكل على الله واستخدم الفيتامين
وتقبل مروري وتحياتي لك
اخوك
[ عشقي الصحاري ]

عزالله انك ماكذبة مدام عندك فيتامين (و) تبي تسنع امورك واذا ماعندك خذ دراهمك ورجع السلاح واسلم تسلم الخرازه بكل مكان

[راعي الشبب511]

والله صادقين الأخوان فك نفسك من وجع الراس
وانشاء الله يقوم الرجال بالسلامه

[فرخ قطا]

فك نفسك الخرازه بكل محل اهم شي راحة البال

[ابو مقعد511]

اذا الرجال مارضي يروح معك اخذ دراهمك وانطل البندق في وجهه

ويادار مادخلك شر

كلام 100/100 :good2::good2::good2:............ ويا كثر الخرازات .......

[سم الحباره]

نصيحه رد الخرازه

[سوبر جابري]

رجع الخرازه له وخذ دراهمك
انا اشوفه افضل حل واريح من وجع الراس

[ARABIANHUNTER]

اخوي امسح رقم البندق وحط لها رقم جديد ورح صرحها كأنك جايبها اول مره يمكن هذا يكون افضل حل والله يعينك

[نواف الرس]

الله يعينك

[سعودأبوفهد]

طيب الحين بعض الشرطه اذا وقفوك عند نقطة تفتيش اخذوا البندق ولو كانت مصرحه لييه ؟

[بواردي الدبدبه]

اخوي امسح رقم البندق وحط لها رقم جديد ورح صرحها كأنك جايبها اول مره يمكن هذا يكون افضل حل والله يعينك


لالالالالالالالالالا
:mad::mad::mad::mad::mad::mad::mad::mad::mad::mad: :mad:
يا اخوي
هاذي فيها سجن وعقوبه
وغرامه
لو يكون الرقم الي كتبته عند واحد
صرح بندقه
يجرونك وجرون راعي الرقم
فهمت اخوي واخواني لاحد يفكر
يسويهاااااااااا

وبخصوص الخرازهـ
عطه خرازنه وخذ فلوسك
ورتااح من وجع الرااس
والله ماكثر الخرازات

[أبوسليمان ss]

امسح الارقام ودق رقم جديد

[تحتمس]

الحل الافضل والانجع ..انك ترجع السلاح لصاحبه .. رجع السلاح لصاحبة وابعد عن المشاكل.. الله لا يجيب مشاكل للمسلمين ... ريح رااااسك ... ريح راااسك... انحش.. انحش عن المشاكل.. وانشالله الله بيرزقك احسن منه .. هذااااااااا رأيي

[hhahh]

يعطيكم العافيه وشكرا على المرور وكثر الله من امثالكم مانستغني عن مشورتكم

[الصارم1]

واذا الرجال ما رضى يرجع الخرازه ولا يعطيني فلوسه وش يسوي

[hhahh]

واذا الرجال ما رضى يرجع الخرازه ولا يعطيني فلوسه وش يسوي

هذا الي صاير لاراضي يابصم ولا راضي يعطيني فلوسي يقول خلاص جيب السلاح فلوس الحين ماعندي لما يتوفر معي شيء
ولو رجعت السلاح راح يبيعه مره ثانيه

الله يخارجنا بس

[أبوفرحان]

رجع البندق لصاحبه وخل يعطيك فلووسك