شيروا علي يالربع

[م ل و 567]

السلام عليكم ورحمه الله وبركاته..

انا ناوي على جهاز قارمن ان شاء الله ومحتار بين c276 وبين النوفي بس الاول غالي شوي وسمعت ان افضل انواع النوفي 780و 1410 وانا ابغى الجهاز للمدن وللبر ,, وهل النوفي يطلع لي الفياض والشعبان والدحول مثل دقه ال c276 او لا . الله لايهينكم

[حمدالدوسري]

عليكم السلام اخوي انا عندي النوفي 1310 ولله ممتاز حجمه زين وسعره زين

[م ل و 567]

اخوي حمد يعطيك العافيه وماقصرت..

الاخوان الباقين وينهم 34 مشاهده ولاواحد رد!!!

وين خبراء مكشاات

[القنـاص2008]

طال عمرك تبي للمدن والبر معليش اضغط على نفسك واشتر 276سي لانة جد ثقة وممتاز وللمعلومية ترى برنامجة للبرمجة يختلف عن البقية يعني منفرد بحالة خاصة
ان شاءالله اني افدتك
تحياتي لك

[العشة]

شوف انا عندي قارمن 276

وعندي نوفي

اذا انت راعي بر وصمان ومناظق تبي دقة ولا هيب على خطوط

لاتشري الا 276

اذا انت لا تبي مدن وخرايط كثيرة تغطي كل دول الخليج والاردن ولبنان وتقدر تنزل عليها خرايط واجد

عليك بالنوفي

وتبي نصيحة خذ نوفي

[BEN SADEQ]

مالك الا تطلب من المواقع اللي على النت

اطلب لك 276 معاد تصنيعه تراه رخيص على المواقع

اما الجديد فسعره وسط

[م ل و 567]

BEN SADEQ (http://www.mekshat.com/vb/member.php?u=134748) & العشة & BSSAM888 (http://www.mekshat.com/vb/member.php?u=68622)
يعطيكم العافيه وماقصرتوا .. طيب هل النوفي يبيض الوجه فالبر؟؟

لان طلعاتي للبر قليله مره ومدري وش اشتري نوفي ولا c 276 وانا ابغى الجهاز للبر وللمدن ايضا ,, وياليت تعلمونا وش افضل انواع النوفي .. مايهمني المميزات مثل البلوتوث وmp3 وغيره ,ابي شي يدلني ويرجعني وتكون الشاشه كبيره وبس.

معليش كثرت الاسئله بس تحملوني :)

[ابو عمر النوح]

حياك الله أخوي م ل و 567

إن كانك حريص على الشاشة الكبيرة خذ لك نوفي 1410 و سعره مع الخرائط 1200 ريال تقريبا

النوفي 205 سعره 700 ـ 800 ريال تقريبا . مع الخرائط
و النوفي 1310 نفس ميزات 1410 و لكن الشاشة أصغر سعره 800 ـ 900 ريال تقريبا . مع الخرائط
وجهاز جديد رقمه أظن 3760 سعره 1700 ريال مع الخرائط . شاشته عالية الوضوح lcd و التصفح فيه سريع جدا و الذاكرة 4 قيقا ولكن صاحب المحل يقول كل المشاكل في الأجهزة السابقة تفادوها في هذا الجهاز
و كل الأجهزة السابقة يركب عليها خرائط دول الخليج كلها مع السعودية طبعا و الأردن و لبنان و مصر و المغرب و كذلك خريطة الصحراء السعودية .
و ممكن تدخل خيمة بيع و شراء أجهزة الملاحة و تشتري مستعمل تلقى شيء نظيف إن شاء الله .
أسأل الله أن يوفقك بجهاز يملا عينك و تستفيد منه كل الفائدة .
أرجو إني أفدتك و آسف على الإطالة

[ms662]

اخوي غير 276سي لاتاخذ وان كان سعره جديد غالي عليك خذ لك مستعمل مع انه مهوب بعيد عن الجديد واحرص ان الذاكرة الي معه تكون مختومه بختم الصحراء لان تحديث الخرائط عندهم مجاني مهوب مثل غيره بمئات الريالات

وبالنسبه للمدن تقدر تشتري ذاكره ثانية معك وتحط فيها المدن الي تبي وتكون كسبت الجهتين اما النوفي اخوي انا جربت 780 ممتاز وعملي لكن عيبه ان مافيه ميزة رسم مسارك في البر الي في 276سي لانه مايرسم الا مسار واحد بس يعني لو بغيت تروح لاكثر من موقع في كشتتك وتبيه يرسم المسار عشان ترجع معه لازم تمسح الي موجود عندك او فيه حل لكنه متعب انك تخليه شغال اول ماتدخل البر وتحط نقاط يعني فرقت للصمان من المفرق الغربي تشغله وتسمي النقطه ثم تمشي واذا وصلت لفيضة تسميها في المسار ثم تكمل طريقك لمكانك الثاني واذا وصلت له تسمية والقصد من الطريقة هذي انك تعرف ترجع لمكان انت مريته قبل
قد اكون ماوصلت الفكرة صح لاكن اذا حبيت اوضح زيادة ابشر
معلومه/النوفي رجال في المدنية جدا جدا جدا
والراي لك