الفرارات البرازيليه ومشكلتها الغير منتهيه (( أصحاب الجيوب فزعتكم ))

[عبدالله العواجي]

السلام عليكم ورحمة الله وبركاته


المشكله الي جننتن وفجرت فيوزات المخ عندي هالفرار الضعيف جدا ..
http://www.mekshat.com/pix/upload/images/999.gif


أركبه جديد .. فتره ويبدا يخرج الشحم وبعد السؤال قالو لازم يخرج الزائد من الشحم وقلنا ماشي ..


وبعدين تاخذ ممكن من4 إلى 6 شهور وتسمع طقطقه بالفرار ..


إلى الحين شغال لكن الطقطقه هذي إنذار بالخراب ..


ممكن أسبوع أو أكثر بقليل و ينتهي ..


والمشكله إذا كنت طالع وبعيد عن الديره ولا حولك أحد وفصل الدبل عليك ..


فنبي منكم هل فيه طريقه بالتركيب تخلي هالفرار يعيش ..


أو وش البديل من الفرارات ذكر لي أحد الأخوان الـ ( وارن ) الأمريكي بس ماحصلته بكل مكان ..


والفرار التماتيك الشد بلد هل يعيش أو نفس مشكلة الحبيب هذا ..


تحياتي .. أبو سليـمان ..

[بارق تميم1]

اول مرهـ اسمع بالمشكله هذي
انا مركبها على موتري شاص 2006 من مدت سنه ونص تقريبا وماشتكيت منها الحمدالله
مع العلم انها نفس الي عندك برازيلي (بس لونه فضي)
مركبه عند السليماني بالرياض

لكن إن شاء الله يفيدونك الشباب إذا كان مرت عليهم

[عبدالله العواجي]

بارق تميم 1

شاكر لك ردك السريع على الموضوع ..

لكن السياره للمعلومية باترول ..

والشي الثاني هذا ممكن رابع طقم أغيره ومليت الصراحه منهن ..

والنوع الأسود وليس الفضي ..

واخيرا شكرا لمرورك ..

[عارف الشمري]

انا مركب فضي ولا اشتكيت منه ركب فضي

[BLAZER91]

والله غريبه انا لي 7 شهور ودايم اطلع بر وخطوط ولا صار فيه اي مشكله ماشاء الله
بس النوع الفضي بس الشحم يطلع شي خفيف مع السفر
ومعروف ان الوارن افضل بس انا موتري جيب ثلث وما جاء له الا البرازيلي مثل الربع والشاص
ولا لو احصل وارن على طول اركبه من غير مااشاور

[ابوطاقية]

مشكلة التجارى ضعيف وبعد مده يبدا يفرط مايمسك الترس
انصحك بحقات الشاص الاصليه تحصلها عند ابوجميل وسعرها من 800 الى 900 تقريبا واسمها AISIN
وبعدها يجي وارن ولونها ذهبي وكانت موجوده عند السليماني وقيمتها تقريبا 400 ريال
http://i.ebayimg.com/14/!BvdEC7w!2k~$(KGrHqJ,!jIEv1+z4OPmBMEo-EKYNw~~_3.JPG

[abo-lma]

السلام عليكم ورحمه الله


أنا مركب الفرارات البرازيلية Avm

والنوع النيكل الفضيات بالعربي

ويالله لك الحمد لامشاكل ولاهم يحزنون

واحد من الزملاء مركبهن على لاندكروزر 97 لها حول سنتين وتزيد وماشالله تبارك الرحمن

ركب الفضي منهن وجرب وان شالله تزبط معك


موفق خير

[الجاعد2005]

وعليكم السلام ورحمته الله وبركاتة
اخوي يمكن مشكلة بالمسامير ان كانك مركب اللي تجي معها شلها وحط حقات البلد
وانا مركب السود من سنة وقبلها الموتر الاول سنتين
واحد من العيال من يوم شري الموتر 2006 وهي علية ما شكى منها
ومركبين السود

[عبدالله العواجي]

حياكم الله أخواني الأعضاء .. وشاكر لكم على روح التعاون ..


الفرار الفضي سيتم تجربته .. والفرار الأسود كما ذكر أحد الأخوان فهو يعتمد على الحض وذلك حال


كل الصناعات الرخيصه يعني من عشر اشخاص واحد مايواجه مشاكل وهذ من واقع تجربه ..


لكن الأشخاص الي قليله طلعاتهم يمشي حاله لكن مع الروحة والجيه التروس الداخليه تتكسر ..


ومن أهم الأسباب لخرابه وأنا أعتبرها عيب من الصناعه وردائه أيضا عندما تضعه على نقطة العمل وتقوم بسحب سياره أو الدوس بلأول للخروج من الغراز يقوب بالغلق لجها واحده من نفسه وذلك ضعف في الفرار ومن ثم نفرط على طول والله يعينك على تغيير الجهه الخربانه..


وعندي سؤال للأخ أبو طاقيه .. هل النوع هذا يركب على الباترول ..


على حد علمي أنه موجود لتايوتا فقط وليس للباترول لأختلاف العكس وحجم الرمان أيضا ..