جنوط هلل بكفراتها نظيفه (((هدد)))

[؟؟؟شادي نجد؟؟]

السلام عليكم ورحمة الله وبركاته

يوجد عندي جنوط هلل عدد 5 مع كفراتها

الجنوط تجاري ولا رشت ابد ولا بها رجه

الكفرات دنلوب نقشة شاهين تاريخ 2009 مقاس 16 الاسبر جديييييييد لم يستخدم ابدا

البيع لها كامله بكفراتها وجنوطها

لا ارغب بالبدل

الرجاء الاتصال على الجوال للجادين : 0566663480

[ستة خليجي]

كم مسمار؟؟
وياليت بعض الصور
وكم وصل السوم

[؟؟؟شادي نجد؟؟]

5 مسامير

والصور بنزلها قريب ان شاء الله

وعلى السوم

[؟؟؟شادي نجد؟؟]

السوم وصل 1700 ريال

[؟؟؟شادي نجد؟؟]

1800 ريال وصل السوم عن طريق اتصال

[ابن عكاش]

انا اسوم الكفرات لحالها بـ1150ريال وش قلت وجوالي عندك وتراي زدت على سومتي اللي قبل

[؟؟؟شادي نجد؟؟]

الله يرزقك اخوي السوم كامل وصل 1800 ريال والكفرات لحالها وصلت 1400 ريال من احد الاعضاء عن طريق الجوال

ولا تنسى ان عدد الجنوط والكفرات 5 كفرات بجنوطها مو 4

وانا حديتها عليك اذا ناسبك حياك الله

واليوم اتصل بي واحد يبي يشوف الكفرات وبيني وينه تفاوض

اتصل اذا ناسبك بالحد اللي قلته لك والحد غير قابل للتفاوض

للاستفسار 0566663480

يفضل البيع للجنوط بالكفرات كامل

[جابر العيش]

الله يعطيك العافية

[ابن عكاش]

الله يرزقك ياخي ترى انتاجها 2009 يعني لها سنه والجديد سعره قلته لك انا عند سومتي ولاهيب رادتني 600او700ريال عن الجديد

[؟؟؟شادي نجد؟؟]

الله يرزقك بالاطيب بس سومتك فرقت عن سومة غيرك والكفرات نظيفه ومدة استخدامها 3 أشهر يعني ولا يعتبر شي ابد

[الهدد1111]

اخوي شادي نجد كم حدك بالكفرات الخمس؟؟؟؟

[؟؟؟شادي نجد؟؟]

تم ارسال رسالة على الخاص

[ابن عكاش]

الله يرزقنا واياك

[؟؟؟شادي نجد؟؟]

جزاك الله ألف خير

[؟؟؟شادي نجد؟؟]

لا اله الله الله وحده لا شريك له

[خالد ...]

ما شاء الله

بأنتظار الصور ولا عليك امر

[ابن عكاش]

وش صار على الرجال اللي بيشوف الكفرات الله يرزقك بس ترى بعض الناس يسوم وإذا جت الصمله هون
تراي عند سومتي

[؟؟؟شادي نجد؟؟]

الرجال موجود ويحاول بالسومه اللي سامها واقرب اتصال له امس

ولو حسبتها بتطلع لك الكفر الواحد بـ 300 ريال

واللا الجديد على قولك بيطلع لك بــ 2225 ريال

يعني بتوفر 725 ريال وهي مو سهله

يعني مناسب لي ولك

انت شاور نفسك ورزقي ورزقك على الله

[ابن عكاش]

تراك ماحسبت قيمة التركيب والترصيص بعدين الكفرات الجديدة على اسمها جديدة يعني مافيها اي عيب وانت تقول فيه رقعه بأحد الفرات ولا تنسى لها سنه من إنتاجها على العموم بـ1200 مع المعاينه وان كان احد زاد على تراي اسحب سومتي
ولاهنت يالغالي

[؟؟؟شادي نجد؟؟]

الله يرزقك وسوم الكفرات لحالها وصل 1400 ريال حاليا وصامل الرجال اللي سامها وشافها قبل لا يسوم

اذا ناسبك او ناسبه بالحد اللي قلته لك حياك وحياه الله

وانا ماني مجبور ابيعها بأقل من السعر اللي تستاهله واللا جلستها عندي ما تظر

[ابن عكاش]

ياخي خلك منطقي اربع كفرات جدد مع التركيب والترصيص بـ1740 ريال سعر الواحد435ريال يعني بتقول لي الخامس الأسبير بقول لك الأسبير اي كفر نفس الشكل مستعمل يسد اللزوم قل بـ150 صار المجموع 1890ريال وانا وصلت كفراتك وهي مستعمله بـ1200 مع التركيب والترصيص قلـ1250 كم الفرق الفرق 640ريال والله اني مابخست كفراتك بس المعقول معقول وانا اخوك وانت حر في حلالك بس بعض الناس يطير الشي ثم يتحسف مايلقى احد يشري منه وان كان احد وصلهن 1400 مهيب رادتك 100 ريال عشان تبيعها لكن المشكلة بعض الناس يسوم وإذا جاء الجد انسحب
اتمنى انك ماتزعل من كلامي وتقبل وجهة نظري والله يرزقنا واياك

[؟؟؟شادي نجد؟؟]

تم البيع والله يرزق الشاري

اخو ابو عكاش:
لك الود والاحترام وعلى قولتك انت ان سعر الاربع هو اللي قست عليه السعر بس انت تطلب الطقم كامل ما تطلب الاربع لو كان الاربع كان ممكن نتفاوض فيها بالسعر اللي تقوله انت بس الله يرزق اللي اشتراها ويعطيك خيرها ويكفيه شرها

والله يوفق الجميع الى ما يحبه الله ويرضاه

[ابن عكاش]

آمين واياك