تسجيل الدخول

مشاهدة النسخة كاملة : راعي النظر يقدر قيمته


نمرود
15/06/2005, 10:42 AM
الى الأخوه الصقاقير انا بعطيكم وصوف طير ونتم قدرو قيمته بكل أمانه وللمعلوميه الطير اصيل بعيد عن امور التهجين او التفريخ ولاتوجد صوره لطير (ودي اعرف الصقار اللي بيعطي الطير قيمته الصحيحه او الأقرب) الطير ثنو ينقل ثالث - حمر مغاتير وصافي من اي دق مطلق عمد راسه من ابدنه طوله 17 وعرضه 17.5.جوهر وجه وعين وقحوف يحبها الصقار البخيص والطير كل مافيه وافي راس- ارضيه-منسر وعليه روز وثندوه ما شاء الله تبارك الله وتحري بطيار القوي.صيده ثبت في الحبارى .اتمنى اني اوفيت لكم في الوصف والمعذره عن الصوره .
اعناد
15/06/2005, 12:50 PM
السلام عليكم ورحمة الله وبركاته

والله ياخوي نمرود من وجهه نظري كل صقار له مواري في اطير

ولل مواري الي قلتها كلها طيبه ماشاء الله (ونتمنى صوره لطير)
أخو المري
15/06/2005, 01:47 PM
نمرود

السلام عيلكم

طيب الطير باقي شئ معه من الريش

وحاول تطلع الصورة


بإنتظارك
إنشاء الله


تحياتي
المري
15/06/2005, 06:32 PM
سبحان الله اخوي نمرود

دائما الحمر المغاتير يجيك جرمه صغير يعنى من الستعش ونص وان زاد 17 انت تقول عرضه 17 ونص هذا والله الدواء

أخي نمرود الطير هذا له قيمته الطيبه يعنى ماعليه كلام لحوق يعنى صيده عادي اعطيه من 18 وفيها

والله يرزق راعيه...

وسلامتك

اخوك / المري
نمرود
18/06/2005, 08:34 AM
الله يعطيكم العافيه أعناد-أخو المري-المري-كسار-ومشكورين على المرور ونشهد انك يا مري عطيته حقه الصحيح وماشاء الله عليك والظاهر انك حاظر البيعه!
ابونهار
19/06/2005, 03:48 PM
هل الطير هديتوه مقاضب على حمام او لا اهم شي سبق الطير وا مهدود على حباري سلم ولا مطروحه