عندى مشكله فى مكيف اليوكن

[knet120]

البارحه جت أمطار شديدة نوعاً ما
وطلعت باليوكن في المطر وبعدين جت مشكله فى مكيف السيارة المكيف الامامي مايشتغل المكيف الخلفى شغال تمام
رحت عند كهربائ وفتح اللى تحت الدرج طلع فيه مويه وقال يمكن من المطر والا لي الثلاجة مو موصل زين عموما يمكن عندك مدري قالى اسمه ترنس والا ترمسات قيمته تقريبا 300 الى 350 يمكن من المويه اللى جته احترق ويمكن فيوز بس انا الحين مشغول فى سيارة ثانيه تعال السبت

مممكن المساعدة فى أحتمالات العطل . وكيف امنع مويه الامطار من الدخول الى هذا المكان لانه ممكن تجي أمطار فى اي وقت يعني معاد اطلع من البيت خوفاً من تكرار المشكله

[knet120]

للرفع للرفع

[knet120]

للرفع لللرفع

[knet120]

للرفع للرفع

[selfless]

المكيف مايشتغل يعني مافي هواء؟؟
او فيه هواء بس ماهو بارد؟؟

انا كان عندي ضعف في المكيف الامامي وصوت بالمروحه على رقم 3

مريت ورشة مكيفات قال الثلاجه تحتاج تنظيف
نظفها ونظف المروحه وزاد شوية فريون وصار تمام
بس اليوم خرب:mad: شكل جته عين
ان شاء الله فيوز

بالنسبه للماء المكيف فيه درين من تحت يفرغ الماء يمكن مسكر وتجمع الما داخل
المكيف ماعتقد من المطر خله ينظف مجرى تفريغ الماء
اما الثرموستات هذي شغلتها ضبط البروده

الله يعين على هالسيارات

[knet120]

المكيف ما يشتغل ما فيه هواء الامامى بس ولكن الخلفي شغال

[ابو شراع 2]

يعطيك الف عافيه

[مدري علامي]

تلقى المواسير مسدوده خله يسوي لها نفخ وان شاء الله تظبط دام على قولتك ان المكيف الخلفي تمام
وفي اعطال السياره خذ من الاحتمال الاقل تكلفه اذا منت متاكد من المشكله

هذا اللي اقدر افيدك فيه وسلامتك

[بو خليفه]

يفضل عدم زيادة الفريون لان المكيف لن يكون برودة مثل المصنع

اتوقع تحتاج تنظيف الثلاجة بالهواء و فتح ماصورة الماء التي تنزل الماء اتوقع انها مسدودة بسبب الاتربة وغيره

[knet120]

شكراً جزيلاً على الرد
بس سؤالي ما فيه أحد جته هذى المشكله من أول
وبعدين أذا جاء مويه على المروحه وش اللى يحترق فيوز والا شي ثاني
عشان اذا رحت ورشة بكره يكون عندي معلومه ومنها أعرف الكهربائي عنده علم والا من جماعة حج ولم يعود

[م.عمر]

هذا اخوي عنده باترول 2002 وجته نفس المشكلة ..

وحلها بتغيير قطعتين .. الاولى زي ما قالك الكهربائي الثرمستات
الثانية مروحة المكيف اللي تجي ورا الدرج ..

فنصيحتي غير الثرمستات وجرب .. بس تأكد ان المروحة تشتغل لانها تبرد على الثرمستات فاذا ما اشتغلت
يمكن تحترق الثرمستات مره ثانيه ..

الله يعيينك ..

[سوبر VTC]

موقعك يدلونك الربع على ورشة ثقة ؟

[knet120]

رايح بكره عند كهربائي تركي

[سوبر VTC]

دور لك على كهربائي هندي افضل لك و ثقة

[بو خليفه]

دور على كهربائي هندي

اما الفلسطيني والسوري واللبناني والباكستاني والمصري بيسلب اموالك ولا عند شئ

[knet120]

ابشركم احتلت المشكله طلع فعلاً دخل مويه من المطر وفيه جهاز يركب خارج الثلاجة جاء الماء عليه احترق لان المكيف كان شغال وشكل المويه دخلت مع فتحه خروج الماء من الثلاجة وقيمته من الوكاله 300 ريال ولما اشتريت القطع قلى البائع انت ثالث واحد يشتري هذى القطعه ( هي قطعه سوداء تركب فى الجرم اللى يغطي الثلاجه ناسي اسمها لانى أخذت القطعه ورحت الوكاله )

[سوبر VTC]

الحمدلله

ياليت تنزل صورة للفائدة
كان ودك

موفق

[فارس7]

انا مشكلتي مع المكيف عكسك تماما
المكيف الأمامي شغال ميةمية ،بس الخلفي توقف فجأة صار مايطلع هواء غيرت الترموستات والكتاوتات اللي الخلف عند المروحة وماصار شي للحين مايشتغل . يالربع أدلو بدلوكم في حل المشكلة مع الحر الشديد