تفتفه في الباترول

[صالح فهد]

ارحبو / الف الف شكر والله يجزاك خير لحرصكم على مساعدة اخوانك

انا موتري سوبر سفاري 99 ومشكلته انه اذا ارتفعت حرارتة وانا مثلا ماسك خط وبعدة وقفت السيارة تبداء المكينه تقطع مثل تقطيع لو كان البانزين مخلص ونفس الكلام اذا صرت موقف السيارة فترة طويلة والسيارة شغالة والمكيف شغال(( خاصة بالصيف)) تبدا السيارة تقطع واذا فتحت غطاء البانزين طلع هواء كثير والظاهر ان معنى هذا ان المكينة معبية هواء وبعد ما افتح الغطاء وانتظر شوي تروح المشكلة
بتصورك وبخبرتك وش الحل؟؟؟؟؟؟ وانا سالت ميكانيكي سعودي وقال احتمال طرمبة البانزين تكون ضعيفة . وشكرا لك

منقول من اخوي تميم

[صالح فهد]

معقوله كل هالمشاهدات ولا فيه رد واحد

[قااحش الدخل]

اخوي صارت معي نفس الحاله تقطيع ويبدا يقطع اذا عبيت بنزين خاصه اذا كان فاضي وصارت طرنبت البنزين تشتغل بس ضغطه ضعيف
واذا تبي تفحص الطرنبه افحصه اذا كان 40 فما فوق زينه او فك لي البنزين الراجع من عند البخاخ وشغل السياره اذا يرجع بنزين قوي فان الطرنبه
زينه واذا يصب شوي شوي او مايصب فان ضغط الطرنبه ضعيف وانا انصحك تاكد من الشكمان ليصير ينفخ على التانكي ويحتمي البنزين
وتخرب الطرنبه وانصحك انا غيرت طرنبت باترول ثلاث مرات وتخرب وكلها اصليه وقيمته 480 ريال
ونصحني واحد راعي مرهمات قال ركب طرنبت بنزين حقت لكزس 8سرندل 98 99 2000 شريته من قطع غيار مستعمل حق لكزس
اخذته ب 120 ريال وركبته تركب على طول بس لازم تطول الاسلاك شوي وطلع مظبوووووووووووط زياده في العزم وراح التقطيع
وصار خفيف الموتر انصحك اسمع نصيحت اخوك مجرب

[صالح فهد]

ماقصرت اخوي قاحش وانشالله يتم التبديل للطرنبه

[aaasss]

اخوي صالح مساء الخير
انا كان لي موضوع هنا عن تفتفة في الجيب في اكس ار ماخليت كهربائي ولا كمبيوتر مافي فايدة
نصحني احد اصحاب الخيرة صاحب ورة اني اشتري علبة سائل اسمه( ميتسوبيشي) سعرها 30 ريال وافرغها في تانكي البنزين مع تعبئة نصف التانكي بنزين وامشي عليها والحمد لله انتهت التفتفة
جرب ان شاء الله تفيد معك

[سوبر VTC]

موقعك يدلونك الربع على ورشة ثقة ؟؟؟

لازم اولا تعالج ليش الموتر يحتمي ؟
سواء تسييخ اديتر او بلف تعبان او كلتش مروحة خربان
او خراطيش تنسفط مع السرعة
او طرمبة ماء مجيمة
او السير مرتخي
اذا كان الموتر يلقلق لازم توزن البلوف و الديلكو و عادة اذا كان يلقلق يحتمي الموتر

اعطال اخرى للتقطيع
بواجي
اسلاك بواجي
صفاية بنزين
شق بخرطوش القربة يلفون عليه شطرطون و يضبط


اهم شي قبل الخساير تاكد من ضغط الطرمبة
لان طرمبة البنزين للباترول م2001 الى م98 غبية جدا
و دائما تخرب
و الحل يركبون طرمبة باترول فتك :good2: ب430ريال تقريبا
و بعضهم يركب طرمبة فكسار ب530ريال تقريبا
لكن حقت الفتك ممتازة جدا


هنا جميع مواضيع الحرارة
من الاخ اسير الغضا جزاه الله خير

موضوع متكامل و رائع من العضو فني الشيروكيات :good::good::good:


1- هل تعاني من ارتفاع حرارة سيارتك هنا تجد الحل بإذن الله (http://www.mekshat.com/vb/showthread.php?t=146840) للعضوا فني شروكيات

2-حرارة السياره بهذلتني وبالنهايه اعانني الله عليها (http://www.mekshat.com/vb/showthread.php?t=161939) للعضواكبسوله2

3-اسباب ارتفاع درجة الحراره بالسياره (http://www.mekshat.com/vb/showthread.php?t=146306) للعضواشامخ الهيلا

4- نركب جرس بحيث يرن اذا وصلت الحراره للنص (http://www.mekshat.com/vb/showthread.php?t=221329) للعضوا اصيل حجازي

5- مروحة بلد مراوح كهرب حراره (http://www.mekshat.com/vb/showthread.php?t=196275) للعضوا بحر القصيد

6- كيف تتصرف اذا ارتفعت درجة حرارة محرك سيارتك (http://www.mekshat.com/vb/showthread.php?p=61351) للعضوا كاتم اللهب

7-اسباب الحراره في محرك السياره (http://www.mekshat.com/vb/showthread.php?t=4468) للعضواالمكنيكي

8-الحل الجذري لحرارة اليوكن والمكيف (http://www.mekshat.com/vb/showthread.php?t=213086) للعضوا هانتر

9- بالصور تركيب مروحة كهربائية لليوكن Yukon Denali 2004 - منتديات مكشات (http://www.mekshat.com/vb/showthread.php?t=224958)

[صالح فهد]

مشكورين وما قصرتو كلن بسمه
بس السياره تبدا تفتف مع الوقفه لمده وهي شغاله او اذا كنت ماسك خط وهديت او وقفت لو عند اشاره الموتر يتفتف تفتفه مو طبيعيه والسياره عزمها يموت واذااسرعت اسرعت مشت 20 المشكله تسويها والحراره فوق الربع تقريبا الثلت
السياره موديل 99 كل مافيها شد بلد وماشي 170 الف وكل شي فيها سليم صيخت اللديتر وغير كلتش المروحه وطرمبت المويه ممتازه والبلف جديد
كيف اقيس ظغط الطرنبه