المساعد الشخصي الرقمي

مشاهدة النسخة كاملة : اهل الفتك2002


الزمن الدوار
15/07/2010, 11:25 PM
السلام عليكم
ياجماعه فشلني الفتك كنت معزوم على زواج بعيد شوي يوم مشيت حول
20كيلو ليا مير يوم هجد كني مطفي السويك وش السالفه يالربع
يدق ولايشتغل
نجم و سما
15/07/2010, 11:27 PM
والله ما عندي خلفيه لكن يفيدونك الاخوان
الزمن الدوار
15/07/2010, 11:35 PM
نجم وسما
يعطيك العافيه
قناص خلاوي
15/07/2010, 11:52 PM
وعليكم السلام
الله العالم انه كتاوت طرمبة البنزين
تحت الدركسون شيك عليها
قناص خلاوي
15/07/2010, 11:54 PM
http://www.mekshat.com/vb/showthread.php?t=133554

http://www.mekshat.com/vb/showthread.php?t=127140

http://www.mekshat.com/vb/showthread.php?t=222706

http://www.mekshat.com/vb/showthread.php?t=142171
الزمن الدوار
15/07/2010, 11:57 PM
قناص خلاوي
الله يجزاك الجنه وجاري التشييك
لاكن ماتتوقع انها طرمبه البنزين
قناص خلاوي
16/07/2010, 12:01 AM
آمين اخوي واياك
الفتك معروف عنه خراب الكتاوت
شيك على الكتاوت ان شاء الله تكون منه ولا من الطرمبة
والروابط فيها شروحات لفك الكتاوت
فك حق الطرمبة وغيره مع اللي جنبه وشف السيارة تشتغل او لا
قبل لا تشتري كتاوت جديد .
الزمن الدوار
16/07/2010, 09:43 AM
الاجواء عندنا الله لايوريك البارح ماقدرنا نشتغل
كنت منزلها باالورشه ويوم جيت اليوم ليا مشتاق
قد طلع قصبانها حاط سلك من البطاريه لين طرمبه البنزين
وتشتغل السياره لاكن يقول الكهرباء ماتوصل مير يقول طرمبه
البنزين لازم تغير
الله يجزاك خير على الروابط ماقصرت
قناص خلاوي
16/07/2010, 01:24 PM
اجل المشكلة من الكتاوت اخوي
لا يلعب بالموتر
مادام السيارة اشتغلت بسلك مباشر
بكذا يكون ألغى الكتاوت اللي قاطع الكهرباء عن الطرمبة
قله يغير الكتاوت اول وعلمه مكانها اخوي
ترى كثير من اهل الورش يجهل اكثر مما يعرف
والله يكون بعونك
الزمن الدوار
16/07/2010, 03:10 PM
صدقت ياخوي والله لولا الله ثم انت لاروح فيها
انا يوم شفته مشفلها بالطريقه هاذي تذكرت كلامك
قلتله لاتسوي شي ولاتفك شي بصلي الجمعه واجيك
مير يوم جيت من الصلاه ليا السياره شغاله
وش صار يامشتاق قال انا نضف كتاوت غيرفيوز
بس اطرمبه ممكن واحدىشهر خراب
رحت على الموتر50 كيلو مابه الا العافيه
.................................................. .
وانا اشكرك اخوي قناص خلاوي وجزاك الله خيرو
بيض الله وجهك
قناص خلاوي
16/07/2010, 08:01 PM
العفو اخوي ماسويت شي يستاهل
والحمد لله اللي انحلت مشكلتك
الطرمبة اخوي لها علامات تدل على ضعفها
تقطيع بالموتر خصوصا في أول النمرة ... ضعف شديد بالعزم
وتقدر تشيك عليها بساعة المكيف اللي يستخدمها الكهربائي لقياس الفريون
تفك لي البنزين قبل يدخل للبخاخ وتشبكه بالساعة وتوصل لي للبخاخ من فتحة الساعة الثانية
تشغل السيارة وتدوس اذا كان ضغط الساعة من 40 وفوق الطرمبة سليمة ولا فيها الا العافية
واذا كانت بحدود 30 - 20 واقل يعني ان الطرمبة بدأت تضعف ولازم تغيرها
هالطريقة جربتها على باترول قديم 95 وبين لي ان الطرمبة قربت توقف وغيرتها والحمد لله
الزمن الدوار
17/07/2010, 10:36 AM
وفقك الله لكل خير
سوبر VTC
18/07/2010, 01:22 AM
اعانك الله

لا تشغل الموتر حتى تطفي اللمبة البرتقالية او تطفى الطرمبة

العام بالشتاء بالصمان معنى فتك م2008
الصبح ماشتغل الموتر الطرمبة اذا فتحت السويتش ماله صوت
ضربت الديكور
و فتحت السويتش و اشتغلت الطرمبة و اشتغل الموتر على طول


المشكلة مهوب من المصنع المشكلة من الأستخدام
الحل : تدق سلف همن تبي تجيك كلمه على الطبلونat Check لاتشغل لما تروك الكلمة هاذي إذا راحت شغل وقضينا
(((((((الكلام هاذا من الكتالوج))))))


اقتباس:

انا قبل اكثر من يومين كنت عند الكهربائي ابو ابراهيم العثيم و جاء باترول سفاري2 موديل 2005 و طالع
طبعا الخراب من الكتاوت
يوم نزلوه من السطحة عند الورشة قام راعيه يبي يجرب
هو يشتغل ام لا
يوم انه اشتغل الموتر :)
ثم طفاه و دق سلف و عيا يشتغل :mad:
طبعا السبب من بليتين الكتاوت نفسه مثل بليتين الددسن
الرجال سئل ابو ابراهيم
قال انا ابصلحه و باذن الله ضمان ما يخرب ابد ب50ريال
اللي انا فهمت من كلامه
انه يطلع سلك منه او انه يخلي البليتين شابك دايم
عموما مكتوب بالكتالوج اذا فتحت السويتش انتظر حتى تطفى اللمبة اللي بالطبلون يصل الكهرب مية بالمية
اذا شغلت على طول البليتين يعمل كربون اسود او مادة عازلة فيمنع توصيل الكهرب
مثل تقريبا اصابع بطارية السيارة لو تلاحظه تلقى عليه طبقة كربون او تعريق زي الاملاح
تحياتي لك
http://www.mekshat.com/vb/images/misc/progress.gif

اقتباس:
يسولف علي رجال كبير بالسن قبل شهرين و الرجال فسقان و معه باترول سوبر سفاري م2006
المهم يقول حنا كاشتين يقول يوم جينا نمشي من محلنا و اشغل الموتر و عي يشتغل يقول
و الى معنا (جذع شباب :d )
و قام على كتاوت الطرمبة و انا اصلا ما عرف مكانه يقول و يطقطق الكتاوت و يفصل و يشبكه
يوم انه اشتغل الموتر :d
***
انا اقول الموتر ما بعده موتر من حيث النشاط و الراحة و الخفة لكن يعيبه الكتاوت و هذا عيب مصنعي
***
بعض الاخوان يرى انك تفك الكتاوت و تحط عليه سليكون عشان ما يدخل غبار و همن يعلق و لا يشتغل
***
افضل حل لضمان عدم خراب الكتاوت باذن الله ان تفتح السويتش و تنتظر ثواني ثم تشغل عشان يكون الكهرب واصل مية بالمية
***
تحياتي
اقتباس:
انا سئلت اليوم كهربائي مختص بالجيوب و الباترول
مشكلة الناس ما يعرفون طريقة تشغيله قلت طيب وشلون
قال
اذا جيت تشغل افتح السويتش و انتظر ثواني ثم دق سلف قلت طيب وش يفرق
قال
كتاوت الطرمبة بداخله بليتين زي بليتين الددسن
اذا دقيت على طول يكربن مع الايام و تتكون عليه طبقة سوداء و بكذا ما يشتغل الموتر
***
انا اقترح انه يحط عليه شحم عشان ما يكربن