استفسار عن الفرووووخ

[الصارم1]

السلام عليكم ورحمة الله وبركاته

كيف الحال ياصقاقير عندي بعض الاستفسارات وابيكم تفيدوني ....اذا با خذ لي فرخ شاهين وابي اعلمه على الحباره كم يفضل طوله وعرضه.... وش افضل يكون ما كره....وكيف ا بدى اعلمه على الحبارى!!!


لا هنتوااا

[بلاك جير]

السلام عليكم
اقول ان افضل شي من فروخ الشياهين للحباره يكون الطول 15:15 واذا تبي تعلمها على الحباره
1- اذا ماشافت الحباره او ماتعرفه جوعها يوم لا تعطيها علف
2- اخذلك حباره للتعلوم وحطها تحتك وخل على ظهرا لحم وخله تعلف على ظهر الحباره
3- ضع الحباره على بعد 4 او 5 امتار وبالتدريج زيد المسافه
هذا من وجه نظري ويفيدونك الاعضاء

[@قرناص@]

وعليكم السلآم ورحمة الله وبركاته ،،

اخوي تقصد بالشاهين .. الجبلي ولا البحري ؟؟؟

الوكااد البحريه الوافيه 15*15 ،،

وعلى حسب صقارتك لها وتختلف من طير لطير ،،

لاكن لو تبدى تفك لها اطيور كبار ومع الوقت تكسر حاجز الخوف عندها ..

والله يوفقك ويرزقك الطيره الطيبه

[الصارم1]

يعطيكم العافيه يابلاك جير ويا قرناص على المشاركه

[طير الهقاوي]

وعليك السلام ورحمة الله وبركاته يا الصارم
الطيور كافتهاا تفعل وفيهاا بركه ولا اهظم حق اي موكر من مواكرهاا
لاكن اوصيك بطرح السعوديه
طبعااا بتكون الاسعار عاليه لاكن بتاخذلك شي يبري غليلك
خلك في بحر الطول والعرض 15 واكثر
ذمني بعدهاا ولا امدحني
ان الله اشاء وراد ان تدعيلي
تقبل مروري اخوك طير الهقاوي

[ابوناصر السهلي]

افادوك الاخوان

[skeet]

افدوك الاخوان الله يعطيهم العافيه

[راعي غضبان]

البحريه وروح لهلك هي الطرب لمن ان جردتت واستهدت علمها وبتونسك والله يوفققك

[ولد مساكن]

هاذا موضوع سابق لمشرفنا أبو رداد


السلام عليكم ورحمة الله وبركاته


يحصل ويمر على الصقار (طير غشيم) مايعرف الحباري او يهابها
وهذه الحاله تصير في (الوحوش والمفرخات)
وهناك عدة طرق (لكسر هذا الحاجز)
حسب نفسية الطير وهذا الشي (يقدره الصقار)
ومن هذه الطرق (تنسير الطير على ظهر الحباره)
الغايه الرئيسيه من هذه الطريقه
(هي اقناع الطير بان هذا المخلوق وراه عشا اوغدا )
لان الطير لما يشوف اللحم يروح عليه ومايحسب حساب الحباره
والحباره بنفس الوقت تقاوم وتعتقد ان الطير مستهدفها
وبعد برهه تلاحظ ان المعركه تصير بين الحباره والطير وقطة اللحم تنترك

http://www.mekshat.com/pix/upload02/images68/mk8675_t1.jpg
,,,
افضل شي علشان الطير يستوعب الفكره ويستفاد من هذه الطريقه
امسك الطير في اليد اليسار والحباره (ومربوط عليها قطعة اللحم) في اليمن
واتركه ينسر من اللحم قليل ... وبعد ذلك اعزله بالمخلاه وابرقع الطير
ثم اترك الحباره تروح (وعلى ظهرها قطعة اللحم) مسافة 5 أمتار

http://www.mekshat.com/pix/upload02/images68/mk8675_t2.jpg

افرع الطير واخليه ينسر من اللحم واعزله بنفس الطريقه
وبعد ذلك 10 امتار تقريبا واكرر نفس العمليه السابقه
وبعد ذلك ارفع قطعة اللحم عن الحباره
واخليها تبعد (بدون قطعة اللحم)

http://www.mekshat.com/pix/upload02/images68/mk8675_t3.jpg

افرع للطير واخليه يروح عليها وانا مطمئن لانه الحاجز (قد كسر)
وخليها تصير معركه متكافئه

http://www.mekshat.com/pix/upload02/images68/mk8675_t4.jpg

اذاكنت في المقناص وهددك قريب
خله يذبحها واعطيه اقل من مسح الريش
وشوفه وش يسوي على الحباره الخلويه
واذا كنت ماحول مقناص خله ياخذ راحته بالذبح والنتف والاكل
وتراه تعلم تعلوم طيب
,,,
التعلوم كان لهذا الطير

http://www.mekshat.com/pix/upload02/images68/mk8675_t5.jpg

وهذا مقطع فديو لتعلومه في المراحل الاخيره

tw.mov - 2.5 Mb (http://up5.m5zn.com/g6azhmklz329/tw.mov.html)

وهذه صور للطير بعد تعلومه
(بدع في صيده)
يعني الغشامه ماهي دليل على الفشل اذا تم معالجتها بشكل صحيح

http://www.mekshat.com/pix/upload02/images68/mk8675_t6.jpg

,,,

http://www.mekshat.com/pix/upload02/images68/mk8675_t7.jpg

,,,

http://www.mekshat.com/pix/upload02/images68/mk8675_t8.jpg

,,,
وهذي الصوره بشحمها هههههههه

http://www.mekshat.com/pix/upload02/images68/mk8675_t9.jpg

,,,

وهذا كروان على الماشي

http://www.mekshat.com/pix/upload02/images68/mk8675_t10.jpg

والسلام

[الحركساب]

افادوك الاخوان الله يعطيهم العافيه

[عبدالله 3]

ماقصرو الشباب

[الصارم1]

لاهنتوااااااا والله يعطيكم العافيه

[نواف نجد]

ماقصروا والله يعطيكم العافيه

[قنيص غير]

ماقصروا الشباب

[بحرة حوشان]

ماقصرو الاخوان
بس الي اعرفه انه تعلوم الشياهين يختلف عن الحرار
والاحسن للشياهين توريه الحبارى طيار اثناء التعلوم
والله اعلم