ربابين الدلال في الشرقية أين مكانهم

[SS1]

السلام عليكم

مساكم الله بالخير يا عضاء مكشات

والله ماعندي شي اقول اعتقد ان عنوان الموضوع وضح كل اللى في خاطر

لكن الوكاد ربابين الدلال وين القاهم في- الدمام - الخبر اللى يخبر له احد يفيدني

ويفيد الكثير من اهل المنطقة اللى في مثل وضعي



وتقبل خالص تحياتي

[الناب]

وعليكم السلام
هلا مسهلا ومسيت بالنور والسرور

حسب علمي أنه لا يوجد
ولكن في الوسم إذا برد الجو
تجدهم ينصبون خيام ويربون فيها الدلال
أماكنها غالبا في الأراضي الفاضيه

وهناك مكن رسمي كل سنه لابد يأتون إليه وهو في وسط مخطط 91

هذا ألي أقدر أفيك فيه

موفق خير
أخوك
بن فهد

[عبد السلام ضيف الله الشلاش]

بسم الله الرحمن الرحيم

يا أخي اشتر لك دلال ستانليس ستيل , انحش عن الرباب وطاريه , فمادة القصدير التي يبيض بها النحاس ضارة جداً للكبد مثلها مثل الرصاص .

عبدالسلام

[wafi4sa]

بسم الله الرحمن الرحيم


يا أخي اشتر لك دلال ستانليس ستيل , انحش عن الرباب وطاريه , فمادة القصدير التي يبيض بها النحاس ضارة جداً للكبد مثلها مثل الرصاص .



عبدالسلام


هذا كلام الصح:good:

[SS1]

دلتي اللي ابي اربها

ما اتسطتعم القهوة غير فيها

ولو ابيعها تجيبلي 10 دلال استيل

[غياض حائل]

هذه فصيدة زيد الخوير التميمي امير قفار


قال الذي يبدع علـى كـل قافـي
من ضامرٍ ياتـن رْيـامٍ مواليـف
بمنومسٍ لقم على بكـر صافـي
عليه من شغل ابن سكران توليف
خلّه ليا ماتونـس النـذل غافـي
وقرب دلالٍ مثـل بـطٍّ مهاديـف
بدلال ماعنهن سنا النـار طافـي
بوجار من لادونهن بابهـم جيـف
مبرهـجٍ تسفـا عليـه السوافـي
من خلْقته ماطق في ركزة السيف
واحمس ولقّم بالعجـل يالسنافـي
بشاميةٍ طرّف لها الجمر تطريـف
حماسها قرمٍ من الغـوش شافـي
دايم يقلبها حريصٍ علـى الكيـف
وزلَّه وصَفَّه عن سريب المصافي
من خوفة أحدٍ قال بالكيف ياحيف
كِنَّه ليـا منـه غشـاه الرّعافـي
نثر الذّهب من فوق لوح المشانيف
وبهارها من يمّـة الهنـد لافـي
في مركبٍ يقداه زجر العواصيف
وان كان تزمل من طيورٍ هوافـي
بيضٍ فسدّ أفواهها باشقر الليـف
فنجالهـا لاشـف بيـن الأشافـي
لاكن يجذب من شفا شاربه شيف
يبرالها من ميـر فِـجّ الخوافـي
بكايرٍ تِرْمَهْ سهيـلٍ ليـا شيـف
صبه لمن يثني خـلاف المقافـي
يوم الفرنج يقذِّف الملـح تقذيـف
ونفَّل بها اللي للمـروات وافـي
مادوَّر التَّجْرات به والمصاريـف
اللي لياغليـت شراهـا جزافـي
مارطّله عند الدلاليـل بنصيـف
ياسامـعٍ منـي علـومٍ تشـافـي
خذها من اللي نافلٍ كـل عرِّيـف
دنياك لو ضحكت تراهـا بخافـي
يبرم دواليـب الشِّقـا والتكاليـف
إنهب منه من قبل مالعمـر يافـي
صيٌّور ماتقفي ركابـك مواجيـف
صيُّور عمـرك ناهـجٍ للذلافـي
سمر الليالـي تكملـه بالتتاليـف
صيُّور مايمسي لظى الجمر طافي
دنيا تفرق كـل ربـعٍ مواليـف
وليا حصل عزٍّ مع الكيف كافـي
ماني على الدنيا كثير التحاسيـف

[المماتوس]

دلتي اللي ابي اربها

ما اتسطتعم القهوة غير فيها

ولو ابيعها تجيبلي 10 دلال استيل

ما ألومك والله اني حاس فيك
أنا لوغيرت دلتي كأني أشرب مويه