فهد الهلالي
16/07/2010, 07:44 PM
السلام عليكم ورحمة الله وبركاته
اخواني الافاضل ,,,,,اليكم هذه السالفه والتي حصلت معي قبل 30 سنه تقريبا
في يوم من الايام قررنا الذهاب الى المقناص وهي اول طلعه لنا بعد مالاعلان عن ترخيص الصيد بالصقور والسلق اعزكم الله لذلك العام
وكنا متشفقين الطلعه للبرولمدة اسبوع كامل
وكان معي ذلك الوقت جمس موديل 77م حملنا الاغراض والطيور والعدد والفرش ومانحتاجه في هذه الرحله
وكان مع زميلي بليزر على ماعتقد موديل 75 م وكانت الساعه ماتقارب الثامنه مساء ولم نتمكن من الممشى
لوجود شغل لزميلي لازم ينهيه قبل التوجه الى المقناص حيث ان لديه سياره في ورشته لازم يسلمها لصاحبها قبل الرحله وكان عددنا في تلك الرحله 7 اشخاص المهم قال انت امشوا والوعد طريق خريص الكيلو الفلاني
وانا سوف اذهب الى البيت اغير ملابسي واخذ اغراضي والحق بكم انا وبقيه الزملاء بدل مانتم جالسين بالرياض وكملوا بقيه الاغراض من شارع الظهران عند ملعب الملز تقريبا اخر بقالات قبل طريق خريص ذلك الوقت
المهم اخذنا باقي الاغراض ومشينا وبعد ماحركت من الاسواق ممكن خمسين متر تغيرت علي السياره لااستطيع
ان انقل القير لثالث حسيت ان الكلتش ضعيف جدا فقلت للي معي السياره فيها شي غريب احس اني لادعست الكلتش يكون بعيد عني وثقيل قالوا يابن الحلال لاتوسوس السياره مافيها شي برضوه احس ان السياره ممشاها غير طبيعي احس اني ازاحم السيارت اللي بجنبي ماني مرتاح المهم مشينا الى موعدنا وانا قلق جدا من وضع السياره وصلنا محل الموعد مع الربع وكان يبعد عن دوار شارع الاحساء 35كيلو تقريبا وقفنا على اليمن سوينا الشاهي
وانبسطوا العيال بس طلعوا من الديره اخذت انا كشاف وذهبت الى السياره اتفقدها فتحت الكبوت وانا احط النور على الشاص
الا والشاص مكسور وصله نازله تحت 30 سم عن مكانه الطبيعي والوصله الخلفيه مرتفعه ثلاثين سم من حد المقص للكفرالامامي يالله دبرتك المباركه حسيت بالضيقه ولكن الحمد لله على كل حال اخبرت الربع بذلك وقلت لازم نرجع للرياض بس نحتري الربع يجون الحين تقريبا الساعه10او ازود شوي المهم جلسنا لناشوي الا الساعه 11 وعليها كسور الا والربع يوقفون عندنا السلام عليكم وعليكم السلام يالله نمشي قلت ماهو بالظاهر الممشاء ليه قلت الشاص مكسورقال وشلون قلت جاك العلم مثل ماسمعت قال والبر قلت البر ملحوق عليه بدل اليوم باكر
قال وانا ابو محمد نزلوا بعض الاغراض من الونيت علشان يخف عليه قلت وش تبي تسوي قال اعلمك الحين
نزلنا بعض الاغراض الثقيله قال يجي معي اثنين قلت وين قال للورشه ياخوي أي ورشه هالوقت وبعدين ورشتك بعيده بطريق الخرج قال ماهو شغلك ياخوي كيف ماهوشغلي انت تعبان من الشغل بالورشه من الساعه 7 صباح يمكن اخذت نومه الضهريه او ما اخذت قال ماعليك اجلسوا وستانسوا ومايكون خاطركم الاطيب قلنا كفو
المهم شغل السياره وللورشه هو واثنين من الربع جلسنا تقريبا ساعتين ونصف او ثلاث ساعات الا وهم جايين ملحم الكسر ومدبل الشاص من عند الكسر وشلون الحين ماعليك الموتر مافيه اخلاف الشاص ومدبول بأذن الله مايشوف شر بس مانترك المقناص وحنا متشفقين الهدد
كفو والله يابو محمد اعلومك غانمه
حملنا اغراضنا ومشينا الا والموتر مايحتاج وليده كملنا مشوارنا الى الفجر صلينا واخذتنا النومه الى الساعه العاشره افطرنا وعينا خير وتحركنا من محلنا واصلنا طريقنا مبسوطين بس طلعنا من الديره لو مانلقى شي
المهم لقينا ثنتين باول يوم
هدينا عليهن ذبح الطير وحد ه وراحت الثانيه
جلس الموتر عندي تقريبا اربع سنوات وهو على وضعه حتى بعته والكسر ماشاءالله لو تضرب اكبرمطب ماخفت منه الشاص ومدبول حتى الجهه السليمه من الجهه الثانيه دابلها بس ماهي مثل المكسور اخف شوي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
ارجوا ان تكونوا استمتعتم بهذه السالفه واسف على الاطاله والله يحفظكم
مع تحيات اخيكم
فهد الهلالي
اخواني الافاضل ,,,,,اليكم هذه السالفه والتي حصلت معي قبل 30 سنه تقريبا
في يوم من الايام قررنا الذهاب الى المقناص وهي اول طلعه لنا بعد مالاعلان عن ترخيص الصيد بالصقور والسلق اعزكم الله لذلك العام
وكنا متشفقين الطلعه للبرولمدة اسبوع كامل
وكان معي ذلك الوقت جمس موديل 77م حملنا الاغراض والطيور والعدد والفرش ومانحتاجه في هذه الرحله
وكان مع زميلي بليزر على ماعتقد موديل 75 م وكانت الساعه ماتقارب الثامنه مساء ولم نتمكن من الممشى
لوجود شغل لزميلي لازم ينهيه قبل التوجه الى المقناص حيث ان لديه سياره في ورشته لازم يسلمها لصاحبها قبل الرحله وكان عددنا في تلك الرحله 7 اشخاص المهم قال انت امشوا والوعد طريق خريص الكيلو الفلاني
وانا سوف اذهب الى البيت اغير ملابسي واخذ اغراضي والحق بكم انا وبقيه الزملاء بدل مانتم جالسين بالرياض وكملوا بقيه الاغراض من شارع الظهران عند ملعب الملز تقريبا اخر بقالات قبل طريق خريص ذلك الوقت
المهم اخذنا باقي الاغراض ومشينا وبعد ماحركت من الاسواق ممكن خمسين متر تغيرت علي السياره لااستطيع
ان انقل القير لثالث حسيت ان الكلتش ضعيف جدا فقلت للي معي السياره فيها شي غريب احس اني لادعست الكلتش يكون بعيد عني وثقيل قالوا يابن الحلال لاتوسوس السياره مافيها شي برضوه احس ان السياره ممشاها غير طبيعي احس اني ازاحم السيارت اللي بجنبي ماني مرتاح المهم مشينا الى موعدنا وانا قلق جدا من وضع السياره وصلنا محل الموعد مع الربع وكان يبعد عن دوار شارع الاحساء 35كيلو تقريبا وقفنا على اليمن سوينا الشاهي
وانبسطوا العيال بس طلعوا من الديره اخذت انا كشاف وذهبت الى السياره اتفقدها فتحت الكبوت وانا احط النور على الشاص
الا والشاص مكسور وصله نازله تحت 30 سم عن مكانه الطبيعي والوصله الخلفيه مرتفعه ثلاثين سم من حد المقص للكفرالامامي يالله دبرتك المباركه حسيت بالضيقه ولكن الحمد لله على كل حال اخبرت الربع بذلك وقلت لازم نرجع للرياض بس نحتري الربع يجون الحين تقريبا الساعه10او ازود شوي المهم جلسنا لناشوي الا الساعه 11 وعليها كسور الا والربع يوقفون عندنا السلام عليكم وعليكم السلام يالله نمشي قلت ماهو بالظاهر الممشاء ليه قلت الشاص مكسورقال وشلون قلت جاك العلم مثل ماسمعت قال والبر قلت البر ملحوق عليه بدل اليوم باكر
قال وانا ابو محمد نزلوا بعض الاغراض من الونيت علشان يخف عليه قلت وش تبي تسوي قال اعلمك الحين
نزلنا بعض الاغراض الثقيله قال يجي معي اثنين قلت وين قال للورشه ياخوي أي ورشه هالوقت وبعدين ورشتك بعيده بطريق الخرج قال ماهو شغلك ياخوي كيف ماهوشغلي انت تعبان من الشغل بالورشه من الساعه 7 صباح يمكن اخذت نومه الضهريه او ما اخذت قال ماعليك اجلسوا وستانسوا ومايكون خاطركم الاطيب قلنا كفو
المهم شغل السياره وللورشه هو واثنين من الربع جلسنا تقريبا ساعتين ونصف او ثلاث ساعات الا وهم جايين ملحم الكسر ومدبل الشاص من عند الكسر وشلون الحين ماعليك الموتر مافيه اخلاف الشاص ومدبول بأذن الله مايشوف شر بس مانترك المقناص وحنا متشفقين الهدد
كفو والله يابو محمد اعلومك غانمه
حملنا اغراضنا ومشينا الا والموتر مايحتاج وليده كملنا مشوارنا الى الفجر صلينا واخذتنا النومه الى الساعه العاشره افطرنا وعينا خير وتحركنا من محلنا واصلنا طريقنا مبسوطين بس طلعنا من الديره لو مانلقى شي
المهم لقينا ثنتين باول يوم
هدينا عليهن ذبح الطير وحد ه وراحت الثانيه
جلس الموتر عندي تقريبا اربع سنوات وهو على وضعه حتى بعته والكسر ماشاءالله لو تضرب اكبرمطب ماخفت منه الشاص ومدبول حتى الجهه السليمه من الجهه الثانيه دابلها بس ماهي مثل المكسور اخف شوي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
ارجوا ان تكونوا استمتعتم بهذه السالفه واسف على الاطاله والله يحفظكم
مع تحيات اخيكم
فهد الهلالي