مشكله فاجأتني في اليوكن

[مدري علامي]

السلام عليكم ورحمة الله وبركاته

مساء الخير اعضاء مكشات

.. الله يستر
اليوم طالع للهاف مون نبغى نطعس انا وخويي اخذت مطب بسرعة 50 بعد المطب على طول انطفى الموتر .. والحين الموتر في الورشه ويقول بكره نفك ونشوف
انا اتوقع انه فيش الطرمبه انفصل

واللي صار له مثل هالموقف يفيدنا يا اخوان بارك الله فيكم



وهل تنصحون اني افحص كمبيوتر ؟؟

[بو خليفه]

حصلت عند ولد عمي نفس الشئ في البر وظهرت الطرمبة والعوامة لاتسحب بنزين لكن في البر سحبها بالدركتر وليس بونش

[نجم الصداوي]

الله يعيننا وإياك..
..
.. أحيانا بعض المواتر فيه تقنية إذا ضرب مطب قوي ، أو إنفجر عنده أحــد إطــارات السيارة يطفى المحرك.. شفتها في سياارة فورد ..ولا أعــلم إن كان هذا الشيء موجود في اليوكن أم لا..
..
.. الجهاز وفحصه ..دقيق لا يدلك على شي ..لأنــه يعمم .. ويبين لك الدقيق والخفي ..( حتى لو في السيارة قارورة مـاء وتنــقـط كان طلع لك في الجهاز : تسريب زيت>>> أممم المبالغة
..
.. عموما لاتستعجــل ..

[مدري علامي]

حصلت عند ولد عمي نفس الشئ في البر وظهرت الطرمبة والعوامة لاتسحب بنزين لكن في البر سحبها بالدركتر وليس بونش


اول ما وديته للورشه رفع الموتر وشيكت انا والمهندس من تحت قلت يمكن فيش مفصول والا شئ ظاهر بس للاسف ما بين لنا شئ .... الطرمبه مرهمها حق في اكس ار في رمضان الماضي ما اتوقع تجي منها المشكله
الله يستر

[مدري علامي]

الله يعيننا وإياك..
..
.. أحيانا بعض المواتر فيه تقنية إذا ضرب مطب قوي ، أو إنفجر عنده أحــد إطــارات السيارة يطفى المحرك.. شفتها في سياارة فورد ..ولا أعــلم إن كان هذا الشيء موجود في اليوكن أم لا..
..
.. الجهاز وفحصه ..دقيق لا يدلك على شي ..لأنــه يعمم .. ويبين لك الدقيق والخفي ..( حتى لو في السيارة قارورة مـاء وتنــقـط كان طلع لك في الجهاز : تسريب زيت>>> أممم المبالغة
..
.. عموما لاتستعجــل ..


يمكن تكون في السيارات الامريكيه فكرة ان المحرك يطفي اذا ضربت في مطب مشتركه .. بس مين يدري ؟؟

واضح من كلامك ان الكمبيوتر ما راح ينفع لو فحصت ؟؟

[مدري علامي]

المشكله طلعت في الطرمبه حقت Vxr اللي رهمتها قبل اقل من سنه
قررت اني اغير حق الوكاله

عرفنا المشكله
رحت محلات قطع الغيار اول محل يعتبر وكيل لـ جي ام بدون ذكر اسماء عطاني طرمبه وقال ترا الوكاله غيرت الفيش حق الطرمبه الجديده ...
القديم فيش صغير والجديد هذا اللي تشوفه كبير قلت توكلنا على الله شريتها ووديها للفلبيني قال هذ ما تركب ابدااا حاولت افهمه قال انا المهندس مو انت المهم رجعت لقطع الغيار وشرحت له الوضع قال اذا ما تبيها ارجعها لك عادي في الوقت هذا دخلني الشك ان الطرمبه مهي باصلي طبعا كان سعرهاا 1000 ريال

قلت اروح للوكاله واشوف سعرها وهي وحده من الثنتين يا محل قطع الغيار يبي ينصب علي والا ان المهندس ما عنده سالفه
طلع سعرها 1500 ريال وبعد الخصم 1425 ريال بس غلطتي اني ما شفتها لاني جيتهم وقت اذان الظهر وكان فيه زباين وما امداني اشتريها

قلت في خاطري العصر ان شاء الله بروح للتوكيلات واشوف


طبعا مريت على كم محل اللي قال تلقى الاصلي بـ 900 او 880 << والظاهر هذا سعر التجاري
واذا خلصت المشكله لي عوده ان شاء الله

دعواتكم

[سوبر VTC]

اخوي
سبق اني موتري طفى علي جمس م2001
حركت فيش الطرمبة و اشتغل الموتر على طول
طبعا الفيش مسوي كربون اسود و يمنع توصيل الكهرب
لاحقا غيرت الفيش و حطيت شحم عشان مايبني كربون مع الايام
حل اخر
تنقط على الفيش فلاش امريكي و بعدها تحط على سنون الفيش شحم


و مهب شرط ان الطرمبة خربانه
الطرمبة غالبا قبل ما تخرب
تصير ضعيفة في دفع البنزين
بمعنى
ان الموتر مايتعدا سرعة 80 مثلا لانه مايصل بنزين كافي البخاخات
و بالتالي لو دست كل الابنص ما يفحط الموتر لان البنزين قليل الى البخاخات
بدليل
جرب الطرمبة اللي عندك و اشبكه على البطارية على طول وصل له سلكين و راح تشتغل
باذن الله


للمزيد
ادخل موضوعي بالتوقيع
معاناتي مع الجمس و الدبل بالتفصيل الملل
+
جميع اعطال طرمبة البنزين للجمس
و ان شاء الله تستفيد

للفائدة
اذا بغيت تعرف ان الطرمبة خربانه او لا
افتح السويتش راح تسمع صوت اشتغال الطرمبة واضح جدا
لو ما طلع له صوت
فالسبب
كتاوت خربان او فيوز او فيش الطرمبة
حل اخر و مجرب
تضرب اسفل التانكي بماصورة او مطرقة شاكوش
بعدها
طف و افتح السويتش راح تسمع الطرمبة

هنا الاحتمال المتوقع للطرمبة بسبب الكتاوت و قمت باضافة باقي الكتاوتات و الفيوزات للفائدة و المصلحة العامة
هنا كتاوتات و فيوزات الكهرب و هي كالتي :
1/كتاوت الطرمبة اذا لا قدر الله خرب عليك الكتاوت و انت بسفر مثلا ما عليك الا تنزع احد الكتاوت مثل/ب
2/يوجد فيوز اذا انقطع يطفى الموتر و لا تشتغل الطرمبة استبدله من فيوز الاحتياط او من اية فيوز ماعدا نور السيارة اذا كنت بليل مثلا
و هو رقم 2 يسار كتاوت الطرمبة
3/الفيوز الكبير اذا انقطع تطفى المكينة و هو رقم 3 و خذ فيوز من اللي بجانبه
4/الفيوز الكبير اذا انقطع تولع لمبة البطارية بالطبلون كما يطفى المكيف اذا كان يشتغل و هو فيوز الدينمو مختص بتعبئة البطارية باعتقادي
5/كتاوت المكيف اذا خرب انزع من اللي بجانبه مثل/ب
6/كتاوت المكينة اذا خرب تطفى المكينة استبدله من /أ
7/كتاوت السلف اذا خرب مايدق السلف و لا يشتغل الموتر استبدله من /أ
8/كتاوت البوري اذا خرب استبدله من/ب
http://www.mekshat.com/vb/../pix/upload02/images76/mk53291_jyfjhtd18.jpg

[نجم الصداوي]

الحمد لله
لاتستعجل على الشراء ..فعلا يمكن فيييش.

[xأبوطلالx]

الله يعينك ياخوي بس اكييد الخراب من الطرنبه لانك مرهمه
والترهيم غالب الاحيان مينجح يمكن يكون الفيش منحل ومع الاهتزاز انفصل

[مدري علامي]

اخوي
سبق اني موتري طفى علي جمس م2001
حركت فيش الطرمبة و اشتغل الموتر على طول
طبعا الفيش مسوي كربون اسود و يمنع توصيل الكهرب
لاحقا غيرت الفيش و حطيت شحم عشان مايبني كربون مع الايام
حل اخر
تنقط على الفيش فلاش امريكي و بعدها تحط على سنون الفيش شحم


و مهب شرط ان الطرمبة خربانه
الطرمبة غالبا قبل ما تخرب
تصير ضعيفة في دفع البنزين
بمعنى
ان الموتر مايتعدا سرعة 80 مثلا لانه مايصل بنزين كافي البخاخات
و بالتالي لو دست كل الابنص ما يفحط الموتر لان البنزين قليل الى البخاخات
بدليل
جرب الطرمبة اللي عندك و اشبكه على البطارية على طول وصل له سلكين و راح تشتغل
باذن الله


بصراحه انا كنت مركز على الافياش حق الطرمبه وحاولت انه يفكها وانا عنده وبالضبط شيكت انا بنفسي على الافياش وطالعت نظيفه
وقبلها شغلت السوتش بس ما طلع صوت للطرمبه ابد ...



للمزيد
ادخل موضوعي بالتوقيع
معاناتي مع الجمس و الدبل بالتفصيل الملل
+
جميع اعطال طرمبة البنزين للجمس
و ان شاء الله تستفيد




مواضيعك من هنا على الطابعه الى ملف العطالات احتفظ بها عندي ان شاء الله
بيض الله وجهك وما قصرت




للفائدة
اذا بغيت تعرف ان الطرمبة خربانه او لا
افتح السويتش راح تسمع صوت اشتغال الطرمبة واضح جدا
لو ما طلع له صوت
فالسبب
كتاوت خربان او فيوز او فيش الطرمبة
حل اخر و مجرب
تضرب اسفل التانكي بماصورة او مطرقة شاكوش
بعدها
طف و افتح السويتش راح تسمع الطرمبة

هنا الاحتمال المتوقع للطرمبة بسبب الكتاوت و قمت باضافة باقي الكتاوتات و الفيوزات للفائدة و المصلحة العامة
هنا كتاوتات و فيوزات الكهرب و هي كالتي :
1/كتاوت الطرمبة اذا لا قدر الله خرب عليك الكتاوت و انت بسفر مثلا ما عليك الا تنزع احد الكتاوت مثل/ب
2/يوجد فيوز اذا انقطع يطفى الموتر و لا تشتغل الطرمبة استبدله من فيوز الاحتياط او من اية فيوز ماعدا نور السيارة اذا كنت بليل مثلا
و هو رقم 2 يسار كتاوت الطرمبة
3/الفيوز الكبير اذا انقطع تطفى المكينة و هو رقم 3 و خذ فيوز من اللي بجانبه
4/الفيوز الكبير اذا انقطع تولع لمبة البطارية بالطبلون كما يطفى المكيف اذا كان يشتغل و هو فيوز الدينمو مختص بتعبئة البطارية باعتقادي
5/كتاوت المكيف اذا خرب انزع من اللي بجانبه مثل/ب
6/كتاوت المكينة اذا خرب تطفى المكينة استبدله من /أ
7/كتاوت السلف اذا خرب مايدق السلف و لا يشتغل الموتر استبدله من /أ
8/كتاوت البوري اذا خرب استبدله من/ب



بيض الله وجهك على التوضيح المتكامل لصندوق مركز الفيوزات والكهرباء
لها صوره ان شاء الله وحفظ في السياره

[مدري علامي]

الحمد لله
لاتستعجل على الشراء ..فعلا يمكن فيييش.


كنت اتمنى انه فيش ونخلص بس للاسف طلعت الطرمبه غيرتها والحمد لله

[مدري علامي]

الله يعينك ياخوي بس اكييد الخراب من الطرنبه لانك مرهمه
والترهيم غالب الاحيان مينجح يمكن يكون الفيش منحل ومع الاهتزاز انفصل


الله يعين الجميع بالفعل الخراب طلع من الطرمبه
وبالنسبه للترهيم ينجح اذا كان على يد مهندس ممتاز لان ولد خالي مرهم طرمبه لها الحين قرابة 3 سنوات ما شكى منها

[مدري علامي]

بيض الله وجه من تفاعل مع الموضوع ولا هان الباقين

[HIZOOM]

السلام عليكم ورحمة الله وبركاته
أخي الحبيب يوجد صمام قفل تدفق الوقود
في حالة الحوادث لا قدر الله واللي حصل معاك
أن الكميوتر تخيل المطب حادث وقفل تدفق الوقود
يجب أن تعيد تشغيل الكميوتر يعني نعمل ريسيت
عند متخصص بالبرمجة ولا تكلفك خمسين ريال
ولا يلعب أي شخص بالسيارة إذا ماتعرف ورشة
ودها الوكالة وإذا مستعجل جيبها رحيمة عند المهندس
عابد الموسى متخصص بالجمس وخبير برمجة
وأنت واقف يعمل لك البرمجة

[مدري علامي]

السلام عليكم ورحمة الله وبركاته
أخي الحبيب يوجد صمام قفل تدفق الوقود
في حالة الحوادث لا قدر الله واللي حصل معاك
أن الكميوتر تخيل المطب حادث وقفل تدفق الوقود
يجب أن تعيد تشغيل الكميوتر يعني نعمل ريسيت
عند متخصص بالبرمجة ولا تكلفك خمسين ريال
ولا يلعب أي شخص بالسيارة إذا ماتعرف ورشة
ودها الوكالة وإذا مستعجل جيبها رحيمة عند المهندس
عابد الموسى متخصص بالجمس وخبير برمجة
وأنت واقف يعمل لك البرمجة

وعليكم السلام ورحمة الله وبركاته
سبق السيف العدل
جيت بعد فوات الاوان

[هوايتي مكشات]

مشكورين على المعلومات .........

[العبقري 1]

الله يعينك .. بس تطعس بيوكن ؟ أشوف ظاهرة التطعيس جحود للنعمة .. أعذرني وجهة نظر .. لأني شاهدت ناس في الدول المجاورة يقضي حياته وهو ماقدر يشري سيارة .