هل يمكن تحويل البخاخ ( الحلابات) الى كلبيرتر

[قيثارةالشرق]

أخواني الاعضاء الكرام

حسب ماهو موضح في العنوان هل يمكن تحويل البخاخ ( الحلابات) الى كلبيرتر

للكاديلاك 91 فليتود دفع خلفي مكينته 350 مثل الكبرس

لان سألت شخص مجرب هذا النوع من السيارات عن تكتيم السيارة وانها تطفي أحيانا

فقال لي وحسب ما عمل هو شخصيا على سيارته انه حولها الى كلبرتير عادي او نتهت مشاكلها

رايكم يا شباب ووين أحصل ورشة بالرياض تعملها

تحياتي ،،

[قيثارةالشرق]

up up up up

[YOU1]

حياك الله اخوي....
انا اشور عليك خلك علي البخاخ احسن من مشاكل الكابريتر....
البخاخ اصفي واقتصادي جدا بالبنزين وافضل من جميع النواحي...الكابريتر ولو ركبتة جديد خذ دخان وصرفية بنزين ومشاكل بعد مدة.. اسأل مجرب... صلح البخاخ اللي عندك او بدلة وارتاح... اسمع شوري وانا اخوك ترا كلامي من واقع تجربة... وتقبل تحياتي.

[عميد سامودة]

الناس تحول من كربريتر الى بخاخ ,,,,,,, لعدة اسباب :
+ اقتصادي بنزيم
+ عزم افضل
+ قلة خرابات
+ سهولة تنظيف
====================================

[قيثارةالشرق]

جزاكم الله خير

بس هذا حل سواه واحد معاه كاديلاك 90 يكتم ويطفي وانتهت مشكلته

والله اعلم

[YOU1]

انا افضل انك تصلح البخاخ اللي عندك افضل... ترا خرابة نادر سو لة طقم اصلاح او بدل الحلابات او شوف الكمبيوتر تحت الدرج يمكن يكون خربان... انا استعملت شفر 89 بخاخ 12 سنة وكاديلاك 91 نفس اللي عندك 10 سنين وحاليا عندي فان شفر 89 بخاخ مخلية للسفر ماعمري شكيت من البخاخ.. وكان عندي قبلهم كدلك 88 ماكينة اولزموبيل كابريتر كل فترة دخان اسود وطقم اصلاح وتطفي وتصرف بنزين ( التانكي مايكمل معاي 400 كيلو) وكان عندي اولز نايتي ايت كابريتر ونفس الموضوع والبخاخ كان يمشيني تانكية بالديرة 650 كيلو ..شيك علي الامور اللي قلت لك عليها وان شاء الله يضبط معاك...

[قيثارةالشرق]

اخي االكريم YOU1

موترك الكاديلاك الـ91 هل كان يطفي احيانا عند الوقوف او الالتفاف ؟

سبب التفكير للتحويل الى كربريتر على هذا الرابط

http://www.mekshat.com/vb/showthread.php?t=313343



ياليت تعقب على الموضوع وتساعدني

[YOU1]

ذكرتني بشي الله يذكرك الشهادة وجميع اخواننا المسلمين.... آمين...
شوف طال عمرك خلك معاي شوي وركز...
مرة من المرات صار عندي بالكدلك ال 91 شي غريب!!! جاها فترة تكتم وتدخن اسود وتطفي ودوختني والله وانا اخوك ماخليت احد مارحت لة الي الوكالة ماجيتهم... وبدلت كل شي حتي الكمبيوتر اللي تحت الدرج بدلتة ومافاد... السيارة بعض المرات تدخن اسود وتكتم وتطفي.. ويجيب الله ذاك الكهربائي الفاهم ويجيب لة سلك ويشبكة بالفيشة اللي تحت فوق الفرامل ويقعد يعد كم مرة تأشر لمبة سيرفس انجن سون... المهم بعد ماسوا هالحركة كم مرة قال عندك خرابين بالسيارة الاول حساس الشكمان وهذا ما يأثر وعندك ( حساس الحرارة اللي بالماكينة) اللي يركب بالثلاجة خربان والمشاكل اللي عندك منة؟؟؟!! هذا علي كلامة ... قلت لة شلون؟؟؟
قال حساس الحرارة طبعا كان مفكوك والفيشة راكبة فية ومرمي علي الثلاجة لأني مركب بمكانة حساس خارجي لأن الكدلك مالة امبير حرارة... المهم شريت الحساس ب 50 ريال وركبتة وردت طبيعية جدا وراحت الكتمة والطفية وصارت من اصفي مايكون واستعملتها يمكن 4 سنين عقب هالشي وبعتها ومافيها الا العافية...المهم قلت للكهربائي اشرح لي ليش صار هالشي واصلا هالحساس كان شغال لة 6 او 7 سنين وماضر بشي ... قال الحساس كان شغال عندك وهو مرمي فوق الثلاجة ويوم خرب قام يعطي لكميوتر السيارة معلومات خطأ او بمعني اصح يعطي معلومات للكمبيوتر ان السيارة باردة والكمبيوتر يكب بهالبانزين اكثر من الحاجة فكانت تشرق وتدخن اسود وتطفي... كلامة مقنع بصراحة... هذا ما حصل معاي بالضبط... وسامحني علي الاطالة واتمني تنحل مشكلتك... وبلغنا وش يصير معاك...بس احرص احرص اخوي لا تغير البخاخ لكابريتر مهما يكون تري البخاخ افضل بمرااااحل..

[قيثارةالشرق]

http://www.cars-club.com/pp/data/500/2158.jpg

تقصد هذا ؟؟
يعني الغيت ساعة الحرارة الخارجية وركبت الحساس في مكانه الاصلي ؟؟

وين هذا الكهربائي ؟؟

ابو هنود غير لي هذا الحساس قبل امس
بس مدري عنه فصل اصبع البطارية و لا لا عشان البرمجة
وما ادري هو مخصص هذا الحساس للامبير الداخلي للغمارة وفاصل دورة الاصلي

يعني افصل الساعة الدخلية ؟؟
تكفى رد علي
اكتب لي رقم جوالك
جعل والدينك في الجنة

[قيثارةالشرق]

اخي الكريم

لايوجد فيش مفصول

الفيش الي راكب جاي من خرطوش بلاستك

[YOU1]

http://www.cars-club.com/pp/data/500/2158.jpg

تقصد هذا ؟؟
يعني الغيت ساعة الحرارة الخارجية وركبت الحساس في مكانه الاصلي ؟؟

وين هذا الكهربائي ؟؟

ابو هنود غير لي هذا الحساس قبل امس
بس مدري عنه فصل اصبع البطارية و لا لا عشان البرمجة
وما ادري هو مخصص هذا الحساس للامبير الداخلي للغمارة وفاصل دورة الاصلي

يعني افصل الساعة الدخلية ؟؟
تكفى رد علي
اكتب لي رقم جوالك
جعل والدينك في الجنة
هلا طال عمرك وسامحني اذا تأخرت عليك.... والله وانا اخوك هالكلام كان من 5 سنين تقريبا والحساس اللي حاط صورتة اعتقد انة هو... عموما هو يكون راكب بالثلاجة وانا يوم بدلتة ماركبتة بالثلاجة انا شريتة وركبت فية الفيش وحطيتة حط فوق الثلاجة لاني ما اقدر الغي ساعة الحرارة الخارجية...

[قيثارةالشرق]

حبيبي

اللي فهمته انك حاط 2 حساس في الموتر

واحد للكمبيوتر

والثاني لساعة الحرارة

صح ؟؟

جزاك الله خيرا

[YOU1]

حبيبي

اللي فهمته انك حاط 2 حساس في الموتر

واحد للكمبيوتر

والثاني لساعة الحرارة

صح ؟؟

جزاك الله خيرا
لا طال عمرك... الحساس الاصلي اللي مثل الصورة كان مفكوك من مكانة ومحطوط فوق الثلاجة حط وفيشتة كانت راكبة فية وبمكانة كنت مركب فيشة الحساس الخارجي وموصلة لداخل السيارة...

[قيثارةالشرق]

'طيب

هل افصل اصبع البطارية السالب خمس دقايق وارجعه

وتنعاعد البرمجة للكمبيوتر؟؟

لان ابو هنود يقول ان حساس الحرارة كان خربان وبدلة بجديد ؟

[YOU1]

'طيب

هل افصل اصبع البطارية السالب خمس دقايق وارجعه

وتنعاعد البرمجة للكمبيوتر؟؟

لان ابو هنود يقول ان حساس الحرارة كان خربان وبدلة بجديد ؟
والله بالنسبة لي ما اذكر اني فصلت البطارية يوم ركبت الفيشة حقت الحساس الجديد... اذكر اني شريتة وعند باب محل قطع الغيار فكيت فيش القديم وركبت الجديد وحطيتة فوق الثلاجة حط وسلكت الامور... هذا اللي اذكرة.

[قيثارةالشرق]

يعني احاول ادور كهربائي ممتاز قبل اني اتهور واغير البخاخات كآخر محاولة

تعرف كهربائي مظبوط في الرياض (غير الجابري)

الله لايهينك

[YOU1]

واللة طال عمرك انا بالكويت والا كان حاضر.... بس اهم شي حاول تصلح البخاخ ولا تبدلة تراه سهل ومو معقد مثل سيارات هالايام... وتقبل تحياتي.

[قيثارةالشرق]

بعد تغيير حساس الهوا mapو حساس الحرارة

الهندي غير البواجي ببواجي جمس يقول اقوى

المهم هناك تحسن 60% يعني قلت التكتيمة والطفية

بس ودي يصفى 100%

طيب حبيبي ما تذكر كم سعر الكمبيوتر

جزاك الله خير

[قيثارةالشرق]

للتذكير والتوضيح فقط

الطفية تكون بعد ما تحتمي السيارة عند التوقف وتحصل قليلا مش على طول
+ وترجع تدق سلف تشتغل بدون صعوبة ابدا

يعني المشكلة كهرباء ولا ميكانيكا ؟؟

جزاك الله خيرا

[راعي الهدد 7]

البخاااخ افضضضضضل

[عبدالعزيز-1]

المشكله كهربا الظاهر

وشيك على حساس منظم الهوا شكله خربان عندك

صارت عندي نفس المشكله بس بسياره ثانيه كانت جيب انفينتي اذا احترت السياره تطفي ولازم اخليها ربع ساعه وارجع اشغلها وتشتغل

اكتشفت ان المشكله صارت من حساس الهوا اللي راكب في المكينه اذا احتر قطع الهوا عن المكينه وتطفي السياره

[قيثارةالشرق]

سبق وغيرت حساس الهواء map

دون فائدة

شكرا عزيزي

[قيثارةالشرق]

ابشركم انحلت المشكلة

طرمبة البنزين كانت ضعيفة

غيرتها بدلفي وانحلت المشكلة

الحمد لله