سؤال مهم ياصقاقير

[*سرحان*]

تشوفون الطير لما يطرد بكروان او حباره او حمام دحول وتملق منه يرتفع فوق
السؤال هو : ليه يرتفع فوق :confused: ليه مايزل تحت او يسيرسيدا

[الحضري]

مع ان ما في راسي لكن اعتقد عشان يتوازن من جديد ويحدد مكان الصيدة وياخذ عزم ويهد بأقوى سرعة ممكنه

ويشتغل الصياد مزبوط :)

[المري]

أوافق أخي كـسار على كل كلمة

وماقصروا باقي الربع كلاااامهم كله صحيح..

اخوك / المري

[فارس العجمي]

السلام عليكم
انا اوافق اخوي كسار في كلامه
اخوك قرناس الجزيره

[أبو رداد]

السلام عليكم ورحمة الله وبركاته


والله ياسرحان في البدايه اتحسبه سؤال استفزازي
وماكان في نيتي ارد
ولما معنت النظر فيه وجدته سؤال فيزياوي بحت هههه
والاجابه سوف اكتبها بموضوع مستقل كي تعم الفائده
مع شكري وتقديري

[*سرحان*]

اخواني ماوصلتوا للجواب
بو رداد لوتكتب المقال هنيا ماتعم الفائده؟؟؟؟؟؟؟؟؟

[أبو رداد]

السلام عليكم ورحمة الله وبركاته


ابشر بالرد ياسرحان هنا وفي موضوع مستقل يتكلم عن حركات الصقور
ونوع الاجنحه عندها وكيف تعجل من سرعتها وكيف تراوغ وكيف تقف وكيف تخفف من سرعتها

الاجابه ياطويل العمر

هي للتخفيف من التعجيل او السرعه اولا... كيف ؟
مثال / لنضع فرضيه ونقول ان الطير المصيد (الحباره او الصوه او الحمام)
سرعته 40 كم/ ساعه ....
على الطير الصائد (الصقر) ان يبذل جهد حتى يصل تعجيله او سرعته من60 الى 80 كم/ساعه
كي يتمكن من اللحاق بالطير المصيد ...
وعندما يملق او الاصابه لم تكون دقيقه يضطر ان يخفف من سرعته بشكل مفاجئ وسريع
وافضل طريقه هي الصعود فوق كي لاتكون المسافه كبيره بينه وبين الطير المصيد ففي صعوده
سوف تخف سرعته وفقا لقانون الجاذبيه(وهذه نظريه يعرفها الطيارون) بحيث تساوي سرعة هذا الطير او اقل منه بقليل ثم يعزم عليه من جديد ...
ولكي يسيطر على صيدته ثانيا
وهذه تعتمد على نظريه تقول ( الارتفاع قوه) ..
اخي العزيز هذه مسائل فيزياويه اكتشفها العلم الحديث
من خلال الحاجه لها في مجال الطيران
ولكنها موجوده في الصقور بالفطره
فسبحان الله العظيم
وسلامتك

[طيرحوران]

الأخوه ماقصرو وجزاهم الله خيرا.تحياتي

[جلال الشمري]

بسم الله الرحمن الرحيم السلام عليكم ورحمة الله وبركاته شكراً لك أخي الكريم على هذا السؤال الوجيه اما بالنسبة لارتفاع الطير وعلى ما اعتقد من خلال ما شاهدته اثناء القنص وكوني صياد صقور \ كل ما ارتفع الطير فوق طريدته تمكن من اصطيادها وهذا ناتج من ممارسة الطير نفسه فخلال هجرة الطير سوف يمر بعدة اسا ليب لغرض الاصطياد فعندما يرى انه كاما ارتفع تمكن من طريدته اعتاد عليها والله اعلم \\ اخوك الشمري

[*سرحان*]

ياحافظ عليك يبو رداد والله ان السؤال انسال في مجلس به اكثر عن عشرين صقار
ولاحد عنده اجابه كلنا قلنا مثل ماقال اخوي كسار
انننننت طيار صح
جعلك ذخر اخوي وانا انتظر الموضوع بفارغ الصبر

اخوي كسار انت شوشتني الله يهيدك
هو كيف يصل صيدته لوكان نفس السرعه
انا كنت مثلك اتوقع الاجابه لكنها غير صحيحه
والاعتراف بالحق فضيله
وانصحك تبطل اسلوبك هذ مع بورداد وتستفاد منه
انا اشهده له

[*سرحان*]

كسار انا جاملتك يوم قتلك ماوصلت لان يبان استيعابك بطيء ولافهت السوال ولا الجواب انت رخ لشيبتك واشاله كيف يخف الطير من سرعته
جوابه لوكان صقار يقلك في ذنيبياه !!!
انت عمرك شفت او سمعت طير يفتح ذنيبياه وهو معزم!!!!
بتقول لا
كيف يخفف من سرعته يعني يسحب جلنط !!!!! ههههههه
يضطر يرتفع فوق لانه لوسار يمين اوشمال صار بعيد على صيدته ولو نزل تحت سرعته زادت
فيسير قوق عشان يسحب جلنط
فهمت الحين
ويوم قلت لبورداد انت طيار لان هذه مايعرفها غير الطيارين ويستخدموها في الحلات الطارئه
واذا كان في رابط حطه عشان نعلمهم الصقاره
اخي شو اشوفك تهذري مره تقول اعرف الجواب ومره تفول غير سوال
ركزززززززززززززززززززززز الله يهديك

[*سرحان*]

[aligright]وعليكم السلام ورحمة الله وبركاته

عزيزي كسار يبان انك مافهمت السوال موقتلك ركزززززززززاترك بورداد يبان عندك عقده اسمها بورداد بوردادفهم السوال وقوله عين العقل وصح
[color=#FA0309]انا قلت لما الطير يطررررررررررررررد يعني كلهم طايرين وملقت منه فوووووووووق ليه يرتفع
ماقلت نزل من فوق ولاقلت صيدته بالتراب من وين جبت هالسوالف :confused:
بريءوالله العزيم بريءههههههههههه :
هلابك وخيرها بغيرها[/align][/clor]

[راعي مسكت]

كسار الله يهداك كل المواضيع الي شاركت فيها تبي تبين للاعضاء ان ابورداد مهوب صقار (لاتحقر احد على شان ماحد يحقرك)ياخي انا اشوف ان جوابه صحيح وبين لك سرحان (راعي السؤال )الموضوع ولكن انت حاط الرجال في راسك في كل المواضيع لين الرجال ماعد رد عليك .انت رجال عاقل فلاتكره الناس فيك الله يهداك بل اكسبهم (معرفه الرجال تجاره والنساء خساره) ياخي والله كرهتنا في المنتدى بهالاسلوب .رجاء ياخوي منك انك تخلي هالسوالف (منتدى ثاني جاوبوا على السؤالين و ابو رداد ناقل الموضوع)ترى احنا ندخل تقريبا جميع المنتديات الي مواضيعها عن المقناص ونفهم ونعرف انك فيك شي ماحنا فاهمينه .الله يربي يهديك ويصلحك ونشوفك انت وباقي الاعضاء اخوان وربع .ولاتزعل علي لان الحق ينقال.

[راعي مسكت]

السلام عليكم ورحمة الله وبركاته

حاضرين يا راعي مسكت
بترك هذا الاسلوب اللي موعاجب الجميع وبدخل في اسلوب جديد ولا يصير خاطرك إلا طيب وأنت تمووووون علينا ولايهونون الربع
ولكن عندي سؤال لك .
إذا شفت واحد نزل موضوع وفيه خطأ في المعلومات عن الصقور هلى أسكت أو ممكن أن أحاوره ؟
طبعا بتقولي أن أحاوره بأسلوب الحوار وهذا كلام صحيح وعين العقل .
وأنا سأتبع الحنيه في الحوار ولا يهمك وعلى راسي من فوق ولا تزعل .

واشكر مشرفنا بوعايد لتدخله في الموضوع .

تحياتي للجميع.
طول الله عمرك اخوي كسار ومشكور وماقصرت ولا حضر عليك شر ان شالله يالغالي

[*سرحان*]

السلام عليك ورحمة الله وبركاته

الله يهديك يا سرحان

ياخي أنت تقول مثل ما أقول أنا ونفس الكلام !!!

أنا قلت أن الطير يطرد في الهواء ويوم ملقت عنه يرتفع وهنا تكون سرعتة أكثر بقليل من الصيده ويرتفع فوق علشان يجبرها على النزول لأنها إذا كملت في صعودها سيتعب الطير واجد ويمكن ما يصيدها !
وفي هذي الحاله الطير لما تملق عنه ما يرتفع مثل الطير النازل من السماء وأكرررررررر مره ثانيه أن جواب الأخ بورداد كان عن الطير النازل من السماء ولييييييييييييييييييييييس عن الطير اللي يطرد الصيده وهو معها في خط مستقيم وبعدها تملق ويرتفع فوقها قليلا علشان يجبرها على النزول للأرض ويصيدها .

واقولك شي روووح عند المري أو سرهيد وحكمهم في الموضوع عن طريق رسائل خاصه علشان ما يكون أحراج لاي شخص وشوف وش يقولون لك .

مع أني متأكد أنك فاهم قصدي ولكنك تجامل شوي وأنا ضاغط عليك ومسبب لك أحراج .

تحياتي لك


ضاغط عليك!!!!!!!!!!!!!!!!!!!!!!!!!!
اسمحلي انت لاتفهم ولاتبا تفهم
وعلى قول اخوي راعي مسكت كرهتنا فالمنتدى
فمان الله

[ابو عايد]

السلام عليكم ورحمة الله وبركاته

اخوي كسار الله يجزاك خير ارجوا تغير اسلوبك مع اعضاء مكشات

اخوي الرجال سأل سؤال وكلكم رديتوا ولكن من اجوبتك ... ضاغط عليك

ليه وين فيه حلبة مصارعه او ملاكمه ... كل واحد يحتفظ باجابته لنفسه

فارجوا الا ارى مثل هالاسلوب :mad: :mad:

اخي سرحان عن اذنك في قفل هذا الموضوع