التغذية للسلق ارجو الدخووول

[لكزس 1]

السلام عليكم اسعد الله اوقاتكم بالخير والمسرات

انا عندي سلقه وماعرفت لنظامها الغذائي جتني هدية واحط لها لها اكل واحيانا تاكل واحيانا ماتاكل ابي اعرف وش افضل نظام غذائي لاني والله اتضايق اذا ما اكلت وكم الكمية اللي تكفيها انا اعطيه دجاج شواية او لحم مطبوخ وابغى صحتها تتعافى وترجع لانها ضعفانه شوي ممكن تفيدوننا ؟؟
وش افضل غذاء للسلق مع العلم انها عندي في البيت
كم الكمية المناسبة للوجبة
وكم وجبه اعطيها في اليوم ؟؟
ووش الاشياء اللي اعطيها لها عشان تتعافى صحتها مع العلم اني احاول اخليها تاكل شي ني مو راضيه تاكل حاولت في المطبوخ مو راضيه بس اجيب لها رز او شوايه دجاج تاكل واحيانا تاكل واحيانا لا ....

والحين اتمنى افادتي بقدر ما تقدرون

[الشلفان]

حطلها حليب غنم أو أبل ولحم أودجاج واذا كان ماتاكل ودها لاقرب
بيطري يعالجها يمكن بطنها فيه شيء ويعطيك وصفه لنظامها الغذائي
وان شاء الله اين أفدتك
تقبل مروري

[الذود العفر]

أحسن شي رويال كانن أعطه وجبه باليوم بعد القنص

يعني عوده على المغرب مثلا كل يوم بعد صلاة المغرب

عطه كوب كبير مايقارب 500 جرام أنشالله تصتصح سلقتك ,,

[ابو الذهب511]

حبيبي لكزس
.... اذا هي مرهـ ضعيفه ... عطها حليب غنم مع بيض بلدي مخلوط .... وراح تكون قويه خلال فترهـ قصيرهـ وكرماً قول لنا كم عمره على شان نفيدك اكثر !

[راعي الشرفى]

جوعه ثم اعطه الاكل في وقت مثل المغرب ويوميا عطه في مفس الوقت

وانتبه لاتشيل الاكل من قدامه

ولاتعطيه لحم ني

[الــحـاكــمــ]

يا أخوان الكلاب معدتها صغييييييييره
وجبه واحده في 24 ساعه كااااااااافيه
بس إذا سلقتك مريضه ودها للبيطري
يعطيها علاج ديدان وفاتح شهيه
أتمنى إني أفدتك

[ركوووون]

السلام عليكم ورحمة الله وبركاتة
اخوووي
اول شئ طقه ابره معروووفه اسمه (اوفماكا)
ثاني شئ تبي تشووفه ياكل اكل موطبيعي
عقب انشا الله مايتعافى جبله خبز يابس ودقه له وبعد جبله تمر وحطه بلماء لين يموع وخله عنده 24 ساعة
المهم اهم شي طقه الابره شفه عند الصيدلين
تقبل مروري
اخوووك راكان :good2:

[لكزس 1]

يعطيكم الف عافيه على ردودكم ومروركم بيض الله وجيهكم ...

السلقه عمرها سنه و3 شهور تقريبا والاكل اللي اعطيها اياه لحم مطبوخ او دجاج شوايه امس اعطيتها الوجبة بعد المغرب والحمدلله اكلتها بس بعض الاحيان ماترضى تاكل وان شالله بنزل لكم صورها وعلى فكرة انا اعطيتها ابر اللقاحات ضد كل الفايروسات واعطيتها ايفوماك حقت الدود وكانها احسن بس ابي نصايحكم اكثر في التغذية والمئوى هل احط لها مكيف مثلا او وش الطريقه المثلى ...

تحياتي للجميع

[ابوحمد 2009]

ان شااء الله افادوك الاخواان

[الذود العفر]

بالنسبة للمكان والتكييف على حسب الأجواء اللي عندك وفيه ناس حريصه تلقاهم يحطون مكيف صحراوي للسلق

اما انا ماأحط لهن أهم شي يكون ظل في المكان و نظافة المكان والأرضيه ,,

وبالنسبة للأكل طع شوري وأترك عنك فضلات الطعام وأشتر لسلقتك كيس رويال كانن به جميع الفيتامينات

والعناصر الغذائيه ,,

أتمنى أن أكون أفدتك ..

[قناص الوسطى]

اذا كان سلقتك ضعيفه مرة حاول انك تحط 4قطع صغيرة ثوم في علبه مويه ام ريال وتنقعها ساعه وبعد تفتح فمها وتحقن المويه مع قطع الثوم في فمها سلقتك يمكن عندها ديدان في بطنها وهذا افضل علاج لها ونشا الله راح تشوفها تتحسن وترى وجبه بنسبه لها في اليوم كافيه بس اهم شي حطها بضلال وخل المويه ناقعه عندها ولايحتاج مكيف ولا شي

[لكزس 1]

الله يعطيكم العافيه يا اخوان ماقصرتوا بردودكم كيفيتوا ووفيتوا بيض الله وجيهكم

[ظبيان 505]

عطها ثلاث وجبات في اليوم الصبح عطها حليب السوديه ويه تمر وعطها الظهر اول ما تخلص من الغدا عطا نصدجاجه وحليب ول عطها عيش وحليب وكذا انا اسيوي كذا حق جراوتي واذا تبي التدريب قولنا عشان انزيد خبره

[هيبة قناص]

كل واحد يخبز من عنده .. ودها للبيطري وريح راسك بعضهم يخبز ولا يدري وش الطبخه .. السلقه في بطنها دود ويوجعها ولا يخليها تاكل وبس انشدني انا

[ابو ثآمر]

اتوقع دجاجه كامله تكفي باليوم

اما من ناحية الاكل انا انصح بالمكعب

اذا ما نفعت الاوفيمك عطها حبوب دود