المساعد الشخصي الرقمي

مشاهدة النسخة كاملة : عوامة الفتك


trtr691
17/07/2010, 09:46 PM
السلام عليكم ورحمة الله وبركته

يا اخوان قبل فتره كنت راجع من سفر وضربت في مطب جامد شوي وانتبهت بعد دقايق ان عداد البنزين بدا ينزل شوي شوي الى وصل للاخير يعني يعطي قراءة ان التانكي فاضي والتانكي الاحتياطي صار ما يحول مع العلم ان العداد ما يلعب طايح على الاخير

المشكلة اذا وقفت السيارة اسمع خرخشة داخل التانكي فهل يمكن اصلاح العوامة ولا

افيدوني يالربع لا هنتوا
trtr691
18/07/2010, 02:11 AM
يالربع ردوا على الاقل قولوا ما نعرف

19 مروا على الموضوع مرور الكرام
سوبر VTC
18/07/2010, 03:16 AM
لازم تفك التانكي و تشوف هل العوامة منطلقة ام لا ؟
دايم تخرب بالباترول م2001 و تحت و مايشتغل التانكي الاضافي
يفكون التانكي و تكبس العوامة لمكانه وتربط بسيمين من جهتين متعاكستين
و لك و للزمن

رد في موضوع سابق
التانكي مايحول و اللمبة والعة



http://www.mekshat.com/vb/../pix/upload02/images54/mk58646_subtank.jpg


يتضح ان كود ( لمبة ) التانكي الاضافي مولعه SUB TANK و بهذه الحالة لا يمكن تحويل البنزين من التانكي الاضافي الى التانكي الاساسي ...


سابقاً كانت تولع و اذا احتجت البنزين الاضافي او اذا كان عندي مشوار طويل افصل اصبع البطارية و اعيده مره ثانية و تطفي و تجلس فترة طويلة - شهر , شهرين , ثلاثة شهور - ثم تولع اما هالحين ما تجلس ولا ربع ساعة الا وتولع مره ثانية و يستحيل تحويل البنزين من تانكي لاخر ؟؟!!..


شباب اللي عنده الحل ينقذنا الله لا يهينه ,,, او اللي يعرف ورشة سبق ان حلو هالمشكلة - ما احب المغامرة و تجارب العمالة - يدلني عليها ..


والله يجزي الجميع الخير والبركة ...


وما ودي اودي الموتر للوكالة مواعيد وصرف دراهم و كذب واختلاس للمسلمين ...

رد في موضوع سابق

هل خرب زر التانكي الاحتياطي مايحول ؟
هل انبير البنزين سابقا يلعب مره فل و مرة على النص
و مره على الربع
عموما
عندك ورشة التركي تخصص نيسان بالصناعية القديمة
او ورشة العثيم + ورشة يوسف الخضير في بريدة
غالبا يخرب التانكي الاحتياطي بالفتك
و شغله يكلف مع الضمان من 300 الى 500ريال
الخراب بنفس الطبلون خراب ايسي مثل ايسي ارسال الكنود او الايكوم
و قد يكون العطل
قاعدة العوامة منطلقة من محله و تسبب المشكلة
او من الفيش او كتاوت او فيوز
و لازم يتاكدون من الظفيرة
لكن غالب المشكلة من الطبلون
دام ان الانبير يلعب فالمشكلة من الطبلون باذن الله خراب ايسي بنفس بورد او خريطة الطبلون
الفتك احيانا مايشتغل و السبب الكتاوت يلذع و يسوي طبقة كربون سوداء تمنع توصيل الكهرب مثل املاح اصبع البطارية
لتفادي المشكلة
ماتشغل الموتر حتى تطفى الطرمبة + تطفى لمبة التشيك بالطبلون
عندنا الكهربائي العثيم ببريدة يصلح الكتاوت على الضمان ب50ريال
الان نزل بالمحلات كتاوت جديد لونه اخضر
على كلام الاعضاء انه حل لمشكلة الكتاوت السابق لونه ارزق

فائدة لو ماشتغل الموتر اضرب الديكور يسار الدركسون و افتح السويتش
راح تسمع صوت اشتغال الطرمبة
كد صارت المشكلة لفتك م2005 + م2006 + م2008
بسبب الكتاوت مرة بالصمان و مرة بالنفود الكبير
ايضا يوجد درج صغير يسار الدركسون افتحه تحصل كتاوت زرقاء
اضرب الكتاوت اللي يمين فوق بمفك
اقنعه بالمفك عدة مرات و افتح السويتش
و راح يشتغل باذن الله

رابط

مشكلة عداد البنزين في الباترول (http://www.mekshat.com/vb/showthread.php?t=286566)


رابط اخر مميز بالصور

حل مشكلة تخريف عداد الباترول (http://www.mekshat.com/vb/showthread.php?t=301693)


موفق
trtr691
18/07/2010, 04:32 AM
مشكور يالغالي ابروح لورشة وبخليهم يفكون التانكي ونشوف اللي الله يكتب به