ارجو الا افاده يا اخوان

[نجم و سما]

السلام عليكم ورحة الله وبركاته

مساء الخير : صباح الخير

اخواني الاعضاء .

ارجو منك تفيدوني با الطيور الحر.

ناس تقول طول الطير الوافي 16 ونص هذا ينقال له وافي وطير شيوخ كما يسما وناس ثانيه يقولون لا طول الطير الوافي من 17 فما فوق ونا بصراحه كل ما اسأل صقار يقولي كلام منهم يقول 17 ومنهم يقول لا من 16 ونص يعتبر طير كامل ونا ابي الصحيح الطير الكامل كم مقاسه با الضبــط

ولكم جزيل الشكر

[عـــرادي]

وعليكم السلام ورحمة الله وبركاته ... وبعد

اللي اعرفه انا بخصوص الطير الحر

- من 16 وفوق الطير تام واقل منها مثلوث
- من 17 وفوق الطير وافي
- من 17.5 وفوق يقاله الطير مدبغ

هذا حسب عرفي واكيد تختلف المسميات حسب اختلاف المناطق

وننتظر باقي الأعضاء اكيد اعلم مني

أخوك / بدر العرادي

[قناص الهدف]

وعليكم السلام

انقل لك موضوع سبق ان طرحة الاخ ابو رداد وهو





التسميه حسب الحجم او القياس
.
.
.
.





تنقسم كل فصيله من الصقور حسب القياس الى 5 قياسات ... والبعض يقسمها الى اربع قياسات ويلغي النادر والبعض يقسمها الى ثلاث قياسات ويلغي النادر والمحقور والبعض الاخر يقسمها الى قسمين كامل ومثلوث فقط ولكني ارجح التقسيم الى خمس قياسات كونها توضح تسميات الصقاقير القدامى اكثر... والله اعلم



وسوف استعرض هنا الحر والشاهين البحري كونهما اكثر فصائل الطيور استخداما عند العرب

اضافه الى انها تتاثر بشكل مباشر بهذه القياسات
.
.
.



التسلسل حسب كبر الحجم
.
.
.



الحر



النادر/ 17 ونصف انج , 18 انج

الشاهين
النادر 17 انج ، 16 ونصف انج
.
.




الحر



الكامل/ 16 ونصف انج , 17 انج

الشاهين
الكامل / 16 انج , 15 ونصف انج
.
.



الحر



اللزيز/ 16 انج

الشاهين
اللزيز / 15 انج
.
.



الحر



المثلوث/ 15 انج , 15 ونصف انج

الشاهين
المثلوث / 14ونصف انج ، 14 انج
.
.



الحر



المحقور / ماكان قياسه ادنى من 15 انج وقد يصل الى 13 انج

الشاهين
المحقور / ماكان قياسه اقل من 14 انج وقد يصل الى 12 انج

[نجم و سما]

اخوي عرادي

يعني الطير لا جا طوله 16 مو مثلوث .؟
مع العلم عندنا يسمونه مثلوث ونا والله العظيم اني انثولت يا رجال الي يقولي مثلوث والي يقولي وافي مع العم انهم صقارين الي قولون هذا الكلام .
ونا الي ابيه الطير لا جا اقل من 17 هل هو طير كامل او لا

شاكر لك اخوي

[نجم و سما]

قناص الهدف الله يعطيك العافيه ماقصرت
لكن مثل ما قلت في سياق الموضوع هل 16 او 16 ونص كامل اول طير وافي ينقاله طير صقار .
وانت ما قصرت با الي شرحته لي شاكر ومقدر لك

[قنيص غير]

الله يعطيهم العافية الاخوان ماقصروا

[عـــرادي]

اخوي عرادي

يعني الطير لا جا طوله 16 مو مثلوث .؟
مع العلم عندنا يسمونه مثلوث ونا والله العظيم اني انثولت يا رجال الي يقولي مثلوث والي يقولي وافي مع العم انهم صقارين الي قولون هذا الكلام .
ونا الي ابيه الطير لا جا اقل من 17 هل هو طير كامل او لا

شاكر لك اخوي


حياك الله يالغالي
لا تدوخ راسك أبد الموضوع بسيط ولكن انت لازم تعرف أن فيه فرق بين التام و الوافي في الحرار
التام هو الطير اللي اللي يجي مقاسه من 16 وفوق في الطول والعرض ( طول و عرض )
التام يعني ليس مثلوث
الوافي هو الطير اللي مقاسه زايد أو الطير الكبير في الحجم من 17 وطالع
مثال بسيط /
- انا بوصف لك طير واقول لونه كذا وفعله كذا والطير وافي .
يعني الطير حجمه كبير ب 17
- وعندي طير ثاني لونه كذا وفعله كذا والطير تام .
يعني الطير ( ليس مثلوث )

هذا اللي متعارف عليه عندنا في نجد

وتقبل خالص تحياتي ،،
أخوك / بدر العرادي

[VXR2000]

ماقصر بدر العرادي عطاك اجابة وافية
من 17 فما فوق وافي 16 يقاله تام خاصة اذ جاء البوز وافي والارض وافية
وسلامتك

[ابوناصر السهلي]

افادك عرادي الله يعطيه العافيه

[نجم و سما]

بيض الله وجهك يا عرادي ما قصرت

[skeet]

افادك اخونا العرادي وموضوعك طيب ولا زال فيه اختلافات مع الصقاقير بصدد هالموضوع

[صقار الأسياح]

اخوي المتعارف ان من 16ونص يقاله وافي واللي اقل الى ال16 مغلطاني واللي اقل من 16 مثلوث