مأساتي مع المكيف

[فارس7]

السلام عليكم
تكففففون تكفون
عندي فور 2002 جراندماركيز المكيف جته هلوسة صار الهواء يطلع فوق الطبلون وينزل عندالقدمين ومايطلع من الأمام بمجرد ازدياد سرعة السيارة بالعلم ان تبريده ممتاز .ارجوكم عطوني حل

[وحش قرناس]

الله يعينك الحال من بعظه والموديل زيك اذا عرفت من برا المنتدى لا تنسى اخوك لاني كم لي وانا معاني من المشكله خص في القايله بعد الدوام

[فارس7]

فيه مشكلة كمان أحيان يقلب المكيف على الحار جدا ومايرجع وتسمع طقطقه خلف المسجل والحل اعطانياه واحد حصلت له وقالي فيه حساس وراء الطبلون صعب مرة لازم الوكالة بس عشان تتفادى المشكلة
1-افصل البطارية عن السيارة لمدة ساعتين أو أكثر وبعدين ركب الأصباع حق البطارية .
2- أو انك تلغي المكيف الحار تفصل الليان الأسودان اللي رايحات داخل السايرة من الكبوت .

[ابونايف2010]

اخي العزيز
اذا كان المكيف عادي هاذي عادتاً تكون من الموزع زي ماقلت خلف المسجل
واذا كان المكيف اكتروني اكثر مايخرب فيها الشريحة الاكترونية للوحة المكيف
الله يعيننا وياكم على هالحر

[فارس7]

صباح الخير اخوي

[فارس7]

المكيف عندي تماتيك
فين مكانها الشريحة

[ابونايف2010]

الشريحة تجي خلف ازرار المكيف

[فارس7]

الله يعافيك
يعني الشرحة الخضراء اللي بالأزارير وهل انهاتتصلح ولا جديد

[سوبر VTC]

اذا كنت الموتر واقف يطلع الهواء من الامام ؟؟؟

اذا كنت الموتر ماشي يتوقف هواء الامام ؟؟؟

اذا كنت تمشي على سرعة 70 او سرعة 100 مثلا
ارفع رجلك عن الابنص هل يطلع هواء من الامام ؟؟؟

[كبسولة2]

مشكلة من مفاتيح المكيف الكتورنية من موديل 2002

وطالع خذ لوحة مفاتيح مكيف فورد 98 من التشليح وركبها

<<<<<<<<<<<<<<<<<<<<<<<<<<<<<<


السلام عليكم ورحمة الله وبركاته


اسعد الله مساكم بكل خير

طبعاً كلنا عارفين مشكلة مكيف الفورد المشهوره واللي هي تحويل الهوا من فوق ومن تحت
ووقوفه نهائياً من الامام او خروجه بشكل متقطع

طبعاً انا لفيت ودرت وسألت لاني ماودي العب بالسياره او اخلي احد يلعب فيها
والحمدلله رزقني الله بواحد ابن حلال ووبين لي المشكله وحلها
طبعا باقي العماله رفضوا يوضحون وش المشكله وما يقولون لي الا
بس خل السياره وروح http://www.assayyarat.com/smiles/xyxwave.gif <<< ماهم عاقلين تقول وكالة ناسا

المهم ما اطول عليكم

الرجال وراني القطعه المسؤله عن هذا كله
وطبعا هي ماتباع لحالها ولازم تشتري اللوحه كامله وهي تجي مرفقه معها

واللوحه كامله زي ماحنا عارفين ب2000 على كلام الاخوان فالمنتدى من غير البرمجه
وانت اصلا ماتحتاج بهالفلم كله الا لهالقطعه

طبعا القطعه انا صورتها عشان تشوفونها
وتحصلونها بالتشليح وعلى كلامه ماتتعدى ال50 ريال

لكني والله ماصلحتها لاني بصراحه مافضيت اروح للتشليح لظروفي
فقام جزاه الله خير بعمل طريقه تحايليه ماتضر ابد بالسياره الى ان ادبر له القطعه
واللي زي ماقلت ماتجي لحالها بالوكاله

صورة القطعه

http://www.assayyarat.com/forums/images/statusicon/wol_error.gifهذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 648x486 .http://www.moeforum.net/vb1/uploaded/16416_1210861493.gif


سامحونا طبعا هالصوره قبل اسبوعين ايام الامطار ولله الحمد ونسيت لأغسل السياره http://www.assayyarat.com/forums/images/smilies/biggrin.gif
طبعا هذي القطعه لمكيف سياره موديل 97 او 95 زي ماقالي الفني
لاني زي ماقلت لكم مافكيت القطعه اللي بسيارتي قلت لين احصلها
وعلى العموم هي شبيهه بالموديلات الجديده لكن تختلف الاسلاك فقط
على حسب كلامه وماتفرق الا ان الجديده تجي سلك سلك سلك سلك
اما هذي وهي حقت الموديلات القديمه تجي سلكين سلكين سلكين سلكين << حاس الدنيا بس ان شاء الله انكم فهمتوها http://www.assayyarat.com/forums/images/smilies/biggrin.gif واذا مافهمتوا راجعوا الصوره وان شاء الله بتفهمون http://www.assayyarat.com/forums/images/smilies/confused.gif



لكن زي ماقلت لكم سويت الحل المؤقت وهو يريحك لين تضبط وضعك وتحصل القطعه
انا سمعت الناس يقفلون الفتحات اللي تحت بسيم ويفتحون اللي يفوق ويخربقون الدنيا ويعدمون سياراتهم

لكن فيه حل بسيط جداً جداً جداً

فيه قسام حق ليات موجود تحت الدرج طبعا تروح لاي فني يفصله ويشبك بلي مباشر ويصير يطلع
من قدام على طول

وبكذا يصير المكيف شغال مع الوجه وحل بسيط وجميل بدون لاتخرب سيارتك واسيام وتعدمها
وعلى البركه

طبعا في نهاية الموضوع ماحطيته الا خدمة لاخواني بهالمنتدى
ومابي الا الدعوه الصادقه وجزاكم الله خير

منقوووول

[؟؟؟شادي نجد؟؟]

السلام عليكم

اخوي انا صارت لي هالمشكلة قبل والخراب ما تتوقعه ؟

طلع القسام هو المشكلة بالموضووووع هو اللي يقلب لي المكيف الى حار ومرات يزيد الهواء علي فجأة

القسام سعره 110 ريال من محلات القطع اللي بحي الخليج بالرياض

وتركيبه بـ 150 ريال

ولله الحمد ضبط عندي ومشكلة القسام عادة هي الي تحوووووس ابو الدنيا بمكيف الفورد

قبل لا تحكم على الشريحة

روح اخذ القسام ولا تخسر نفسك شي واجد وهذا يا كثر ما يخرب لأنه بلاستك ويفرط وبعدها يطقطق

الله يعيننا و أياك

[فارس7]

السلام عليكم
والله صارت لي نفس المشكلة ودورت اي لي مفصول حق القسامات مافيه والهواء للحين مرة فوق مرة تحت وراح اسوي اللي قال عليه اخوي كبسولة 2 والله يجزاك خير