التانكي الاضافي للفتك .. غريبه

[سوبر2005]

صباحكم ومساكم ورد
اخواني الاعضاء
انا عندي مشكله بالتانكي الاضافي للباترول 2005م فتك
اذا عبيت التانكي الاضافي واخليه 2يوم بعدها يبداء ينقص مادري وش المشكله
ولكن خلال اليومين تمام ماينقص ابد وبعدها ينقص بسرعه يعني يمكن بيوم يخلص بدون ما احول للتانكي الاساسي
افيدونا الله يجزاكم خير

[العابر2222]

أخوي هل النقص اذا فضى التانكي الأساسي ؟؟

[قرم العيال]

طبيعي
هذي عندي سلمك الله عبيت الاثنين فل

بـعد كم يوم لقيت الاحتياطي مفضي نفسه على الاساسي ولكن ما هب مثل وسرعه زر التحويل

[سوبر VTC]

رد في موضوع سابق

لازم تفك التانكي و تشوف هل العوامة منطلقة ام لا ؟
دايم تخرب بالباترول م2001 و تحت و مايشتغل التانكي الاضافي
يفكون التانكي و تكبس العوامة لمكانه وتربط بسيمين من جهتين متعاكستين
و لك و للزمن

رد في موضوع سابق
التانكي مايحول و اللمبة والعة



http://www.mekshat.com/vb/../pix/upload02/images54/mk58646_subtank.jpg


يتضح ان كود ( لمبة ) التانكي الاضافي مولعه SUB TANK و بهذه الحالة لا يمكن تحويل البنزين من التانكي الاضافي الى التانكي الاساسي ...


سابقاً كانت تولع و اذا احتجت البنزين الاضافي او اذا كان عندي مشوار طويل افصل اصبع البطارية و اعيده مره ثانية و تطفي و تجلس فترة طويلة - شهر , شهرين , ثلاثة شهور - ثم تولع اما هالحين ما تجلس ولا ربع ساعة الا وتولع مره ثانية و يستحيل تحويل البنزين من تانكي لاخر ؟؟!!..


شباب اللي عنده الحل ينقذنا الله لا يهينه ,,, او اللي يعرف ورشة سبق ان حلو هالمشكلة - ما احب المغامرة و تجارب العمالة - يدلني عليها ..


والله يجزي الجميع الخير والبركة ...


وما ودي اودي الموتر للوكالة مواعيد وصرف دراهم و كذب واختلاس للمسلمين ...

رد في موضوع سابق

هل خرب زر التانكي الاحتياطي مايحول ؟
هل انبير البنزين سابقا يلعب مره فل و مرة على النص
و مره على الربع
عموما
عندك ورشة التركي تخصص نيسان بالصناعية القديمة
او ورشة العثيم + ورشة يوسف الخضير في بريدة
غالبا يخرب التانكي الاحتياطي بالفتك
و شغله يكلف مع الضمان من 300 الى 500ريال
الخراب بنفس الطبلون خراب ايسي مثل ايسي ارسال الكنود او الايكوم
و قد يكون العطل
قاعدة العوامة منطلقة من محله و تسبب المشكلة
او من الفيش او كتاوت او فيوز
و لازم يتاكدون من الظفيرة
لكن غالب المشكلة من الطبلون
دام ان الانبير يلعب فالمشكلة من الطبلون باذن الله خراب ايسي بنفس بورد او خريطة الطبلون
الفتك احيانا مايشتغل و السبب الكتاوت يلذع و يسوي طبقة كربون سوداء تمنع توصيل الكهرب مثل املاح اصبع البطارية
لتفادي المشكلة
ماتشغل الموتر حتى تطفى الطرمبة + تطفى لمبة التشيك بالطبلون
عندنا الكهربائي العثيم ببريدة يصلح الكتاوت على الضمان ب50ريال
الان نزل بالمحلات كتاوت جديد لونه اخضر
على كلام الاعضاء انه حل لمشكلة الكتاوت السابق لونه ارزق

فائدة لو ماشتغل الموتر اضرب الديكور يسار الدركسون و افتح السويتش
راح تسمع صوت اشتغال الطرمبة
كد صارت المشكلة لفتك م2005 + م2006 + م2008
بسبب الكتاوت مرة بالصمان و مرة بالنفود الكبير
ايضا يوجد درج صغير يسار الدركسون افتحه تحصل كتاوت زرقاء
اضرب الكتاوت اللي يمين فوق بمفك
اقنعه بالمفك عدة مرات و افتح السويتش
و راح يشتغل باذن الله

رابط

مشكلة عداد البنزين في الباترول (http://www.mekshat.com/vb/showthread.php?t=286566)


رابط اخر مميز بالصور

حل مشكلة تخريف عداد الباترول (http://www.mekshat.com/vb/showthread.php?t=301693)


موفق

[سوبر2005]

اخواني الله يجزاكم خير
ولكن التانكي الاضافي مستحيل يفرغ بالاساسي دام ماتضغط على زر التحويل وانا عندي التحويل تمام يحول مافيه مشكله بس انه احول قبل يمر يومين من التعبيه وبعدين لو يحول للاساسي كان اشوفه يرتفع عندي الانبير ولا فيه تهريب
بس واحد من الشباب يقول فيه حاجه اسمها التبخير او ماني عارف اسمها بالضبط ويقول على شان كذا يطير البنزين
... اخوي سوبر فتك انا ماعندي مشكله بالانبيرات كان عندي مشكله بس صلحتها عند ابو صالح التركي ولمبة التانكي الاضافي ماولعت عندي يعني كلش تمام مشكلتي البنزين يطير وين يروح مادري ...
اشكركم على مروركم وتجاوبكم والله يجزاكم خير وانتظر المزيد من الحلول ... تحياتي

[A.S.A.1]

الوضع طبيعي جداً ولا يوجد عندك أية مشكلة ، والسالفة أن التانكي الرائيسي إذا( نقص البانزين فيه عن الثلث فما أكثر) تقوم طرمبة التانكي الصغير( إذا كان ممتليْ) بالتحويل للتانكي الرائيسي أوتومتيكياً دون تشغيل زر التحويل (ولمدة 5 ثواني فقط) عند كل تشغيل للسيارة ثم تتوقف عن التحويل وهذه المعلومة موجوده في كاتلوج السيارة..وللتأكد من الوضع قم بفتح غطاء التانكي الرائيسي وشغل السيارة سوف تشاهد البنزين يتحول ويصب في رقبة التانكي الرائيسي ، بشرط مراعاة المكتوب بالون الأحمر عند التجربة..

[سوبر2005]

A.s.a.1
حياك اخوي
انا بتأكد من المعلومه يمكن كلامك صحيح واتمنى مع اني ما اعتقد لان لو اعبي التانكي الثاني والرئيسي مافيه الا ربع ماينقص شي من الاضافي الا بعد يومين ولا يزود عندي بالرئيسي بس يمكن تقول انت 5 ثواني بس يمكن كلامك صحيح
على العموم اشكرك على مرورك وإفادتك

[سوبر2005]

غريبه يعني المشكله معقوله طبيعيه واتلاشاها برأيكم

[A.S.A.1]

ايش صار على التجربة اللي ذكرت لك، إذا كان الوضع سليم فما فيه داعي تسميها مشكلة...

[aljthab]

نفس ملاحظتك موجودة في موتري باترول 99
الاحظ بعد فترة تناقص التانكي الاحتياطي عن الفل
وقلت اكيد انة يحولة على الاساسي ولا اهتميت بة:)