إلى خبراء الباترول (باترول 2004 توماتيك فل اوبشن مشكلة في تبديل السرعات )

[مكشاتي12]

السلام عليكم ورحمة الله وبركاته
يالربع عندنا مشكلة في باترول 2004 فول ابشن قير توماتيك وعايدي
المشكلة صارت مرتين فقط بحيث انه مايبدل السرعة يعني مايريح اثناء استخدام التوماتيك
يبقى معلق لين تصل مشوارك وهو معلق بعدين سلك طبيعي كأن مافيه شيء
وبعد ثلاثة اسابيع تكررت المشكلة وقفنا الموتر بموقفه والعصر شغلناه ورجع طبيعي
رحنا نبي نغير الزيت الجيربكس والفلتر وعجزوا يفكونه البناشر
الشركة يقولون ماله فلتر نهائيا ولا غيرنا الزيت عندهم قالوا بـ 800 ريال قلنا مع السلامة
طبعا ماقد تغير زيت الجيربكس ولا الفلتر سابقاً
مع العلم أن الموتر ماشي تسعين الف كيلو فقط
هل المشكلة في عدم تغيير الزيت والفلتر سابقاً أم غير ذلك ؟

[مكشاتي12]

حاولت احذف الموضوع وانقله الى منتدى الاعطال لكن مانحذف !

[دحيم العبود]

اتمنى يخدمك هالموظوع ولاتنسنى من الدعاء

http://www.mekshat.com/vb/showthread.php?t=313679

[راعي النياسين]

اخوي مشكلتك بسييييطه ان شاء الله

المشكله يالذيب من كتاوت القير والله اعلم

سعرها جديد من الوكاله 60 ريال

[قرم العيال]

عساك ما غيرت الزيت بس !!!!!!!!!!!!!!!!!!!!


نصيحه يالغالي 800 ريال عند الوكاله احسن من ابو يمن
النصاب

ولا قير بـ 16 الف وطالع ..

اتعجب من البعض يسترخص شي على حلاله


المشكله عندك ليست بالزيت

عندك الكتاوت مولي ..

[قرم العيال]

بالنسبه للفلتر

عطهم رقم الشاصي يتاكدون من وجود او عدم وجود فلتر للقير

[مقلع الرمث]

كتاوت يبن الحلال ب 80 ريال على الاكثر شفه لا فتحت الكبوت وانت امام الكبوت فيه علبه مستطيله فيه كتاوتات هو احد هذه الكتاوتات لااحد يلعب عليك بالتوفيق

[سوبر VTC]

موقعك يدلونك الربع على ورشة ثقة ؟؟؟

رد في موضوع سابق

و عليكم السلام و رحمة الله

كل عام وانت بخير
لاهنت

ان بغيت فيه ورش زينه ببريده

عند احد ربعي ببريده فتك م2004 سافر لابها و يوم يجا يرجع يعلق بنمره
و لا يريح فصل البطاريه....الخ كل شي و لا نفع :no:
دخله الوكاله و غسلوا القير و لا ضبط
بعد يومين زان الموتر
و السبب ان خارطه القير به رايش الكلتشات و التروس و اذا انسدت خريطه القير المخ ما يعشق القير لان الزيت ينحشر بسبب الرايش
افضل حل
غسل القير و رفع الموتر بالكامل بالعفريته
و جعله يدور على لمده 5 او 10دقائق على جميع النمر
الخارطه معقده جدا
و اشد تعقيد من خارطه قير الجمس و الفورد و التويوتا و الشيروكي
قيمته بالتشاليح ب2700ريال تقريبا
جديده حول 4500

مع احد الاعضاء فتك مابه تهريبات اطلاقا حصل ثلاثه ارباع زيت القير
ناقص :no:
تاكد لا يكون الزيت ناقص !!!!!!!!!!!!
اذا كان ناقص القير ما يعشق لانه لايوجد زيت كافي

يوجد بالرفرف الايسر كتاوتات خاصه بالمكينه و القير
بدل بينهن و قنعهن بالمفك مع فصل البطارية
اسم الكتاوت ( A/T) ( ING)


اقتباس:
السلام عليكم شكلهم يا يبون يكسرون الفيوزات من الطقطقة هههههههه \فعلا مثل ما قال الاخ من الكتاوت بدله مع اللي مكتوب عليه a\t

اقتباس:
انا صارت معي في فتك 2003
المشكلة صارت من الكتاوت اللي جمب قربت الهواء فيه 3كتاوت زرق واحد من الكتاوت هو كتاوت حساس الدعسة يصير لونة اصفر من الحرارة

اقتباس:

افتح كبوت سيارتك

وافتح بوكس الكتاوت اللي بين فلتر الهوا والرفرف

واتبع التعليمات اللي بالصورة . تبديل كتاوت لمبة الريوس مع كتاوت المحرك المهم جرب بين الثلاثة

وأنا وضعتها في نيسان أرابيا لأن هنام موضوع سابق لي لنفس المشكلة


http://www.nissan-arabia.com/vb/attachment.php?attachmentid=2061



اقتباس:
اقول يالغالي خذ العلم كان عندي مشكلة قريبة من هذي المشكلة وبحث في مكشات ولقيت الحل
ابشر بالفرج انشاء االلة تفرج
فية على يمين الكبوت اذا فتحته علبة كتاوت في العلية هذي ثلاث كتاوت زرق وواحد لونة بني
اللي في النص الازرق هذا حق منظم القير اذا كان توبترونك انصحك تغير واللي قدامة على طول حق الدعسة غيرة واظمن لك بعد اللة ان تدعيلي
سعر الكتاوت هذا 128 ريال تقريباً
وارجو انك تطمني اذا مشت الامور



اقتباس:
هذه مواضيع مجمعه و شاملة باذن الله للاخ المميز


جميع مشاكل البـــــاتـــــــــــــــــــــــرول وحلولها تجدها تحت سقف واحد (http://www.mekshat.com/vb/showthread.php?t=95330)





هذا رد لشخص معه فتك 2004 و زان الموتر
بعد تغيير الكتاوت
لكن بعد كم رجعت المشكله و ما ضبط الا يوم غسل القير بمعنى حط زيت جديد لمده 5 او 10 دقائق و خلاه يدور على القير
P R N D 1 2 3 4
همن فرغ الزيت و حط زيت جديد و بعد كم يوم زان و الى يومك :good:




اقتباس:
ألف شكر لكل من شارك في هذا الموضوع وما هي غريبة على رجال مكشات ..
بالفعل تم تغيير الكتاوت القريب من فلتر الهواء (( أول كتاوت من الكتاوتات الزرق الثلاثة عندما تفتح الكبوت )) والأمور حتى الآن تـــــمــــامــــم 100%...
تحياتي لكم جميعاً






اقتباس:
اخوي وحداني ومبسوط ياطويل العمر اذا كان موترك اذا شغلته وجت في المشكله هنالك لمبة في الطبولون العادة تشتغل اول ماتشغل السيارة 3 ثواني وتطفى صارت تقعد تشر 10ثواني فالحل كالأتي
هنالك كتوات يضبط الكهرب الي يدخل للقير في الكبوت تغيره ويزبط معاك وياليت ترد علي في اقرب فرصة
عشان اعلمك وين مكان الكتاوت فيه







اقتباس:

المشاركة الأصلية كتبت بواسطة عاشق

ياجماعة الخير لقيت الحل عن طريق احد الاخون في احد المنتديات
وهو عبارة عن كتاوت موجود في الكبوت يسار المكينة في علبة كتاوتات هو الاول منها من جهة السواق يخرب ويصير يلعب في الكهرب الي رايح للقير وغيرته ورجع الموتر مافيه شي ولله الحمد والمنه
رقم القطعة للاستفادة هي Ni-25230-79915
اقتباس:
الظاهر في هالمنتدى مافيه منهو مثلي غيرت الدعسه والكمبيوتر جديد وكاله ولا نفع وصار الخلل (كتاوت ب50ريال ).الله لايخسر .




اقتباس:
انا كلمت كهربائي عنده فتك خربان قيره
و حصل الخراب من خارطه القير
و السبب يقول على كلامه => انه من رايش القير كلتشات و تروسه
و ايضا جلد الموتر لانه اذا احتمى القير تتاثر خارطته
و قيمته تقريبا من 2500 و طالع
يقول زيت القير تغيره كل 100000الف
موفقين






اقتباس:
أخوي أبو عدلة مشكلتك حصلت معي .. إذا أنك غيرت الحساسات وغلقت زيت القير ولاضبط ... ما لك إلا تفك الكرتيل وتنظف القير والفلتر وتغير الزيت كامل وتسويلة برمجة بالكمبيوتر والموتر يمشي ...وإذا ما ضبط في أول يوم استخدم الموتر كم يوم حتى ينظف المغناطيس الرايش الموجود في القير ... هذا ما حصل معي بالضبط ..
انتبه لاتستعجعل على فك القير وتغييير الخارطة لأنها غالية عند الوكالة سعرها 5000 ريال ,,,,,
اقتباس:
هذي الخارطه (المخ) و بداخله الحساسات مثل الكتاوت تقريبا مثل لف الدينمو
لف نحاس
ادخل هذا الرابط

๑×۩۞۩๑ اذا سيارتك قير اوتوماتيك وصار فيه خلل هذه بعض النصائح๑×۩۞۩๑ ‏ (http://www.mekshat.com/vb/showthread.php?t=221402)



http://www.mekshat.com/vb/../pix/upload03/images121/mk32037_subaru_vb.jpg

صوره:
http://www.mekshat.com/vb/../pix/upload03/images121/mk32037_1342206-valve_body_disassembled.jpg







اقتباس:
انا ما ادري هي حلت المشكلة او قائمة بس هذي المشكلة تمر علي على طول من موديل 2002 الى 2007 هذا فيه علبة فيوزات (كتاوت)موجودة على الرفرف الامامي الايسر في الكبوت داخله كتاوتات لونه ازرق واحد مكتوب عليه a/t هذا حق القير غيره قيمته بالوكالة 45 ريال و الازرق الثاني حق عزم المكينة وللاستفسار 0507040452 رسالة



اقتباس:

للفائده

الفتك اذا
كان يكتم فعاده يكون من منظم اللهاة سعره كامله ب1700 تقريبا
البديل عنه يركب منظم مكسيما ب300ريال http://www.mekshat.com/vb/..////images/smilies/icon14.gif
تركب بالملي :good:

هذي اللهات اللي راكب عليه الويرات (الاسيام)
لاحظ المنظم يمين اللهاة
اللهاة هي الي في الوسط مدورة و يفتح مع دعس البنص مثل الباب



http://www.mekshat.com/vb/../pix/upload03/images118/mk548_6.jpg


http://www.mekshat.com/vb/../pix/upload02/images77/mk53291_hjphjp2.jpg


http://www.mekshat.com/vb/../pix/upload02/images77/mk53291_ond1.jpg












موفق

[محسن اليامي]

اخوي مشكلتك بسييييطه ان شاء الله

المشكله يالذيب من كتاوت القير والله اعلم

سعرها جديد من الوكاله 60 ريال

:good2: وتلقاه بالصوره اللي حطها أخونا سوبر فتك

[رفيق طافي]

هلابك اخوي انا معي موتر مثل موترك بس 2003 وحصل معي نفس المشكله حصل انه يعلق والسبب انك تشغل الموتر بسرعه قبل لا تطفى اللمبه البرتقاليه الي بوسط الطبلون الي تشييك على حساسات القير اذا صارة معك على طول طف الموتر ودق السلف لين تطفى اللمبه البرتقاليه الي بوسط الطبلون ويسلك معك اما بالنسبه للزيت حق القير يقولون مافيه الا عند الوكاله لكن لا يهمونك انا غيرت زيت في اكس ار خمسه غيار يعني من 2003 وطالع لانه نفس المواصفات او زيت قير البي ام كلها بنفس المواصفات لان خويي مغير زيت بي ام وانا زيت في اكس ار وماشي عليه الحين حدود الثمانين الف كيلو
وارجو اني افدت وتقبل مروري:good2:

[almassam]

هلا
أستوتلي نفس المشكله كنت في البر وسياره بعدهى حاره طفاتها يوم حركت السياره علق القير على القير الثالث وداته الوكيل فحصو السياره قالو في القير شي أيسمونه ريلا سنسر أخترب المهم غيرو السنسرات وبدلو الزيت
و الحمد الله كلشي أوكي

[سوبر VTC]

هلابك اخوي انا معي موتر مثل موترك بس 2003 وحصل معي نفس المشكله حصل انه يعلق والسبب انك تشغل الموتر بسرعه قبل لا تطفى اللمبه البرتقاليه الي بوسط الطبلون الي تشييك على حساسات القير اذا صارة معك على طول طف الموتر ودق السلف لين تطفى اللمبه البرتقاليه الي بوسط الطبلون ويسلك معك اما بالنسبه للزيت حق القير يقولون مافيه الا عند الوكاله لكن لا يهمونك انا غيرت زيت في اكس ار خمسه غيار يعني من 2003 وطالع لانه نفس المواصفات او زيت قير البي ام كلها بنفس المواصفات لان خويي مغير زيت بي ام وانا زيت في اكس ار وماشي عليه الحين حدود الثمانين الف كيلو
وارجو اني افدت وتقبل مروري:good2:

بالنسبة لزيت الفكسار هل هو جالون اصفر عليه رسمة قير تماتيك ؟

لانه يجي عند الموزعين نوعين

1 جالون اصفر عليه كتابات انقليزية و رسمة قير تماتيك ب60 او 65 ريال

2 نفس الجالون لكن الفرق يجي عليه كتابات باللغة اليابانية ب85ريال تقريبا

سعودي راعي ورشة ثقة تخصص توضيب قيور تماتيك باترول تويوتا امريكي
ينصح و بشدة بالزيت رقم 2
لانه خصائصه افضل من رقم 1 و
2 هز مخصص لسيارات لكزس لذلك هو الاجود