الفزعه ياشباب

[المنذراوي]

عندي بيكال وحطيت فيها الشوك 660لكن مع الرمي يرتخي قمت حطيت فيه صمغ حديد عشان ارمي وانا مرتاح ومايرتخي الشوك ....المشكله الان ابغا اشيل الشوك ماقدرت في طريقه؟
ارجوكم المساعده.

[الكركي الملكي]

السلام عليكم
أخي للأسف لازم تغير الماصورة بمصورة جديدة لأن لو فكيت التشوك من الماصورة راح يبقى
أثر للصمغ على تسنين الداخلي للماصورة وسوف يمنع أي تشوك ثاني من الربط في هذا التسنين.

[مشاري 11]

انت حاول تفكها

وحاول مره تنضف التسنين الدخلي زين

وشف اذا تنضف وراح اثر الصمغ ممتاز

واذا ما تنظف مالك الا تغير الماصوره

[عقيد حرب]

نصيحة لاتحركة مثل ماقال اخووي الكركي الملكي الخووف على سنة الماسوره ولو قلت ابي اخرطها وش الشوق الي يركب عليها لانه تبي تصير اكبر اكبر من الشوك

[ابو محمد 50]

رح لمحل يصلح السلاح وخذ الماصوره لحا له ويشوفون لك حل ان كنت بالرياض رح لشايقي سوق الزل والقصيم رح للجرده المحلات واجد

[مدير العمليات]

اخي العزيز لاتتضايق ولاهم يحزنون
مشكلتك سهله وماعليك فعله هو كالتالي:
تحمي الماصورة بطريقة احترافيه على مكان السنه على كامل القطر وبذلك تحل التشوك وينحل معاك.
وبإمكانك ان تستعين بقاذف اللهب لعملية احماء الماصورة
لاتأخذ برأيي حتى تتشبع من اراء الاخوان فلابد من مجرب
لك ودي

[صيادالشرقيه66]

انت لا تستعجل شف حاول معها
اذا ما فيه فايده شف لك ماصوره ثانيه
ولا تخرب الماصوره الي عندك خلها احتياط
متى ما احتجتها تلقاها

[فرخ الجني]

والله ما دامك مصمغ الشوك عندي سؤال لك وش كنت تحس فيه او وش كان تفكيرك وقته ؟؟؟