لذوي الاختصاص والخبرة في اللاندكروزر استشارة

[طير حوران]

السلام عليكم ورحمة الله وبركاته.اعضاء المنتدى الله لايهينكم عندي موتري لاندكروزر 6سلندر ماشي 100000 ودي اسوي صيانة له وماعرف وش اغير فيه اذا تتكرمون وتنصحوني بارك الله فيكم وملاحظ على الموتر انه يطلع دخان اسود مع الشكمان وتحياتي لكم اخوكم ×

[جساس5]

شف يا خوي

با لنسبه للمكينه والقير لاتتعرض لها ابد الا اذا فيها عطل واضح

الدخان الاسود هذا بنزين ما للمكينه دخل

اما بقيه اجزاء الموتر

غير جميع الجلد

غير الصليبات

مع التربيط للبقيه

اذا فيه فظاوه في الدركسون غير الاذرعه

ويرجع موترك جديد ،،، وعسى الله يوفقنا وياك

[طير حوران]

مشكور اخي جساس الجلد فيه ورشة بالرياض تنصح فيها تحياتي لك

[؟؟؟شادي نجد؟؟]

تبي النصيحة

اذا موترك ما طلعت عليه للبر واجد لا تقرب ابد بطن الموتر الا للأشياء اللي هي فيها خراب

وبالنسبه للموتر غير ( صفاية البنزين - فلتر المكينه - فلتر الجير - زيت جير - وغسل المكينه بزيت فوكس الاصلي موجود عند محلات الزيوت - غير البواجي - واسلاكها تأكد منها - واهم شي انك تتأكد من الصوف حقت الدبل و الدوده حقت الدركسون انها ما تندي زيت )

هذا اهم ما يلزم للموتر عادة يتغير بين فترة وفترة وهذا اللي اسويه انا والله اعلم

تقبل مروري واتمنى لي ولك الفايده ولاخواننا المسلمين

[سعد2006]

تبي النصيحة

اذا موترك ما طلعت عليه للبر واجد لا تقرب ابد بطن الموتر الا للأشياء اللي هي فيها خراب

وبالنسبه للموتر غير ( صفاية البنزين - فلتر المكينه - فلتر الجير - زيت جير - وغسل المكينه بزيت فوكس الاصلي موجود عند محلات الزيوت - غير البواجي - واسلاكها تأكد منها - واهم شي انك تتأكد من الصوف حقت الدبل و الدوده حقت الدركسون انها ما تندي زيت )

هذا اهم ما يلزم للموتر عادة يتغير بين فترة وفترة وهذا اللي اسويه انا والله اعلم

تقبل مروري واتمنى لي ولك الفايده ولاخواننا المسلمين


صحيح كلامك ياشادي نجد

[طير حوران]

بارك الله فيك اخوي شادي نجد وجزاكم الله كل خير والموتر بوديه لصيانة البازعي واطلب فحص كامل بدون اصلاح وبشوف وش يطلع معهم