جمس لوري دبل موديل 81 مكينة 454

[احساس غريب]

السلام عليكم ورحمة الله وبركاته
مساء الخير للجميع
يا أخوان عندي مشكلة .
عند الوالد جمس (لوري دبل) وايت موديلة 81 مكينة 454 شكمنين
مشكلة الحرارة ترتفع توصل الربع وهو فاضي واذا رحت ارد عليه ترتفع وتوصل الحرارة النص مع العلم ان الشيب قريب منا تقريباً 25اكيلو .
رحت وصيخت الرديتر وغيرت الحساس حق الكهرباء وحطيت حساس حرارة بساعة مستقلة .
ولا زالت المشكلة باقي والمشكلة اني اروح الساعة 6 المغرب يعني تحف حرارة الجو شوي .
تكفون الي يعرف له او عنده حل لا يبخل على بشي .....

ولكم شكري وتقريري

[ابوعقل]

وعليكم السلام

باقي شي ما غيرته وشي ما سويته

اللي ما غيرته كلتش المروحه

واللي ما سويته غسيل المكينه من داخل المجرا حق الماء

[كبسولة2]

حاول تغسل مجاري الماء في السلندر يمكن مسدودة

http://www.mekshat.com/vb/showthread.php?t=309079

[احساس غريب]

اشكر اخواني ابو عقل واخوي كبسولة وان شاء الله راح اجربها ولكم من جزيل الشكر .
طيب المروحة شغالة مافيه اي شي يابو عقل .
وثاني شي سالت الوالد عن غسل المكينة من داخل المجرا حق الماء وقال اني غاسلة مع تصيخ الرديتر

[BLAZER91]

الله يعينك اخوي
انا خالي نحال معاه نفس اللوري كان 454 وتعبته الحراره ما بقى شي الا وغيره واتضح ان ال454 مع التحميل طبيعي توصل الحراره النص مها صلحت حاول لاتخسر كثير معاها
وبعدين غير مكينه366 اقوى من 454 بس مهي اسرع يعني حقت تحميل وسحب
وارتاح مع الحراره وعنده لوري ثاني350 وحرارته ممتازه وعزمه طيب موبطال اذا ماعندكم طلعات واجد ترى ال350 اوفرلك بس في الطلوع ضعيفه وال454 حراره و366 قويه في الطلوع بس القطع شبه معدومه اتمنى اني افدتك

[احساس غريب]

شكراً اخوي عز الله انك افدتني حيل
يعني 454 حرارته لنص طبيعي مع التحميل

[BLAZER91]

ايه طبيعي مع الحر الي احنا فيه
بس اذا وصلت النص حاول لاتشد عليه كثير لان ال454 اذا مسك حراره مسك

[برغي]

ركب مروحه خارجيه علي الراديتر وراح تنزل الحرارة بأذن الله اختر مروحة شيروكي او مراوح سوبارو:l:l:l

[ولد وايل..]

اللوري الله يحفظك مكينته بها وسع ماشاء الله...

أنت دور لك مروحة ورهمها زود على شد البلد وخلها كهرب ...



الله يوفقنا وياك...

[مركز حراره]

الحراره النص طبيعي ومدام الموتر لوري يعني الصوت ما يهمك خل التماتيك حق المروجه مشبوكه على طول او الغه00ركب مروحه بدون تماتيك

[كبسولة2]

بأمكانك أيضاً تثبيت كلتش المروحة يكون شابك على طوووول

ويعطيك تبريد قووووي جداً

[احساس غريب]

اشكر الجميع والله لا يريكم اي مكروهـ ان شاء الله .
اما بنسبة لترهيم المروحة من فوق شبك اللوري من الخارج ؟؟

[تناهيت]

اشكر الجميع والله لا يريكم اي مكروهـ ان شاء الله .
اما بنسبة لترهيم المروحة من فوق شبك اللوري من الخارج ؟؟


لا ونا اخوك المروحه اللي يقصدونها الشباب تركبها بين الشبك والرديتر وحجمها صغير وتشبكها دايركت مع السلف

اخوي 454 هذا طبعها ما عندك مشكله الى النص توصل الحراره

وان كانك تبي نصيحتي ركب مراوح مرسدس 300 موديل 87-88 تجي ثنتين معها حساسها بلد وشل مروحه الكرنك لنها تاثر على العزم ايضا :good:
واحد من الشباب مركبها على جمس 454وشابكها مع السلف دايركت يستخدمه في مزرعه للتحميل والخطوط ما شاء الله ما تتعدى الربع لاكن عيبها مزعج صوتها وهذا اعتقد ما يهمك
اخوي اللوي اللي تقدصه هو مثل سيارات الببسي الحجم الصغير او جمس 3500 ابو كفرين ورى ..؟

عندك بعد طال عمرك البلف الغه نهائيا وركب رديتر اردني حجم 900 وبتنسى موضوع الحراره ان شاء الله

تحياتي

[راعي المجهم]

ثبت كلتش المروحة بـ 20 ريال فقط

وراح تدعيلي بالخييييييييييييييييييييييير

[احساس غريب]

الله يجزاكم الف الف خير ياأخوان

[ابو عاذر]

اخوي احساس غريب
السلام عليك ورحمة الله وبركاته
الوايت مافيه مشكله ،،،،،،،،، المشكله من سواقتك لان سيارات النقل الثقيل عندما تكون محملة لاتعطى كامل النمر ( التعشيقات ) اي لا تريحها بالنمرة الاخيرة مثلاً اذا كانت خمس تعشيقات خلها في النمرة الرابعة لان المكينة عليها حمل نتيجة الحمولة فتكون دورات المروحة قليلة وليست بالكفاية لتبريد المكينة فالذلك انقل النمرة لترس اقل لزيادة دورات المروحة فيتم التبريد بشكل كافي مع مراعاة عدم الشد الزائد على السيارة .
مع تحيات اخوك ابو عاذر

[احساس غريب]

اخوي احساس غريب
السلام عليك ورحمة الله وبركاته
الوايت مافيه مشكله ،،،،،،،،، المشكله من سواقتك لان سيارات النقل الثقيل عندما تكون محملة لاتعطى كامل النمر ( التعشيقات ) اي لا تريحها بالنمرة الاخيرة مثلاً اذا كانت خمس تعشيقات خلها في النمرة الرابعة لان المكينة عليها حمل نتيجة الحمولة فتكون دورات المروحة قليلة وليست بالكفاية لتبريد المكينة فالذلك انقل النمرة لترس اقل لزيادة دورات المروحة فيتم التبريد بشكل كافي مع مراعاة عدم الشد الزائد على السيارة .
مع تحيات اخوك ابو عاذر

مساك خير يا بو عاذر كلامك صحيح انا والله اريحه دايم بالخامس ومع العلم ما امشي عليه فوق سرعة 80
وانا شاء الله بجربها واردلك خبر فيها وجزاكم الله خير

[ابو الجموس]

مثل ماقالوا الاخوان جعلهم في الجنة انشاالله والله ساعدووووووني انقذوني من الحراراة ومشاكلها

[GMC89]

ثبت كلتش المروحة بـ 20 ريال فقط

وراح تدعيلي بالخييييييييييييييييييييييير


اخوي ياليت توضح كيف يتثبت كلتش المروحه