لهل السلق بالرياض وأطرافه

[غليص 101]

سلام عليكم مسأأأكم /صبأأأحك ورد
أنا فالرياض كانت عندي سلق وأنسرقت جعل الي سرقها ربي يسرق شوفه
وأبي لي ذيخ ولا ضاريه ولا جرو اهم شي يكون طيب
وأبي أبادله
بجهاز icom ic2100
ماهوب جديد يعني ماشي الحال عشان نكون على بينه مع الرجال الي شرواكم
وأبي تفاعلكم الله لايهينكم والي ماله فالسلق يرفع الموضوع برده
والي عنده طلبي
بـشـيـمـه ولا بـقـيـمه يرسل لي ع الخاص رقمه وانا أن شاء الله بدق عليه
أنا مقدر أرسل لان ماعندي مشاركاات في أنتضااركم وسامحوني على الاطاله

[مدهـوش]

غليص
مرحبا ياغالي

انت تبي لك جرو كم عمره .....انا اللي عندي عمره على تم الشهر وعليها ولعوب وامه وابوه طيبات والسلوقي احمر مع ابيض

ان كان لك شف علمني

وترا السلوقي للامانه/ طيب طيب طيب بالحيل وافجح من اما وخلف وتقاطيع جسمه حلللوه

وترا رقمي في التوقيع

[ابوحمد 2009]

الله يرزقك ان شااء الله

[الذود العفر]

تستاهل والله يرزقك اللي يهدي لك أنشالله ..

[ابومحمد 503]

والله يستاهل اخونا غليص وبقولك يا غليص واجد من انصرق سلقه وهي حض ونصيب وانا ياخوي عندي سلقه وانصرقت وجاني سلوقي من واحدن شرواكم ياربع والسلوقي طــيب بالحيل ومات وجاني سلوقي من رجالن شرواكم ياربع واندعس مالحين اهداني واحد الله يجزاه خير سلوقي اسود وصدره ابيض وخواف مايصيد والله اني ماسك الجربوع فيدي وجايبه له عند خشته الله يكرمكم ولا سواله شي وش الحل ياربع ؟؟؟ وانا ودي والله بجريو اتونسبه بالعطله والي يخبرلي جرو لايبخل الله يعافيه







ابو محمد السبيعي
0550504988

[أبوخالد707]

ابو محمد يعطيك العافيه عندي حلك ..ياطويل العمر عندي سلقه حمرا وبصدره بياض خفيف تصيد جرابيع وتلحق الحصني وجبتله اكثر من ارنب \وطلعتبه وطردته وصادته بس لاهديته مع سلق اخوياي تخليهن هن اللي يصيدن ولا صارت لحاله ابشر بصيده... الحل انتسانك تبادل راس براس ..هذا رقمي 0501765179